ដំណឹងពិភពលោក

មានសាកសពមួយ ក្នុង​យន្ដហោះ​ដឹក​កីឡាករ សាឡា ដែលធ្លាក់​ក្នុងសមុទ្រ

មានសាកសពមួយ ត្រូវបានគេរកឃើញ នៅក្នុងយន្ដហោះ ដែលដឹកកីឡាករ អេមីលីយ៉ាណូ សាឡា (Emiliano Sala) និងអ្នកបើកយន្ដហោះ ដេវីដ អាយបូតសុន (David Ibbotson)។ នេះ បើតាមការប្រកាសឲ្យដឹង ពីសំណាក់ការិយាល័យអង្កេតគ្រោះថ្នាក់ផ្លូវអាកាស របស់ចក្រភពអង់គ្លេស ហៅកាត់ថា «AAIB» ។

សេចក្ដីប្រកាសមួយ របស់ការិយាល័យខាងលើ បានអះអាងថា វីដេអូ ដែលបានថតចេញពីតួយន្ដហោះ ដោយយានយន្ដជ្រមុជទឹកតូចមួយ ឬហៅជាភាសាអង់គ្លេស «Remotely Operated Vehicle (ROV)» បានបង្ហាញឲ្យឃើញ ពីរូបរាងសាកសពមួយ នៅក្នុងតួយន្ដហោះ។

យន្ដហោះបានហោះចេញពីក្រុង ណង់ (បារាំង) ឆ្ពោះទៅក្រុង កាឌីហ្វ (អង់គ្លេស) នៅក្នុងយប់ថ្ងៃទី២១ ខែមករា ឆ្នាំ២០១៩ ហើយបានបាត់ដំណឹងសូន្យឈឹង នៅលើសមុទ្រ ម៉ង់ ត្រង់ចំណុចមួយ នៅខាងជើងប្រជុំកោះ «Guernesey» នៃចក្រភពអង់គ្លេស។

នៅក្នុងយន្ដហោះ មានកីឡាករ អីមីល្យាណូ សាឡា អាយុ២៨ឆ្នាំ ដែលទើបត្រូវបានផ្ទេរពីក្រុមបាល់ទាត់ ណង់ ទៅកាន់ក្រុមបាល់ទាត់ កាឌីហ្វ និងអ្នកបើកបរ លោក ដេវីដ អាយបូតសុន អាយុ៥៩ឆ្នាំ។

«មានសាកសពមួយ ពីក្នុងចំណោមអ្នកជិះ២នាក់»

នៅថ្ងៃទី២៦ ខែមករា ក្រុមគ្រួសារបស់កីឡាករ បានប្រកាសបន្តរុករកតួយន្ដហោះ ជាមួយនឹងថវិកា ដែលផ្ដល់ដោយសប្បុរសជន នៅតាមបណ្ដាញអ៊ិនធើណែត បន្ទាប់ពីអាជ្ញាធរនៃកោះ «Guernesey» បានសម្រេចបញ្ឈប់​ការរុករកតួយន្ដហោះ ហើយបានគិតថា កីឡាករ និងអ្នកបើកបរ គ្មានសង្ឃឹមនៅរស់នោះទេ។

កាលពីថ្ងៃអាទិត្យ ក្រុមហ៊ុន «Blue Water Recoveries» ដែលត្រូវបានជួលដោយក្រុមគ្រួសារ ដើម្បីរុករកតួយន្ដហោះ បានប្រកាសថា នាវា «FPV Morven» របស់ខ្លួន ដែលមានបំពាក់ដោយប្រព័ន្ធរុករកក្រោមសមុទ្រ បានរកឃើញតួយន្ដហោះហើយ តាំងពីព្រឹកថ្ងៃដដែល (ថ្ងៃអាទិត្យ)៕



លំអិតបន្ថែមទៀត

លោក «Hassan Rohani» ប្រធានាធិបតីនៃប្រទេសអៀរ៉ង់។ (រូបថត AFP)
ដំណឹង

ធ្លាក់​យន្ដហោះ​នៅ​អៀរ៉ង់ ៖ តេអៀរ៉ង់​បដិសេធ​ផ្ដល់​ប្រអប់ខ្មៅ​ឲ្យ​ក្រុងគៀវ

ធ្លាក់​យន្ដហោះ​នៅ​អៀរ៉ង់ ៖ ផ្ទុយពីការអះអាង កាលពីថ្ងៃសៅរ៍ ដែលថា ខ្លួននឹងប្រគល់ប្រអប់ខ្មៅ របស់យន្ដហោះ ប៊ូអ៊ីង (Boeing 737) ទៅឲ្យប្រទេសអ៊ុយក្រែននោះ របបដឹកនាំក្រុងតេអៀរ៉ង់ បានប្រកាសនៅថ្ងៃអាទិត្យនេះ ...
កម្រមាន

ប្រឌិតរឿងប្លន់យន្ដហោះ ព្រោះ​«ស្នេហ៍​អូន»… ឥឡូវជាប់គុកមួយជីវិត!

នៅប្រទេសឥណ្ឌា បុរសអ្នកមានប្រាក់ម្នាក់ ត្រូវបានតុលាការផ្ដន្ទាទោស ឲ្យបន្តរស់នៅក្នុងពន្ធនាគារ រហូតដល់ថ្ងៃស្លាប់។ បុរសអាយុ៣៨ឆ្នាំ ដែលជាអ្នកជំនួញខាងត្បូងពេជ្រ ត្រូវបានតុលាការរកឃើញថា ជាអ្នកទទួលខុសត្រូវ ក្នុងការប្រកាសអាសន្នមិនពិតមួយ ដែលថាមានចោរប្លន់យន្ដហោះ។ ទង្វើនេះ ធ្វើឡើងព្រោះមូលហេតុ«ស្នេហ៍​អូន»។ ...
ដំណឹង

អ្នកជំនាញថា យន្ដហោះ​បាត់ខ្លួន MH370 បានចុះចត​យ៉ាងសម្ងាត់​នៅកម្ពុជា

ក្រុមអ្នកជំនាញផ្នែកអាកាសចរ បានអះអាងថា ពួកគេមាននៅក្នុងដៃ នូវអំណះអំណាងមួយចំនួន ដែលអាចជាភស្ដុតាងទទួលយកបាន ដើម្បីបញ្ជាក់ថា យន្ដហោះ​បាត់ខ្លួន «MH370» ដែលបានបាត់ដំណឹងយ៉ាងអាថ៌កំបាំង កាលពីជាង៥ឆ្នាំមុន បានចុះចតលើវាល​យន្ដហោះ​សម្ងាត់​មួយ ក្នុងប្រទេសកម្ពុជា។ នេះ ...

យល់ស៊ីជម្រៅផ្នែក ដំណឹង

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.