កម្ពុជាដំណឹង

ការសម្រេច​របស់ EU ក្នុង​ការយកពន្ធ​អង្ករខ្មែរ ជា«អាវុធ​​ធ្វើ​ឃាត»​ពលរដ្ឋ

ការសម្រេច​លប់ចោល ការអនុគ្រោះពន្ធ លើផលិតផលអង្ករកម្ពុជា មាន«​ឥទ្ធិពល​គ្រប់គ្រាន់» សម្រាប់​ដកហូត​ចំណូល ​របស់​ប្រជាកសិករ​ក្រីក្រ​កម្ពុជា និង​ជា​«អាវុធ​​ធ្វើ​ឃាត»​​ពួកគាត់ និង​ក្រុមគ្រួសារ ដែល​កំពុង​ជាប់បំណុល ជាមួយនឹង​ស្ថាប័ន​ឥណទាន ដែល​បាន​ផ្តល់​ប្រាក់​កម្ចី​ ដល់​ពួកគាត់។​

នេះ ជាការអះអាងឡើង របស់ក្រសួងពាណិជ្ជកម្មកម្ពុជា នៅមួយថ្ងៃក្រោយការប្រកាស របស់គណៈកម្មការ នៃសហភាពអ៊ឺរ៉ុប ដែលអះអាង​កាលពីថ្ងៃពុធថា នឹងយកពន្ធឡើងវិញ ចាប់ពីថ្ងៃសុក្រ ទី១៨ ខែមករា ឆ្នាំ២០១៩នេះតទៅ ទៅលើអង្ករកម្ពុជា ដែលនាំចូលក្នុងទីផ្សារសហភាពអ៊ឺរ៉ុប។

ការចាត់ទុកសេចក្ដីសម្រេច របស់សហភាពអ៊ឺរ៉ុប ថាជា«អាវុធ​​ធ្វើ​ឃាត»ពលរដ្ឋ មានលក្ខណៈ ផ្ទុយគ្នាទាំងស្រុង នឹងការប្រកាស របស់លោកនាយករដ្ឋមន្ត្រី ហ៊ុន សែន ដែលតែងថ្លែងពន្យុះ ឲ្យសហភាពអ៊ឺរ៉ុប ឬសហរដ្ឋអាមេរិក យកពន្ធ ឬដាក់ទណ្ឌកម្ម លើផលិតផលកម្ពុជា។

សេចក្ដីថ្លែងការណ៍ របស់ក្រសួងពាណិជ្ជកម្មកម្ពុជា ដែលចេញផ្សាយ នៅល្ងាចថ្ងៃព្រហស្បត្តិ បានសំដែងការសោកស្ដាយ ចំពោះការសម្រេចខាងលើ ហើយ​ថា ខ្លួន​កំពុង​ពិនិត្យ​ផ្ទៀងផ្ទាត់​ សេចក្តីសម្រេច​នោះ ដោយ​ផ្អែក​លើ​ទិដ្ឋភាព​ច្បាប់ និង​វិធាន​ពាណិជ្ជកម្ម​អន្តរជាតិ។

ការពិនិត្យផ្ទៀងផ្ទាត់នោះ នឹងអនុញ្ញាតឲ្យក្រសួង អាច​បន្ត​ធ្វើ​ការតវ៉ា​ ចំពោះការយកពពន្ធឡើងវិញនោះ ដែល«​ប្រជាជន​កម្ពុជា​យល់ថា ជា​សេចក្តីសម្រេច ​ដែល​គ្មាន​សុក្រឹតភាព និង​សច្ចភាព​សង្គម និង​សេដ្ឋកិច្ច»។​

នៅក្នុងបទបញ្ជាឲ្យអនុវត្តមួយ របស់គណៈកម្មការ នៃសហភាពអ៊ឺរ៉ុប ចុះហត្ថលេខាដោយប្រធានគណៈកម្មាការ លោក «Jean-Claude JUNCKER» នៅថ្ងៃទី១៦ ខែមករា ឆ្នាំ២០១៩ បានសម្រេចនៅចុងបញ្ចប់ មានបីមាត្រា ថាត្រូវយកពន្ធឡើងវិញ ចាប់ពីថ្ងៃសុក្រ ទី១៨ ខែមករា ឆ្នាំ២០១៩ ចំពោះអង្ករនាំចូល ពីប្រទេសកម្ពុជា និងភូមា។

ការកំណត់ឲ្យអង្ករទាំងនោះ ត្រូវបង់ពន្ធអាករឡើងវិញ ត្រូវធ្វើក្នុងកម្រិត ១៧៥អ៊ឺរ៉ូ ក្នុង១តោន សម្រាប់ឆ្នាំដំបូង – ១៥០អ៊ឺរ៉ូ ក្នុង១តោន សម្រាប់ឆ្នាំបន្ទាប់ និង១២៥អ៊ឺរ៉ុប ចាប់ពីឆ្នាំទី៣។

បទបញ្ជានោះ បានបញ្ជាក់ថា ចំពោះផលិតផលអង្ករ ដែលនៅវេលានេះ កំពុងដឹកមកកាន់សហភាពអ៊ឺរ៉ុប តែមកដល់ក្រោយ ថ្ងៃសុក្រ ទី១៨ ខែមករា ឆ្នាំ២០១៩ នឹងមិនត្រូវរាប់ចូល ក្នុងការកំណត់ខាងលើទេ។

យ៉ាងណា ក្រសួង​ពាណិជ្ជកម្ម​កម្ពុ​ជា ​បានបន្តអះអាងថា នឹង​ចូលរួម​ជាមួយ​ប្រជាជន​កម្ពុជា ​ប្រមាណ​១៦​លាន​នាក់ ដើម្បីអំពាវនាវ​ ឱ្យ​គណៈកម្មការ​អឺរ៉ុប ពិនិត្យ​ឡើងវិញ ​នូវ​ការសម្រេច​របស់​ខ្លួន ដោយ​ផ្អែក​លើ​វិធាន​ពាណិជ្ជកម្ម​អន្តរជាតិ និង​ចំណង​​កិច្ចសហប្រតិបត្តិការ​ល្អ​ ជា​ប្រពៃណី រវាង​កម្ពុជា និង​សហភាព​អឺរ៉ុប៕



លំអិតបន្ថែមទៀត

កម្ពុជា

ភរិយា កែម ឡី ប្រាប់ស្វាមីថា «បងឈប់បារម្ភពីអូន និងកូនៗទៀតទៅ»

អ្នកស្រី ប៊ូ រចនា ភរិយាមេម៉ាយ នៃសពលោក កែម ឡី បានសុបិន្តឃើញស្វាមីអ្នកជាថ្មីទៀត បើទោះលោក កែម ឡី បានឃ្លាតចេញពីអ្នកស្រី អស់រយៈពេល៣ឆ្នាំហើយក៏ដោយ។ ...
របាយការណ៍

«សមិទ្ធិផល»នៃសម្តេច សីហនុ ត្រូវ​ខ្មែរក្រហម​បំផ្លាញ​អស់?

តើ«សមិទ្ធិផល»របស់សម្ដេច នរោត្ដម សីហនុ ណាខ្លះ ដែលបានបាត់បង់ និងសមិទ្ធិផល​ណាទៀត ដែល​នៅសេសសល់ ហើយក្លាយជាអ្វី នៅពេលបច្ចុប្បន្ននេះ? កាលពីថ្ងៃទី១៦ ខែតុលា ឆ្នាំ២០១២ ខណៈដែលប្រជាជនកម្ពុជាជាទូទៅ ...
ដំណឹង

រដ្ឋសភា​អូទ្រីស បោះឆ្នោត​ទម្លាក់​អធិការបតី «Sebastian Kurz»

អធិការបតីនៃប្រទេសអូទ្រីស លោក «Sebastian Kurz» ទើបនឹងត្រូវបានទម្លាក់ចេញពីតំណែង ដោយញត្តិបន្ទោសមួយ បោះឆ្នោតសម្រេចនិងអនុម័ត ដោយរដ្ឋសភាជាតិ។ ការទម្លាក់មេដឹកនាំរូបនេះ​​ចេញពីអំណាច ធ្វើឡើងកាលពីប៉ុន្មាននាទីមុន និង១០ថ្ងៃ​ក្រោយការបែកធ្លាយ​រឿងអាស្រូវ «Ibizagate» នៃវីដេអូឯកជនមួយ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សម រង្ស៊ី ៖ ស្ដេចនឹងដាក់រាជ្យ ប្រសិនច្បាប់​«សញ្ជាតិ១»​ត្រូវបានអនុម័ត

កម្ពុជា

កឹម សុខា បដិសេធ​ការយកឈ្មោះ និង​រូបភាពលោក ទៅប្រើខុសឆន្ទៈ

ប្រធានគណបក្សសង្គ្រោះជាតិ លោក កឹម សុខា បានបដិសេធការយកឈ្មោះ និងរូបភាពលោក យកទៅប្រើដោយ«បុគ្គល ក្រុម គណបក្ស ឬ ចលនានយោបាយខ្លះ» ដែលលោកហៅថា ជាការភ្ជាប់ពាក់ព័ន្ធ«នឹងសកម្មភាព ...
កម្ពុជា

សម រង្ស៊ី ថា ស ខេង អាចចូលក្នុង​«រដ្ឋាភិបាល​បង្រួបបង្រួមជាតិ»

ប្រធានស្ដីទីគណបក្សសង្គ្រោះជាតិ លោក សម រង្ស៊ី បានហៅការបង្កើត​«រដ្ឋាភិបាល​បង្រួបបង្រួមជាតិ» ដែលមាន​ការចូលរួម ពីលោក ស ខេង ថា«ជាគំនិតមួយ ដ៏ត្រឹមត្រូវ»។ ការអះអាងរបស់មេដឹកនាំប្រឆាំង ធ្វើឡើងក្នុង​ខណៈ​លោក ...