ដំណឹងពិភពលោក

មនុស្ស​ស្លាប់​កើន​ដល់​៨នាក់ ក្នុង​គ្រោះថ្នាក់​រថភ្លើង​នៅ​ដាណាម៉ាក

តុល្យភាពនៃជនរងគ្រោះដល់ជីវិត បានកើនឡើងដល់៨នាក់ នៅក្នុងគ្រោះថ្នាក់រថភ្លើង ដែលកើតឡើង កាលពីព្រឹកថ្ងៃពុធ ទី២ ខែមករា ឆ្នាំ២០១៩ម្សិលម៉ិញ។ នេះ បើតាមការប្រកាស របស់នគរបាលដាណាម៉ាក ក្នុងថ្ងៃព្រហស្បត្តិ៍នេះ។

សេចក្ដីប្រកាសព័ត៌មាន របស់នគរបាល បានឲ្យដឹងថា៖

«អាជ្ញាធរបានត្រួតពិនិត្យមើលរថភ្លើង និងបានរកឃើញមនុស្សស្លាប់ ពីរនាក់ទៀត។»

ពីក្នុងចំណោមមនុស្ស ទាំង៨នាក់ មានស្ត្រី៥នាក់ និងបុរស៣នាក់។ នៅក្នុងរបាយការណ៍ របស់អាជ្ញាធរ ចេញផ្សាយក្នុងពេលភ្លាមៗ បានឲ្យដឹងថា មនុស្ស៦នាក់បានស្លាប់ និង១៦នាក់រងរបួស។

ហេតុការណ៍បានកើតឡើង នៅវេលាម៉ោង ៧និង៣០នាទីព្រឹក (ម៉ោងក្នុងស្រុក) នៅខាងលើស្ពាន «Grand Belt» ដែលភ្ជាប់កោះ «Seeland» (ដែលមានរដ្ឋធានី កូផេនហាក) ទៅនឹងកោះ «Fionie»។

រ៉ឺមករថយន្ដមួយ បានរបើកចេញ ពីរថភ្លើងដឹកទំនិញមួយខ្សែ ហើយបានខ្ទាតទៅជល់រថភ្លើងដឹកអ្នកដំណើរមួយខ្សែទៀត ដែលបើកបរក្នុងទិសដៅផ្ទុយគ្នា។ រថភ្លើងដឹកអ្នកដំណើរនោះ មានមនុស្សជិះ ១៣១នាក់ និងបុគ្គលិកបម្រើការ ៣នាក់។

អ្នកស៊ើបអង្កេត នៅមិនទាន់ដឹងថា តើមូលហេតុអ្វី បានជារ៉ឺមករថយន្ដខាងលើ បានរបូតដាច់ចេញ ពីរថភ្លើង។ នៅក្នុងពេលកើតហេតុ ខ្យល់កន្ត្រាក់បានបោកបក់ យ៉ាងខ្លាំងក្លា នៅក្នុងតំបន់នោះ៕



លំអិតបន្ថែមទៀត

កំសាន្ដ

គ្រោះ​ទុកកូនចោល​ក្នុង​«រថភ្លើង» ហើយខ្លួន​ចេញទៅ​ជក់បារី…

ជាមេរៀនមួយ សម្រាប់បណ្ដាឪពុក-ម្ដាយទាំងឡាយ ដែលធ្វើដំណើរ តាមមធ្យោបាយសាធារណៈធុនធ្ងន់ មានដូចជា រថភ្លើង ឬយន្ដហោះជាដើម។ ជារឿងរ៉ាវ ដែលកើតឡើង តាំងពីថ្ងៃទី១២ ខែមករា ឆ្នាំ២០១៩ ក្នុងក្រុង ...
កំសាន្ដ

មុន​រថភ្លើង​មក​ដល់… បុរសពិកាភ្នែកម្នាក់ ​បានដើរ​ធ្លាក់ចូល​ផ្លូវដែក

បុរសពិកាភ្នែកម្នាក់ បានដើរធ្លាក់ចូលផ្លូវរថភ្លើងក្រោមដី ក្នុងស្ថានីយ «Red Line Medical Center» នៃក្រុង «Bethesda» ដែលស្ថិតនៅតំបន់​ជាយក្រុង របស់រដ្ឋធានីវ៉ាស៊ីនតោន កាលពីថ្ងៃទី៩ ខែមេសា ...
ដំណឹង

វាយប្រហារ​ដោយ​ទឹកអាស៊ីត ក្នុងរថភ្លើងក្រោមដី នៅ​ប៉ារីស

ក្នុងពេលព្រហាម ព្រឹកថ្ងៃសុក្រនេះ ការវាយ​ប្រហារ ដោយ​ទឹកអាស៊ីត​មួយ បានកើតឡើង ក្នុងរថភ្លើងក្រោមដី ខ្សែលេខ១ នៃរដ្ឋធានីប៉ារីស រវាងស្ថានីយ៍បាស្ទីយ៍ (Bastille) និង ហ្គារឌឺលីយ៉ុង (Gare ...

Comments are closed.

យល់ស៊ីជម្រៅផ្នែក ដំណឹង

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

ដំណឹង

ទាហានអ៊ុយក្រែន​ដែលត្រូវរ៉ុស្ស៊ី​បាញ់សម្លាប់ ក្លាយជា«វីរបុរសជាតិ»

ទាហានអ៊ុយក្រែនដែលត្រូវកងទ័ពរ៉ុស្ស៊ីបាញ់សម្លាប់ ត្រូវបានកំណត់អត្ថសញ្ញាណ និងប្រកាសឲ្យក្លាយជា«វីរបុរសជាតិ»។ នេះ បើតាមទីភ្នាក់ងារសន្តិសុខអ៊ុយក្រែន «SBU» និងការថ្លែង របស់ប្រធានាធិបតីអ៊ុយក្រែន លោក «Volodymyr Zelensky» នៅល្ងាចថ្ងៃអាទិត្យទី១២ ខែមិនា។ ...