ព្រះស្វាមី​របស់​ព្រះមហាក្សត្រីយានី អេលីហ្សាបែដ ទី២ (Elizabeth 2) នៃចក្រភពអង់គ្លេស ព្រះអង្គម្ចាស់ ហ្វីលីព (Philip) បានសោយទិវង្គត​ហើយ ក្នុងព្រះជន្មាយុ ៩៩ព្រះវស្សា។ នេះ បើតាមសេចក្តីប្រកាសព័ត៌មាន របស់ព្រះ​បរមរាជវាំង «Buckingham» របស់ចក្រភពអង់គ្លេស នៅមុននេះបន្តិច។

សេចក្តីប្រកាសព័ត៌មាន បានសរសេរថា៖

«ជាមួយនឹង​រាជហឫទ័យក្រៀមក្រំឥតឧបមា ដែលព្រះមហាក្សត្រីយានីមានព្រះសុវណ្ណី ប្រកាសឲ្យដឹង​អំពី​ការសោយទិវង្គត របស់ព្រះអង្គម្ចាស់ ហ្វីលីព។»

ព្រះបរមរាជវាំង បានអះអាងទៀតថា ព្រះអង្គម្ចាស់បានលាចាកលោក យ៉ាងស្ងប់ស្ងៀម នៅវេលាព្រឹកថ្ងៃសុក្រ ទី៩ ខែមេសា ឆ្នាំ២០២១នេះ ក្នុងរាជដំណាក់ «Windsor» ស្ថិតនៅខាងលិចរាជធានី ឡុងដ៍។

សារព័ត៌មានអង់គ្លេសបានផ្សាយឲ្យដឹងថា នៅថ្ងៃទី១៦ ខែកុម្ភៈ ឆ្នាំ២០២១ ព្រះអង្គម្ចាស់ត្រូវបានបញ្ជូនជាបន្ទាន់  ទៅកាន់មន្ទីរពេទ្យ ដើម្បីទទួលអន្តរាគមន៍ ពីសំណាក់គ្រូពេទ្យ ជុំវិញអាការៈបេះដូងរបស់ទ្រង់។ ព្រះអង្គម្ចាស់​បាន​ចាកចេញ​ពីមន្ទីរពេទ្យវិញ នៅថ្ងៃទី១៦ ខែមីនា និងបានយាងទៅគង់​ក្នុងរាជដំណាក់ «Windsor» តាំងពី​ពេលនោះ​មក។

រាប់ពីឆ្នាំ២០១៧មក ព្រះអង្គ​ម្ចាស់ ហ្វីលីព បានចូលគង់ព្យាបាលព្រះសុខភាព នៅឯមន្ទីរពេទ្យ​ជាច្រើនដង ដោយ​មានអាការៈ«ជំងឺដដែលៗ»។

ព្រះអង្គម្ចាស់ បានបំបែកឯតទគ្គកម្ម នៃមហេសីឬស្វាមី របស់ព្រះមហាក្សត្រ ឬព្រះមហាក្សត្រីយានីអង់គ្លេស ដែល​មាន​ព្រះជន្មាយុវែងបំផុត បន្ទាប់ពីព្រះអង្គម្ចាស់ក្សត្រី «Charlotte» មហេសីរបស់ព្រះមហាក្សត្រ «George III»។

បន្ទាប់ពីបានរៀបអភិសេក ជាមួយព្រះមហាក្សត្រីយានី អេលីហ្សាប៊ែដទី២ ក្នុងឆ្នាំ១៩៤៧រួច ព្រះអង្គម្ចាស់ ហ្វីលីព បានមានបន្ទូលពន្យល់ ទៅលេខាធិការឯកជនរបស់ព្រះអង្គ គឺលោក «Michael Parker» ថា៖

«កិច្ចការទី១ ទី២ និងកិច្ចការចុងក្រោយរបស់ខ្ញុំ គឺមិនត្រូវទុកព្រះមហាក្សត្រីយានី ឲ្យនៅតែអង្គឯកឡើយ។»

ព្រះមហាក្សត្រីយានី អេលីហ្សាបែដ ទី២ ក៏ធ្លាប់មានព្រះសុវណ្ណី ទទួលស្គាល់​ជាសាធារណៈដែរថា ព្រះស្វាមី​របស់​ព្រះនាង បានផ្ដល់ជា«កម្លាំង» និង«ការគាំទ្រ» ដល់ព្រះនាងយ៉ាងច្រើន។

ព្រះអង្គម្ចាស់ បានប្រសូតនៅក្រុង «Corfou» (នៃប្រទេសក្រិច) ក្នុងថ្ងៃទី១០ ខែមិថុនា ឆ្នាំ១៩២១ ដោយមានងារ​ជាព្រះអង្គម្ចាស់ នៃប្រទេសក្រិក និងដាណឺម៉ាក។

នៅពេលព្រះអង្គម្ចាស់ មានជន្មាយុ១៨ខែ ព្រះមហាក្សត្រនៃប្រទេសក្រិច ដែលត្រូវជាព្រះបិតុលារបស់ទ្រង់ ត្រូវបានបង្ខំឱ្យដាក់រាជ្យ ហើយព្រះបិតារបស់ទ្រង់ ត្រូវបានបណ្តេញចេញពីប្រទេសក្រិច បន្ទាប់ពីសង្គ្រាមរវាងប្រទេសក្រិច និងប្រទេសទួរគី។ នៅពេលនោះ ព្រះអង្គម្ចាស់ ហ្វីលីព បានចាកចេញពីប្រទេសក្រិច តាមនាវារបស់កងទ័ពអង់គ្លេស ជាមួយព្រះបិតា ព្រះមាតា រួមនឹងព្រះជេដ្ឋភគិនី (បងស្រី) ៤អង្គទៀត៕



លំអិតបន្ថែមទៀត

ដំណឹង

អង់គ្លេស៖ «កាន់​កាំបិត​ដើរចាក់​មនុស្ស» របួសច្រើននាក់ ចាប់ខ្លួន​ម្នាក់

«កាន់​កាំបិត​ដើរចាក់​មនុស្ស»៖ ហេតុការណ៍ដ៏រន្ធត់ បានកើតឡើង ក្នុងល្ងាចថ្ងៃសៅរ៍នេះ នាឧទ្យាន «Forbury Garden» នៃក្រុង «Reading» ដែលស្ថិតនៅភាគខាងលិច នៃ​រាជធានីឡុងដ៍ ចក្រភពអង់គ្លេស ។ ...
កំសាន្ដ

យុវតីជំទង់«ជាប់គូទ»ក្នុងទោងកូនក្មេង ពេលថត​បង្ហោះ​ក្នុង«TikTok»

យុវតីអង់គ្លេស​អាយុ១៤ឆ្នាំម្នាក់ បាន«ជាប់គូទ»​នៅក្នុងប្រឡោះទោង ដែលគេធ្វើដើម្បីសុវត្ថិភាពកូនក្មេង នៅក្នុងទីធ្លាកម្សាន្ដ​មួយ​កន្លែង​នៅក្បែរផ្ទះ។ កញ្ញា «Layani Maclean» ដែលជាតារាល្បី​​នៅក្នុងបណ្ដាញចែកចាយវីដេអូ «TikTok» ត្រូវរង់ចាំអស់ជាងមួយម៉ោង ទម្រាំក្រុមអ្នកជួយសង្គ្រោះ ជួយយកនាងចេញពីប្រឡោះនោះ ដោយមានជំនួយពី… ...
ដំណឹង

Covid-19៖ អៀរ៉ង់ហាមឃាត់វ៉ាក់សាំង របស់​អាមេរិក និងអង់គ្លេស

មគ្គុទេសន៍ដ៏កំពូល (Ayatolla) របស់ប្រទេសអៀរ៉ង់ លោក «Ali Khamenei» បានប្រកាសនៅថ្ងៃសុក្រទី៨ ខែមករានេះ ហាមឃាត់ការនាំចូល នូវថ្នាំវ៉ាក់សាំង​បង្ការជំងឺកូវីដ (Covid-19) ដែលផលិតដោយសហរដ្ឋអាមេរិក និងអង់គ្លេស ...

Comments are closed.

យល់ស៊ីជម្រៅផ្នែក ដំណឹង

ដំណឹង

Covid-19៖ វ៉ាក់សាំង​«Sinopharm»​ទទួលភ្លើងខៀវ​បន្ទាន់ពី«WHO»

កម្ពុជា

ហ៊ុន សែន ថាខេត្តដែលកំហិត​ឲ្យធ្វើ​ចត្តាឡីស័ក ជា«ការបង្កើតរដ្ឋ​ក្នុងរដ្ឋ»

លោកនាយករដ្ឋមន្ត្រី ហ៊ុន សែន បានហៅការសម្រេច របស់អភិបាលខេត្តក្រុងមួយចំនួន ថាជា«ការបង្កើតរដ្ឋ​ក្នុងរដ្ឋ» ជុំវិញសេចក្ដីសម្រេច​របស់ពួកគេ ក្នុងការដាក់កំហិតឲ្យធ្វើចត្តាឡីស័ក សម្រាប់ពលរដ្ឋណាដែលធ្វើដំណើរឆ្លងខេត្ត។ បុរសខ្លាំងនៅកម្ពុជា បានបញ្ជាឲ្យមេដឹកនាំ នៅតាមខេត្តក្រុងទាំងនោះ ត្រូវធ្វើការផ្លាស់ប្ដូរ​សេចក្ដីសម្រេច​នោះ​ជាបន្ទាន់។ ...
កម្ពុជា

Covid-19៖ កម្ពុជាមានអ្នកជំងឺ​កើន«ដល់​២២៣៣​ករណី ស្លាប់១០នាក់»

ប្រទេសកម្ពុជា​បន្តរកឃើញ​អ្នកផ្ទុកមេរោគកូវីដ-១៩ (Covid-19) ចំនួន៨៦នាក់ ដែលធ្វើឲ្យចំនួនសរុបកើនឡើង ដល់​២២៣៣​ករណី នៅថ្ងៃទី២៨ ខែមីនា ឆ្នាំ២០២១នេះ។ រីឯអ្នកជំងឺដែលទទួលមរណភាព ដោយសារជំងឺនេះ ត្រូវបានប្រកាសតួលេខជាផ្លូវការ មានចំនួន១០នាក់ រាប់មកដល់ម៉ោងនេះ។ ...