ដំណឹងពិភពលោក

ស្ត្រីបង្ហាញម៉ូដសាក្សីប្រឆាំងអតីតនាយករដ្ឋមន្ត្រីអ៊ីតាលី ទំនងត្រូវបានបំពុល

នាង អ៊ីម៉ាន ហ្វាឌីល (Imane Fadil) អតីតស្ត្រីបង្ហាញម៉ូដជាតិម៉ារ៉ុក អាយុ៣៣ឆ្នាំ បានលាចាកលោក កាលពីថ្ងៃទី១ ខែមិនាកន្លងទៅ។ សម្រាប់សារព័ត៌មានអ៊ីតាលី «Corriere della Sierra» អតីតស្ត្រីបង្ហាញម៉ូដរូបនេះ ទំនងត្រូវបានបំពុល ដោយសារជាតិគីមី​វិទ្យុសកម្មមួយប្រភេទ។

ស្ត្រីរូបស្រស់ គឺជាមនុស្សម្នាក់ ក្នុងចំណោមមនុស្សដ៏តិចតួច និងដ៏កម្រ ដែលបានឡើងធ្វើសាក្សី ក្នុងឆ្នាំ២០១២ ប្រឆាំងនាយករដ្ឋមន្ត្រីអ៊ីតាលី លោក ស៊ីលវីយ៉ូ ប៊ែរលូស្កូនី (Silvio Berlusconi) នៅក្នុងសំនុំរឿងអាស្រូវផ្លូវភេទ «Rubygate» ដែលបានកើតឡើង ក្នុងឆ្នាំ២០១០។

លោក ស៊ីលវីយ៉ូ ប៊ែលូស្កូនី ត្រូវបានសារព័ត៌មានអ៊ីតាលី ស្រង់សំដីមកចុះផ្សាយក្នុងរបាយការណ៍ថា៖

«វាត្រូវតែជារឿងសោកស្ដាយខ្លាំងណាស់ នៅពេលដែលមាននរណាម្នាក់ ស្លាប់ទៅទាំងវ័យក្មេងដូច្នេះ។ តែខ្ញុំមិនដែលបានជួបនាងម្នាក់នេះទេ ហើយខ្ញុំក៏មិនដែល បាននិយាយ​ជាមួយដែរ។ ខ្ញុំគិតថា សំដីសក្ខីកម្មរបស់នាង សុទ្ធសឹងជាការប្រឌិតឡើង។ ជាសំដីដែលមិនទំនង។»

«ក្ដីបារម្ភថាខ្លួន ទំនងត្រូវបានបំពុល»

អតីតស្ត្រីបង្ហាញម៉ូដ បានចូលទៅពិគ្រោះ តាំងពីដើមខែកុម្ភៈមុន នៅក្នុងគិលានុបដ្ឋានមួយ ក្បែរក្រុងមីឡង់ (Milan) បន្ទាប់ពីនាងមានការឈឺចាប់ធ្ងន់ធ្ងរ ទាក់ទងនឹងក្រពះ។ ប៉ុន្តែមរណភាពរបស់នាង នៅថ្ងៃទី១ ខែមិនា ទើបតែប្រកាសឲ្យដឹង ជាសាធារណៈនៅប៉ុន្មានថ្ងៃមុននេះប៉ុណ្ណោះ។

នៅមុនមរណភាព នាង អ៊ីម៉ាន ហ្វាឌីល បានថ្លែងប្រាប់មេធាវីរបស់នាង ពីការបារម្ភរបស់ខ្លួន ដែលគិតថា នាងទំនងជាត្រូវគេបំពុល។

បន្ទាប់ពីសក្ខីកម្មក្នុងសវនាការ កាលពីឆ្នាំ២០១២នោះរួច អតីតកំពូលស្ត្រីបង្ហាញម៉ូដ បានចេញមកប្រកាសឲ្យដឹង កាលពីពេលថ្មីៗនេះ ថានាងកំពុងរៀបចំបោះពុម្ភសៀវភៅមួយ ដែលនិយាយយ៉ាងលំអិត ពីរាត្រីស៊ីផឹកជាច្រើន នៅក្នុងភូមិគ្រឹះរបស់លោក ស៊ីលវីយ៉ូ ប៊ែរលូស្កូនី (ដែលនាំទៅដល់ការសង្ស័យ ពីរឿងអាស្រូវផ្លូវភេទ)។

កាលពីខែមករា នាង អ៊ីម៉ាន ហ្វាឌីល បានបង្ហើបឲ្យដឹងថា៖

«មានគេចង់ផ្ដល់ឲ្យខ្ញុំ នូវផលប្រយោជន៍មិនសមប្រកបជាច្រើន ខ្ញុំមិនទាន់បាននិយាយចេញទេ តែខ្ញុំនឹងធ្វើវា ក្នុងពេលខាងមុខ។»

សំណៅដើម នៃសៀវភៅរបស់អតីតតារាបង្ហាញម៉ូដ កំពុងស្ថិតក្នុងដៃចៅក្រមស៊ើបអង្កេតក្នុងពេលនេះ ខណៈការស៊ើបអង្កេតមួយ ពីបទ«មនុស្សឃាតដោយចេតនា» កំពុងប្រព្រឹត្តិទៅ ទៅលើមរណភាពខាងលើ។

ប្រភពមួយស្និតនឹងការស៊ើបអង្កេត បានបង្ហើបប្រាប់សារព័ត៌មានអ៊ីតាលី ឲ្យដឹងថា លទ្ធផលថ្ងៃទី៦ ខែមិនា ឆ្នាំ២០១៩ នៃការធ្វើពិសោធន៍ ទៅលើសាកសពនាង អ៊ីម៉ាន ហ្វាឌីល បានរកឃើញវត្តមាន ការលាយឡំគ្នានៃសារជាតិវិទ្យុសកម្ម ដែលគេមិនអាចរកបាន ដោយងាយៗឡើយ។

នៅក្នុងរឿងអាស្រូវផ្លូវភេទ «RubyGate» ដ៏ចម្រូងចម្រាស់ លោក ស៊ីលវីយ៉ូ ប៊ែរលូស្កូនី បានរងការចោទប្រកាន់ ពីបទ«បំពានលើអំណាច ជានាយករដ្ឋមន្ត្រី​» ពីបទ«ធ្វើអាជីវកម្មឲ្យមានពេស្យាកម្ម» និងពីបទ«ធ្វើអាជីវកម្មលើស្ត្រី មិនទាន់គ្រប់អាយុ»។ អតីតប្រមុខរដ្ឋាភិបាលអ៊ីតាលី ត្រូវបានសាលាដំបូងរកឃើញថា មានទោស ក្នុងឆ្នាំ២០១៣ តែត្រូវបានសាលាឧទ្ធរណ៍ លើកលែងការចោទប្រកាន់ទាំងអស់វិញ ក្នុងឆ្នាំ២០១៤៕



លំអិតបន្ថែមទៀត

ដំណឹង

អ៊ីតាលី៖ គ្រូពេទ្យស្នើឲ្យរដ្ឋាភិបាល​«បិទប្រទេសទាំងស្រុង»ឡើងវិញ

ក្រុមគ្រូពេទ្យអ៊ីតាលី បានស្នើឲ្យរដ្ឋាភិបាល​«បិទប្រទេសទាំងស្រុង»​ឡើងវិញ និងជាបន្ទាន់ ដើម្បីទប់ស្កាត់​រលកទី២ នៃការរាតត្បាតជំងឺ«Covid-19»។ ពួកគេទាំងនោះបាន​លើកឡើង​ថា ស្ថានភាព​ក្នុងប្រទេស​អ៊ីតាលី នៅពេលនោះ មានលក្ខណៈ​«គ្រប់គ្រង​លែងបាន»។ ប៉ុន្មានសប្ដាហ៍ចុងក្រោយនេះ ប្រទេសអ៊ីតាលីមានអ្នកជំងឺកូវីដថ្មី រវាងពី៣០០០០ ទៅ៤០០០០នាក់ ...
ពីឆ្វេងទៅស្ដាំ៖ ទិដ្ឋភាពក្នុងថ្នាក់រៀនមួយកន្លែង និងទិដ្ឋភាពនៃការទះកំផ្លៀង កូនសិស្ស ដោយគ្រូបង្រៀន នៅអ៊ីតាលី។ (រូបថតផ្តិតពីវីដេអូ)
កម្រមាន

អ៊ីតាលី៖ គ្រូបង្រៀន«ទះកំផ្លៀង»កូនសិស្ស ព្រោះមិនពាក់ម៉ាស់

បដិសេធក្នុងការពាក់ម៉ាស់ ក្នុងថ្នាក់រៀន ទទួលបានលទ្ធផល ដោយការ«ទះកំផ្លៀង» ពីសំណាក់គ្រូបង្រៀនរបស់ខ្លួន។ នេះ បើតាមរូបភាពវីដេអូ ដែលត្រូវបានបង្ហោះ នៅលើ​បណ្ដាញសង្គម មុននឹងត្រូវប្រព័ន្ធសារព័ត៌មាន នៅប្រទេសអ៊ីតាលី ដកស្រង់​យកមកធ្វើ​របាយការណ៍ព្រោងព្រាត នៅចុងសប្ដាហ៍កន្លងមក។ ...
កំសាន្ដ

នាវាយក្ស​រសាត់តាមកម្លាំងព្យុះ បង្ក​ភាព​ព្រឺព្រួច​ដល់​តំបន់​ឆ្នេរនៅ​ វើនីស

មានបណ្ដោយប្រវែង ២៩៤ម៉ែត្រ នាវាកម្សាន្ដយក្ស ដែលមានឈ្មោះ «Costa Deliziosa» បានហៀបបង្កឲ្យមានគ្រោះថ្នាក់ ដ៏សម្បើមមួយ នៅនឹងឆ្នេរសមុទ្រ នៃក្រុង វើនីស (Venise) ប្រទេសអ៊ីតាលី។  ...

Comments are closed.

យល់ស៊ីជម្រៅផ្នែក ដំណឹង

ដំណឹង

អាមេរិក៖ ជនម្នាក់​បាញ់រះ​ក្នុង​សាលាបឋមសិក្សា ស្លាប់យ៉ាងតិច​១៩នាក់

ដំណឹង

ម៉ាក្រុង តែងតាំង អេលីហ្សាប៊ែត ប៊ន (ទំនោរឆ្វេងនិយម) ជានាយករដ្ឋមន្ត្រី

អ្នកស្រី អេលីហ្សាប៊ែត ប៊ន (Élisabeth Borne) បច្ចុប្បន្នជារដ្ឋមន្ត្រីការងារ ត្រូវបានលោកប្រធានាធិបតី អេម៉ានុយអែល ម៉ាក្រុង (Emmanuel Macron) តែងតាំងជា​នាយករដ្ឋមន្ត្រីថ្មី ដើម្បីដឹកនាំរដ្ឋាភិបាលបារាំង ...
ដំណឹង

ឧក្រិដ្ឋកម្ម៖ ទាហានរ៉ុស្ស៊ី​បាញ់​ជនស៊ីវិលអ៊ុយក្រែន​២នាក់ ពីក្រោយខ្នង

នៅក្នុងយានដ្ឋានមួយកន្លែង ក្បែររដ្ឋធានីគៀវ (ប្រទេសអ៊ុយក្រែន) ទាហានរ៉ុស្ស៊ី២នាក់បានផ្ទុះអាវុធ​ បាញ់សម្លាប់​ជនស៊ីវិលអ៊ុយក្រែន២នាក់ ពីក្រោយខ្នង មុននឹងទាហានទាំងនោះ ចូលឆក់ប្លន់ និងបំផ្លិចបំផ្លាញ​ទ្រព្យសម្បត្តិ​យានដ្ឋាននោះ។ ហេតុការណ៍កើតឡើង តាំងពីថ្ងៃទី១៦ ខែមិនា ឆ្នាំ២០២២ ...