កម្ពុជាដំណឹង

រដ្ឋមន្ត្រីព័ត៌មាន​លត់​មន្ត្រី«ចង់ធ្វើធំ» ដែល​មិនមក​ធ្វើការ​ទាន់ពេល

ចុះមន្ត្រី«ចង់ធ្វើធំ»ទាំងនោះ ទៅណាអស់ ទើបរដ្ឋមន្ត្រីមួយទាំងមូល មិនអាចចូលការិយាល័យ ដើម្បីធ្វើការងារបាន? នេះជាអ្វី ដែលទើបនឹងកើតឡើង ក្នុងព្រឹកថ្ងៃសុក្រ ទី០៦ ខែមិនានេះ ក្នុងក្រសួង(ឃ្លាំមើល)ព័ត៌មានកម្ពុជា ដែលមានមន្ត្រីថ្នាក់អន្ទ្រើសៗ រហូតដល់ជាង១៥0នាក់ (រាប់ពីរដ្ឋមន្ត្រី រហូតប្រធាននាយកដ្ឋាន ដោយមិនទាន់រាប់ ពីទីប្រឹក្សាជាង២០០នាក់ ផងទេ)។

គឺលោក ខៀវ កាញារីទ្ធ រដ្ឋមន្ត្រីក្រសួងព័ត៌មាន​ខ្លួនលោក ដែលជាអ្នកទម្លាយរឿងរ៉ាវ មន្ត្រីខុទ្ទកាល័យ នៅក្រសួងរបស់លោក ដែលចង់បានតែតំណែងធំ ដើម្បីបើកប្រាក់បៀវត្សរ៍ តែមិនមកធ្វើការ ឲ្យទាន់ពេលវេលា។

លោករដ្ឋមន្ត្រីបានបង្ហោះសារ បន្ទោសមន្ត្រីក្រោមបង្គាប់ នៅលើបណ្ដាលសង្គម ដោយប្រើភាសាមិនចំ ជាដំបូងដូច្នេះថា៖

«ឃើញ ឯ.ឧ. លី វ៉ាន់ហុង បង្ហោះអាកាសយានដ្ឋាន សុវណ្ណភូមិ របស់ថៃស្ងាត់ជ្រងំ ទើបម៉ោង ៨​ ព្រឹកជាងហើយ ខុទ្ទកាល័យក្រសួងព័ត៌មានស្ងាត់ជ្រងំ កុំអោយចាញ់ថៃ សូម្បីតែរដ្ឋមន្ត្រីក៏អត់ទ្វារបើក ចូលធ្វើការដែរ។»

បន្ទាប់មក លោក កាញារីទ្ធ បានលត់មន្ត្រី ឬក្រុមមន្ត្រីទទួលខុសត្រូវ ដែលមកធ្វើការ យ៉ាងរយីករយាកនោះថា៖

«ចង់ធ្វើធំ តែមិនចេះទទួលខុសត្រូវ។ បាត់ប្រាក់ខែ តែ៥កាក់ ស្រែកបែកហ្វេសប៊ុក។ បាត់ម៉ោងធ្វើការ អញមិនដឹង!»

យ៉ាងណា លោករដ្ឋមន្ត្រីមិនបានពន្លេចឈ្មោះ របស់មន្ត្រីដែល«ចង់ធ្វើ់ធំ» តែមកធ្វើការយឺតពេលនោះ ថាជានរណាទេ។

គួរបញ្ជាក់ដែរថា ខុទ្ទកាល័យក្រសួងព័ត៌មាន មានលោក ឈុំ សុជាតិ ជានាយក ខណៈលោក លី វ៉ាន់ហុង មានតួនាទី និងឋានៈជាប្រតិភូរដ្ឋាភិបាល ទទួលបន្ទុកអគ្គនាយក នៃអគ្គនាយកដ្ឋាន រដ្ឋបាល និងហិរញ្ញវត្ថុ​។ តំណែងរបស់លោក លី វ៉ាន់ហុង ត្រូវបានតែងតាំង កាលពីដើមខែមករា ឆ្នាំ២០១៩ ដោយព្រះមហាក្សត្រ ដោយមាន«ការទូលថ្វាយ» ពីលោកនាយករដ្ឋមន្ត្រី ហ៊ុន សែន។

ការបង្ហោះសារ របស់លោករដ្ឋមន្ត្រី ទទួលបានប្រតិកម្មមកវិញ យ៉ាងសន្ធឹកសន្ធាប់ ពីបណ្ដាប្រិយមិត្តរបស់លោក។ បណ្ដាម្ចាស់គណនី​ហ្វេសប៊ុក​មួយចំនួន បានសរសេរទទួលកំហុស បើទោះជា គេមិនដឹងពិតប្រាកដថា តើភារកិច្ច​នៃកិច្ចការ​ បើកទ្វារការិយាល័យ នៅក្រសួងព័ត៌មាន គឺជាការទទួលខុសត្រូវ របស់ពួកគេក៏ដោយ។ អ្នកខ្លះទៀត បានសរសេរថា ការយឺតយ៉ាវ​អាចបណ្ដាល មកពីការស្ទះចរាចរណ៍៕



លំអិតបន្ថែមទៀត

របាយការណ៍

នេត សាវឿន និង​គ្រួសារ​«ទិញ​ផ្ទះ​នៅក្រៅ​ប្រទេស ថ្លៃជាង​១៥លាន​ដុល្លារ»

លោកនាយឧត្ដមសេនីយ នេត សាវឿន និងគ្រួសារ ដែលជាសាច់ឈាម ជិតដិតនឹងលោកនាយករដ្ឋមន្ត្រី ហ៊ុន សែន ត្រូវបានស្រាវជ្រាវ​រកឃើញថា បានដើរ«ទិញ​ផ្ទះ​នៅក្រៅ​ប្រទេស ដោយប្រើទឹកប្រាក់ ប្រមាណជាង ១៥លានដុល្លារ​អាមេរិក»។ ...
លោក ហ៊ុន សែន (រូបអង្គុយ) កំពុងជល់កែវជាមួយកូន និងកូនប្រសារ ទាំងប្រុស-ស្រីរបស់លោក នៅក្នុងគេហដ្ឋានរបស់លោក។ (រូបថតហ្វេសប៊ុក)
វិភាគ អត្ថាធិប្បាយ

សារព័ត៌មាន​បារាំង​៖ ត្រកូល​ហ៊ុន​មាន​ទ្រព្យ​មិន​តិច​ជាង ១ពាន់លាន​ដុល្លារ​

សារព័ត៌មានមួយរបស់ប្រទេសបារាំង បានលើកឡើងពីទំហំទ្រព្យសម្បត្តិ របស់ត្រកូល «ហ៊ុន» នៃនាយករដ្ឋមន្ត្រីកម្ពុជា ថាមានប្រមាណ​មិនតិចជាង ១ពាន់លាន​ដុល្លារ​ នោះ​ឡើយ។ ហើយនេះ គេនៅមិនទាន់រាប់ក្រុមគ្រួសារផៅសន្ដាន នៃអ្នកមាន​អំណាច​ផ្សេង​ទៀត ដែលត្រកូល ហ៊ុន ...
កម្ពុជា

គ្រួសារអង់គ្លេសមួយថាពេទ្យខ្មែរ​ទារ​ប្រាក់ ២ម៉ឺន​ផោន ដើម្បី​ព្យាបាល​ជំងឺ​​សួត

បើសិនជាគ្មានប្រាក់ ២ម៉ឺន​ផោន ឲ្យពេទ្យខ្មែរទេ នោះគ្រូបង្រៀន​​ជាតិ​អង់គ្លេស​ម្នាក់ ឈ្មោះ «Anthony Igoe» នឹងត្រូវ​គ្រូពេទ្យទាំងនោះ វះកាត់យកសួតមួយចំហៀងចេញ។ នេះ បើតាមការលើកឡើង របស់​ក្រុមគ្រួសារ​របស់លោក នៅតាមប្រព័ន្ធផ្សព្វផ្សាយ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ដាក់កម្ពុជា​ឲ្យកាន់ទុក្ខ​មួយថ្ងៃ ចំពោះសព ស៊ីនហ្សូ អាបេ

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

បងប្អូនត្រកូល«ជួប» ៖ បន្ទាប់ពីបានបង្ហោះទ្រនាប់ជើងមួយចំហៀង សំដៅលោកនាយករដ្ឋមន្ត្រី ហ៊ុន សែន រួច បុរសម្ចាស់ទ្រនាប់ជើង ដែលមានឈ្មោះ អ៊ុក ទូច បានចេញមុខនៅថ្ងៃព្រហស្បត្តិ៍នេះ ប្រកាសរហស្សនាមខ្លួនថា ...
កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...