ដំណឹងពិភពលោក

មហាសេដ្ឋី​អាមេរិក «Jeffrey Epstein» បាន​សម្លាប់​ខ្លួន​ក្នុង​ពន្ធនាគារ

មហាសេដ្ឋី​អាមេរិក លោក «Jeffrey Epstein» ត្រូវបានប្រទះឃើញស្លាប់ ដោយព្យួរករ នៅក្នុងពន្ធនាគារ ក្នុងព្រឹកថ្ងៃសៅរ៍នេះ។ បើតាមសារព័ត៌មានអាមេរិក បានរាយការណ៍​ថា មរណភាពនេះ ជាការសម្លាប់ខ្លួន មុននឹងត្រូវអះអាងបន្ថែម ដោយមន្ត្រីអាជ្ញាធរ កាលពីមុននេះបន្តិច។

កាលពីខែកក្កដាកន្លងទៅ លោក «Jeffrey Epstein» អាយុ៦៦ឆ្នាំ ត្រូវបានតុលាការចោទប្រកាន់ ពីបទធ្វើពេស្យាកម្ម ទៅលើអនីតិជនច្រើនសិបនាក់ ដែលបានកើតឡើង រវាងពីឆ្នាំ២០០២ មកទល់នឹងឆ្នាំ២០០៥។

បើតាមការចោទប្រកាន់នោះ បានលើកឡើងថា លោក «Jeffrey Epstein» ទំនងជាបាននាំក្មេងស្ត្រីជំទង់ ប្រមាណជាង៤០នាក់ (ក្នុងនោះមានមួយចំនួន អាយុទើបតែ​១៤ឆ្នាំ) ចូលមកក្នុងលំនៅដ្ឋានរបស់លោក ជាច្រើនកន្លែង ដើម្បីការរួមភេទ ជាថ្នូរនឹងប្រាក់សុទ្ធ រាប់រយដុល្លារ។

លំនៅដ្ឋានទាំងនោះ មាននៅក្នុងសង្កាត់ «Manhattan» នៃក្រុងញូយក – ក្នុងក្រុង «Palm Beac» នៃរដ្ឋផ្លរីដា និងនៅលើកោះមួយ នៃប្រជុំកោះ ការ៉ាអ៊ីប។

មហាសេដ្ឋី​អាមេរិក ត្រូវបានបដិសេធនៅក្រៅឃុំ

កាលពីថ្ងៃសុក្រ សារព័ត៌មាន «Miami Herald» បានទម្លាយរឿងអាស្រូវថ្មីៗ បន្ថែមទៀតថា បុរសមហាសេដ្ឋីរូបនេះ ទំនងជាទទួលបានប្រយោជន៍ ក្នុងការលាក់កំបាំងសំណុំរឿង ដោយសារមានការដាក់សម្ពាធ អំពីមជ្ឈដ្ឋាននយោបាយ។

សារព័ត៌មានបានបង្ហើប ជាឧទាហរណ៍ឡើងថា ពីក្នុងចំណោមជនសង្ស័យ ដែលធ្លាប់មានទំនាក់ទំនងផ្លូវភេទ ជាមួយក្មេងស្ត្រីជំទង់ៗរងគ្រោះខាងលើ ក៏មានលោក «George Mitchell» សមាជិកព្រឹទ្ធសភាដ៏មានឥទ្ធិពល មកពីគណបក្សប្រជាធិបតេយ្យម្នាក់ដែរ។

លោក «Jeffrey Epstein» ដែលធ្លាប់ជាមនុស្សជំនិតម្នាក់ របស់លោក ដូណាល់ ត្រាំ (Donald Trump) ប្រធានាធិបតីអាមេរិកសព្វថ្ងៃ ត្រូវបានឃុំខ្លួន​ជាបណ្ដោះអាសន្ន ក្នុងមណ្ឌលកែប្រែ នៃក្រុងញូយក (Metropolitan Correctional Center)។

សារព័ត៌មាន «New York Times» បានឲ្យដឹងថា បុរសមហាសេដ្ឋីធ្លាប់ព្យាយាម ធ្វើអត្តឃាតម្ដងហើយ កាលពីថ្ងៃទី២៤ ខែកក្កដា ឆ្នាំ២០១៩នេះ។ ឆ្មាំពន្ធនាគារបានរកឃើញលោកមានរបួស នៅក្នុងពន្ធនាគារ និងដឹងខ្លួននៅឡើយ។

សារព័ត៌មានបន្តថា ទោះជាមានហេតុការណ៍នេះក្ដី តែលោក «Jeffrey Epstein» ទំនងជាមិនត្រូវបានឃ្លាំមើលបន្ថែម ផ្នែកសុវត្ថភាព ក្នុងពន្ធនាគារនោះទេ។

កាលពីប៉ុន្មានថ្ងៃមុន ចៅក្រមមួយរូប នៃតុលាការក្រុង «Manhattan» បានបដិសេធមិនឲ្យបុរសអ្នកមានប្រាក់រូបនេះ បាននៅក្រៅឃុំ ដោយមានការបង់ប្រាក់នោះឡើយ។ ការបដិសេធនោះ ត្រូវបានចៅក្រមពន្យល់ថា លោក «Jeffrey Epstein» អាចមានឱកាសគេចខ្លួន ពីសហរដ្ឋអាមេរិក ជាមួយនឹងធន់ធាន និងមធ្យោបាយដ៏សម្បើមរបស់ខ្លួន៕



លំអិតបន្ថែមទៀត

ដំណឹង

«AstraZeneca»ការពារវ៉ាក់សាំងខ្លួន ថាគ្មាន​ភស្ដុតាង​ពីជំងឺ​«ឈាមកក»

សហគ្រាស​«AstraZeneca»​នៃចក្រភពអង់គ្លេស បានចេញមុខ មកការពារវ៉ាក់សាំងរបស់ខ្លួន ដោយអះអាងថា គ្មាន​ភស្ដុតាងណាមួយ បង្ហាញពីហនិភ័យធ្ងន់ធ្ងរ បង្កឲ្យមានជំងឺ«ឈាមកក» សម្រាប់អ្នកដែលបានទទួល​វ៉ាក់សាំង​នោះឡើយ។ ប្រតិកម្ម​របស់សហគ្រាស​ផលិត​ឱសថ ធ្វើឡើងបន្ទាប់ពីប្រទេសជាច្រើន ទាំងក្នុងសហភាពអ៊ឺរ៉ុប និងនៅ​ទ្វីបអាស៊ី បានសម្រេចផ្អាក​ការប្រើវ៉ាក់សាំង ...
ដំណឹង

ស៊ី ជិនពីង ថាចិន«មិនចង់ឃើញសង្គ្រាម»​នៅអ៊ុយក្រែន

ជួប​ជាមួយប្រធានាធិបតី​អាមេរិក តាមរយៈទូរស័ព្ទ លោក ស៊ី ជិនពីង (Xi Jinping) ប្រធានាធិបតីចិន បានអះអាងថា ប្រទេសរបស់លោក «មិនចង់ឃើញសង្គ្រាម» នៅក្នុងប្រទេសអ៊ុយក្រែនទេ ដោយគូសបញ្ជាក់ថា ...
កីឡា និងបច្ចេកវិទ្យា

អគ្គនាយក «Google» ពន្យល់​ហេតុអ្វី​ចុច​ពាក្យ​គន្លឹះ«ភ្លើ»​ចេញរូប ត្រាំ!

អគ្គនាយកក្រុមហ៊ុនយក្ស «Google» លោក «Sundar Pichai» បានព្យាយាមពន្យល់ នៅចំពោះគណៈកម្មាធិការមួយ របស់សភាជាតិអាមេរិក អំពីថាហេតុអ្វី បានជាគេចុចពាក្យ «ភ្លើ» នៅក្នុងប្រអប់រុករក របស់ ...

Comments are closed.

យល់ស៊ីជម្រៅផ្នែក ដំណឹង

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

ដំណឹង

ទាហានអ៊ុយក្រែន​ដែលត្រូវរ៉ុស្ស៊ី​បាញ់សម្លាប់ ក្លាយជា«វីរបុរសជាតិ»

ទាហានអ៊ុយក្រែនដែលត្រូវកងទ័ពរ៉ុស្ស៊ីបាញ់សម្លាប់ ត្រូវបានកំណត់អត្ថសញ្ញាណ និងប្រកាសឲ្យក្លាយជា«វីរបុរសជាតិ»។ នេះ បើតាមទីភ្នាក់ងារសន្តិសុខអ៊ុយក្រែន «SBU» និងការថ្លែង របស់ប្រធានាធិបតីអ៊ុយក្រែន លោក «Volodymyr Zelensky» នៅល្ងាចថ្ងៃអាទិត្យទី១២ ខែមិនា។ ...