នាយករដ្ឋមន្ត្រីនៃប្រទេសហុងគ្រី លោក វិចទ័រ អ័របង់ (Viktor Orban) ដែលជាអ្នកគាំទ្រលោក ដូណាល់ ត្រាំ (Donald Trump) ដ៏មុតមាំម្នាក់ បានថ្លែងបរិហារ​​អំពីការ​​«លូកដៃ»​ចូលកិច្ចការផ្ទៃក្នុងអាមេរិក ជុំវិញប្រតិកម្មទាំងឡាយ ដែលត្រូវបានមេដឹកនាំធំៗ នៅជុំវិញពិភពលោក លើកឡើង​នៅចំពោះព្រឹត្តិការណ៍​ទន្ទ្រានកាន់កាប់វិមានកាពីតូល (វិមានសភាទាំងពីរថ្នាក់ របស់សហរដ្ឋអាមេរិក) កាលពីរសៀលថ្ងៃពុធ ដោយក្រុមអ្នកនិយមលោក ត្រាំ។

លោក អ័របង់ ដែលជាមេដឹកនាំអ៊ឺរ៉ុបដ៏កម្រ ដែលគាំទ្រលោក ត្រាំ ប្រធានាធិបតីអាមេរិកចប់អាណត្តិ បានថ្លែងនៅថ្ងៃសុក្រនេះ ក្នុងបទសម្ភាសប្រចាំសប្ដាហ៍ នៅតាមវិទ្យុផ្សាយសម្លេងក្នុងស្រុកមួយថា៖

«យើងមិនចូលចិត្ត ឲ្យគេវិនិច្ឆ័យយើងទេ។ បើអញ្ចឹង ចូរយើងកុំវិនិច្ឆ័យប្រទេសដទៃ (…) យើងមិនត្រូវ”លូកដៃ” ទៅក្នុងរឿងរ៉ាវដែល​កំពុងកើតឡើង នៅប្រទេសអាមេរិកទេ ព្រោះជារឿងរបស់ពលរដ្ឋអាមេរិក (…) ហើយយើង​មានសុទិដ្ឋិនិយម​ច្បាស់ណាស់ ថាពួកគេនឹងរកបាន​​ដំណោះស្រាយ។»

ក្នុងរយៈកាលនៃយុទ្ធនាការរកសម្លេងឆ្នោត នៃការបោះឆ្នោតប្រធានាធិបតីអាមេរិក លោក វិចទ័រ អ័របង់ បានថ្លែងចង់ឃើញលោក ដូណាល់ ត្រាំ ត្រូវបានជ្រើសតាំងជាថ្មីឡើងវិញ ដោយលោកចាត់ទុកថា វាជា«ដំណោះស្រាយដ៏ល្អ សម្រាប់ទ្វីបអ៊ឺរ៉ុបកណ្ដាល»។ នាយករដ្ឋមន្ត្រី​ហុងគ្រីរូបនេះ ថែមទាំងបានអួតអាង​នៅពេលនោះថា លោកធ្លាប់ទទួលបានការហៅទូរស័ព្ទ ពីប្រធានាធិបតីអាមេរិក នៅខណៈលោក​កំពុងធ្វើម្ហូប នៅឯផ្ទះបាយ​របស់លោក​នោះទៀត។

ប្រព័ន្ធផ្សព្វផ្សាយហុងគ្រី ដែលលំអៀងទៅរដ្ឋាភិបាលលោក អ័របង់ បានចេញផ្សាយរបាយការណ៍ជាច្រើន លាបពណ៌លោក ចូ បៃដិន (Joe Biden) ប្រធានាធិបតីជាប់ឆ្នោតថ្មី របស់សហរដ្ឋអាមេរិកថា ជា«ជនកុម្មុយនីស្ដិ៍» ដែល«និយមលទ្ធិម៉ាក្ស»។

សារព័ត៌មានទាំងនោះ ក៏បានផ្សព្វផ្សាយផងដែរ អំពីការលួចបន្លំ «ដ៏គួរឲ្យអាម៉ាស់» នៅក្នុងការបោះឆ្នោតប្រធានាធិបតីអាមេរិក កាលពីដើមខែវិច្ឆិកា ឆ្នាំ២០២០ ហើយថា អំពើហិង្សា​នៅវិមានកាពីតូល កាលពីរសៀលថ្ងៃពុធ បង្ហាញពី«បរាជ័យទាំងស្រុង» នៃរដ្ឋបាលលោក បៃដិន (SIC!!!) បន្ទាប់ពីការបោះឆ្នោត​«ដ៏អាស្រូវ»មួយ។

គួររំឭកដែរថា កាលពីអំឡុងខែមិថុនា ឆ្នាំ២០១៩ លោក វិចទ័រ អ័របង់ ធ្លាប់បានសម្ដែងការគាំទ្ររដ្ឋាភិបាលលោក ហ៊ុន សែន នៅក្នុង​យុទ្ធការការទូត ដែលរបបក្រុងភ្នំពេញត្រូវការ ដើម្បីរក្សាទុក នូវប្រព័ន្ធអនុគ្រោះពន្ធ «EBA» របស់សហភាពអ៊ឺរ៉ុប។

ក្នុងក្រសែរភ្នែករបស់បស្ចឹមលោក រដ្ឋាភិបាលរបស់លោក អ័របង់ មិនសូវជាមានឈ្មោះល្អប៉ុន្មានទេ ជាពិសេសនៅក្នុងសំនុំរឿង បដិសេធ​ជនភៀសខ្លួន ប្រើប្រាស់អំណាចនីតិប្រតិបត្តិ គ្របទៅលើនីតិអំណាចផ្សេងទៀត និងការលើកឡើងជារឿយៗ អំពី«Fake News» ចំពោះ​របាយការណ៍ទាំងឡាយ ដែលរសើបៗ។

លោក អ័របង់ ដែលបានឡើងកាន់អំណាច តាំងពីឆ្នាំ២០១០ តែងទទួលការរិះគន់ជាញយកដង នៅក្នុងសម័យកាល នៃរដ្ឋបាលលោកប្រធានាធិបតី បារ៉ាក់ អូបាម៉ា (Barack Obama) ដែលមានលោក ចូ បៃដិន ជាអនុប្រធានាធិបតី។ សហរដ្ឋអាមេរិកនៅពេលនោះ បានរិះគន់មិនសំចៃមាត់ ទៅលើការដឹកនាំរបស់លោក អ័របង់ ជុំវិញការបង្ក្រាប ទៅលើសេរីភាពសារព័ត៌មាន ទៅលើប្រព័ន្ធយុត្តិធម៌ និងសិទ្ធិសង្គមស៊ីវិល៕



លំអិតបន្ថែមទៀត

ដំណឹង

គីម អួតអាង​ថា ទំនាក់ទំនង​ចិន-​កូរ៉េខាងជើង «មិនអាចបំបាក់»​បានឡើយ

ទំនាក់ទំនងរវាងប្រទេសចិន និងកូរ៉េខាងជើង «មិនអាចបំបាក់»បានឡើយ។ នេះ ជាការអះអាងឡើងរបស់លោក គីម ជុងអ៊ុន (Kim Jong-un) មេដឹកនាំរបបកុម្មុយនីស្ដិ៍កូរ៉េ ដែលត្រូវបាន​ទីភ្នាក់ងារ​ព័ត៌មានផ្លូវការ «KCNA» ស្រង់យកមកចុះផ្សាយ ...
កម្ពុជា

នេះជា​ផ្ទះ​ដែល​ឯកអគ្គរដ្ឋទូត​អាមេរិក​ស្នាក់នៅ ក្នុង​ចុង​សប្ដាហ៍​កន្លង​មក

ក្នុង​ចុង​សប្ដាហ៍​កន្លង​មក ឯកអគ្គរដ្ឋទូតសហរដ្ឋអាមេរិក ប្រចាំនៅកម្ពុជា លោក ប៉ាទ្រីក ម័រហ្វី (Patrick Murphy) បានធ្វើដំណើរ​ទៅកាន់​ទឹកដីភាគឦសាន នៃប្រទេស​កម្ពុជា ជាពិសេសនៅក្នុងខេត្ត​មណ្ឌលគិរី ដោយស្នាក់ក្នុង​ក្រុង សែនមនោរម្យ ...
កំសាន្ដ

ស្ត្រីម្នាក់​«ស្រាត» នៅខាងមុខ​រនាំង​នគរបាល ក្នុងក្រុង​ព័រឡេន (អាមេរិក)

នៅខណៈវិបត្តិកំពុងបន្តផ្ទុះ នៅតាមក្រុងធំៗ នៃសហរដ្ឋអាមេរិក ស្ត្រីម្នាក់បានចូលរួម​ការតវ៉ា ជាមួយនឹងបណ្ដាបាតុករដែរ ដោយបង្ហាញ​ការជំទាស់របស់ខ្លួន តាមរបៀបដ៏​ពិសេស​មួយ គឺ«ស្រាត» នៅខាងមុខ​រនាំង​នគរបាល ក្នុងក្រុងព័រឡេន (Portland) ភាគខាងលិចសហរដ្ឋអាមេរិក។ ហេតុការណ៍បានកើតឡើង ...

យល់ស៊ីជម្រៅផ្នែក ដំណឹង

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.