នគរបាលអន្តរជាតិ (Interpol) បានអះអាងថា បានកម្ទេច​បណ្ដេញវ៉ាក់សាំងក្លែងក្លាយ ក្នុងប្រទេសដ៏សំខាន់ពីរគឺ នៅចិន​និងអាហ្វ្រិក​ខាងត្បូង ។ នេះ បើតាមការសេចក្ដីប្រកាសព័ត៌មាន របស់ស្ថាប័នអន្តរជាតិ ដែលមានស្នាក់ការធំ នៅក្រុងលីយ៉ុង (Lyon ប្រទេសបារាំង) ក្នុងចុងសប្ដាហ៍កន្លងមក ដោយបានព្រមានថា ចំណាត់ការខាងលើ គ្រាន់តែ​ជាការចាប់ផ្ដើមមួយប៉ុណ្ណោះ។

កាលពីថ្ងៃពុធ ថ្នាំវ៉ាក់សាំងក្លែងក្លាយ ដែលបន្លំធ្វើជាវ៉ាក់សាំង បង្ការជំងឺកូវីដ (Covid-19) ចំនួនប្រមាណ​ជា​២៤០០ដូស ត្រូវបានរឹបអូស នៅក្នុងប្រទេសអាហ្វ្រិកខាងត្បូង បន្ទាប់ពីទទួលបាន ការជូនដំណឹងពីនគរបាល​អន្តរជាតិ ដែលបានសង្ស័យករណីនេះ ថាមានជាប់ទាក់ទង​​នឹងបណ្ដាញម៉ាហ្វីយ៉ា ចេញពីប្រទេសចិន។

នៅក្នុងព្រឹត្តិការណ៍នោះ ជនជាតិចិន៣នាក់ និងជនជាតិហ្សំប៊ីម្នាក់ ត្រូវបានឃាត់ខ្លួន និងអនុញ្ញាតឲ្យរកឃើញ «ម៉ាស់ក្លែងក្លាយ ក្នុងចំនួនជាច្រើន»​ថែមទៀត។

នគរបាលអន្តរជាតិ ក៏បានសហការជាមួយអាជ្ញាធរចិន ក្នុងការកំណត់អត្តសញ្ញាណ នៃបណ្តាញលក់​វ៉ាក់សាំង​ក្លែងក្លាយ និងកន្លែង​ផលិតវ៉ាក់សាំងទាំងនេះ ដែលឈានទៅដល់​​ការចាប់ខ្លួន​ជនសង្ស័យ​ចំនួន៨០នាក់ រួមនឹង​ការរឹបអូស​វ៉ាក់សាំងក្លែងក្លាយ ចំនួន៣០០០ដូស នៅនឹងកន្លែង។

នៅចិន​និងអាហ្វ្រិក​ខាងត្បូង ចំណុចចាប់ផ្ដើម…

អគ្គលេខាធិការរបស់នគរបាលអន្តរជាតិ លោក «Jürgen Stock» ត្រូវបានស្រង់សំដី នៅក្នុងសេចក្តី​ថ្លែងការណ៍​មួយថា៖

«បើទោះជាយើងស្វាគមន៍ ចំពោះលទ្ធផល​នៃចំណាត់ការ​ខាងលើនេះក៏ដោយ តែវាគ្រាន់តែជាចំណុចចាប់ផ្ដើមមួយ នៅពេលនិយាយ​អំពីឧក្រិដ្ឋកម្ម​នៃផលិតផលវ៉ាក់សាំងក្លែងក្លាយ។ ការចាប់ខ្លួន និងការរឹបអូសវត្ថុតាងទាំងអស់ បញ្ជាក់ពី​តួនាទីពិសេស របស់នគរបាល​អន្តរជាតិ ក្នុងការប្រមូលផ្តុំមុខសញ្ញាសំខាន់ៗ ដើម្បីចាត់វិធានការ ក្នុងការ​ការពារ​សុវត្ថិភាពសាធារណៈ។»

ក្នុងឱកាសនេះដែរ នគរបាលអន្តរជាតិបានព្រមានជាថ្មីទៀត ចំពោះថ្នាក់វ៉ាក់សាំងបង្ការជំងឺកូវីដទាំងឡាយ ដែលគ្មានការអនុញ្ញាត និងដែលកំពុងដាក់លក់ នៅតាមបណ្ដេញអ៊ីនធឺណិត។ ស្ថាប័ននេះបានសរសេរឲ្យដឹងថា៖

«គ្រប់ថ្នាំវ៉ាក់សាំង ដែលមានដាក់លក់ នៅតាមគេហទំព័រមួយចំនួន ឬនៅលើ “Darknet” មិនមានភាពស្របច្បាប់ទេ ហើយសុទ្ធសឹង​ជាវ៉ាក់សាំង ដែលមិនបានឆ្លងកាត់​ការពិសោធន៍​សាកល្បង និងអាចបង្កគ្រោះថ្នាក់ដល់សុខភាព ឬដល់​ជីវិត៕»



លំអិតបន្ថែមទៀត

ដំណឹង

Covid-19៖ ចិនបិទក្រុងមួយ បន្ទាប់ពី​រកឃើញ​ករណីឆ្លង ៣៤នាក់

ក្នុងក្រុង «Shulan» អាជ្ញាធរសុខាភិបាល បានរកឃើញករណីឆ្លងជំងឺ «Covid-19» មានចំនួន ៣៤នាក់ កាលពីសប្ដាហ៍កន្លងមក។ ចំនួននេះ ទោះបីជានៅតិចក៏ដោយ តែអាជ្ញាធរចិន បានប្រកាស បិទក្រុងមួយនេះទាំងមូល ...
ដំណឹង

Covid-19៖ អៀរ៉ង់ហាមឃាត់វ៉ាក់សាំង របស់​អាមេរិក និងអង់គ្លេស

មគ្គុទេសន៍ដ៏កំពូល (Ayatolla) របស់ប្រទេសអៀរ៉ង់ លោក «Ali Khamenei» បានប្រកាសនៅថ្ងៃសុក្រទី៨ ខែមករានេះ ហាមឃាត់ការនាំចូល នូវថ្នាំវ៉ាក់សាំង​បង្ការជំងឺកូវីដ (Covid-19) ដែលផលិតដោយសហរដ្ឋអាមេរិក និងអង់គ្លេស ...
កម្ពុជា

Covid-19៖ ហ៊ុន សែន ឲ្យធ្វើតេស្ដិ៍សិន មុននឹង​ទៅជួប​លោក

មុននឹង​ទៅជួប​លោក ហ៊ុន សែន ដោយផ្ទាល់ បណ្ដាជនទាំងឡាយ ត្រូវធ្វើតេស្ដិ៍ជាមុនសិន។ នេះ ជាបញ្ជារបស់​នាយករដ្ឋមន្ត្រីកម្ពុជា បន្ទាប់ពីលោកបានធ្វើចត្តាឡីស័ក សម្រាប់រយៈពេល១៤ថ្ងៃ ជាលើកទី៣ ខណៈរូបលោក​ទទួលបាន ការចាក់វាក់សាំង ...

យល់ស៊ីជម្រៅផ្នែក ដំណឹង

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.