កម្ពុជាដំណឹង

ព្រះរាជា​តែងតាំង​អតីត​ប្រធានបក្ស​រាជានិយម ជា​សមាជិក​ក្រុមប្រឹក្សាធម្មនុញ្ញ

លោក កែវ ពុទ្ធរស្មី ដែលជាអនុជថ្លៃនៃព្រះករុណា ព្រះបាទសម្តេចព្រះបរមនាថ នរោត្តម សីហមុនី ត្រូវបានព្រះអង្គត្រាស់បង្គាប់តែងតាំង ជា​សមាជិក​ក្រុមប្រឹក្សាធម្មនុញ្ញ ក្នុងអាណត្តិថ្មី។ នេះ បើតាមព្រះរាជក្រឹត្យរបស់ព្រះមហាក្សត្រ ដែលត្រូវបាន​ឡាយព្រះហស្ថលេខា នៅថ្ងៃទី៩ ខែឧសភា និងត្រូវបានផ្សព្វផ្សាយ នៅល្ងាចថ្ងៃទី២១ ខែឧសភា ឆ្នាំ២០១៩នេះ។

ការត្រាស់បង្គាប់នេះ ធ្វើឡើងក្នុងក្របខណ្ឌសមាជិកទាំងបីរូប នៅក្នុងក្រុមប្រឹក្សាធម្មនុញ្ញ ដែលរដ្ឋធម្មនុញ្ញចែងថា ត្រូវទទួលបានការតែងតាំង ពីព្រះមហាក្សត្រ (ខណៈ៦រូបផ្សេងទៀត ត្រូវបានតែងតាំងពីរដ្ឋសភា និងឧត្ដមក្រុមប្រឹក្សានៃអង្គចៅក្រម)។

ក្នុងអណត្តិកន្លងមក សមាជិកក្រុមប្រឹក្សាធម្មនុញ្ញទាំងបីរូប (អង្គ) ដែលតែងតាំងឡើង ដោយព្រះមហាក្សត្រ រួមមាន ព្រះអង្គម្ចាស់ នរោត្ដម សិរិវុឌ្ឍ (តែងតាំងនៅឆ្នាំ២០១០) – ព្រះអង្គម្ចាស់ នរោត្ដម ច័ក្រពង្ស (តែងតាំងនៅឆ្នាំ២០១៣) និងព្រះអង្គម្ចាស់ក្សត្រី នរោត្ដម បុប្ផាទេវី (តែងតាំងនៅឆ្នាំ២០១៦)។

បើយោងតាមអាណត្តិ ដែលមានរយៈពេល៩ឆ្នាំ នៃការកាន់តំណែងរបស់ខ្លួន លោក កែវ ពុទ្ធរស្មី នឹងត្រូវមកជំនួសព្រះអង្គម្ចាស់ នរោត្ដម សិរិវុឌ្ឍ ដែលត្រូវបញ្ចប់តំណែងតាម​អណត្តិ ជា​សមាជិក​ក្រុមប្រឹក្សាធម្មនុញ្ញ តាំងពីថ្ងៃទី៦ ខែឧសភា ឆ្នាំ២០១៩។

ក្រៅពីជាសមាជិកព្រះញាតិវង្ស លោក កែវ ពុទ្ធរស្មី ធ្លាប់កាន់តំណែងជា ប្រធានគណបក្ស​​ហ្វុនស៊ីនប៉ិច រវាងពីឆ្នាំ២០០៦ ដល់ឆ្នាំ២០១១ និងធ្លាប់ជាឧបនាយរដ្ឋមន្ដ្រី ក្នុងរដ្ឋាភិបាល​​លោកនាយករដ្ឋមន្ត្រី ហ៊ុន សែន ក្នុងអំឡុងពេលនោះផង។ សព្វថ្ងៃ ឥស្សរជនអាយុ៦៦ឆ្នាំរូបនេះ ជាឧត្ដមប្រឹក្សាផ្ទាល់ព្រះមហាក្សត្រ។

កាលពីអំឡុងខែមេសា ឆ្នាំ២០១៨ លោក កែវ ពុទ្ធរស្មី បានទទួលគ្រឿងឥស្សរិយយស សម្រាប់និទាឃរដូវ ឆ្នាំ២០១៨ ដែលហៅជាភាសាអង់គ្លេស «The Order of the Rising Sun, Gold and Silver Star» ពីរដ្ឋាភិបាលជប៉ុន ដែលជាការទទួលស្គាល់ នូវការរួមចំណែករបស់លោក ដែលធ្វើឲ្យប្រសើរឡើង នូវកិច្ចសហប្រតិបត្តិការ និងទំនាក់ទំនងមិត្តភាព កម្ពុជា-ជប៉ុន៕



លំអិតបន្ថែមទៀត

កម្ពុជា

សម រង្ស៊ី ប្រតិកម្មជា៣វគ្គ អំពី​«ស្ដេចទីងមោង»នៅកម្ពុជា

លោក សម រង្ស៊ី បន្តបញ្ជាក់ជាថ្មី ជុំវិញសំណេររបស់លោក កាលពីចុងសប្តាហ៍មុន ហៅព្រះមហាក្សត្រ ព្រះបាទ នរោត្តម សីហមុនី ថាជា«ស្ដេចទីងមោង» ដែលលោកថា តែងធ្វើតាមបញ្ជារបស់នាយករដ្ឋមន្ត្រីចាស់វស្សានៅកម្ពុជា។ ...
វិភាគ អត្ថាធិប្បាយ

អ្នកវិភាគថា ឲ្យព្រះរាជាដាក់រាជ្យ ដូចជួយ ហ៊ុន សែន ឲ្យឡើង​ធ្វើស្ដេច

អ្នកដែលផ្ដល់យោបល់ ឲ្យព្រះមហាក្សត្រលាលែង ពីរាជបល្ល័ង្ក តើអ្នកមានបំណង«ជួយលោក ហ៊ុន សែន ឲ្យឡើង​ធ្វើស្ដេច»ឬ ? នេះ ជាការចោទសួរឡើង របស់លោក គីម សុខ ...
កម្ពុជា

អាស៊ានថា ព្រះរាជា សីហមុនី ល្បី​ខាង​ការពារ​សិទ្ធិមនុស្ស​ដ៏ខ្លាំង​មួយអង្គ

សមាគមប្រជាជាតិអាស៊ីអាគ្នេយ៍ ហៅកាត់ថា «អាស៊ាន / ASEAN» បានអះអាងថា ព្រះមហាក្សត្រកម្ពុជា ព្រះករុណាព្រះបាទ​សម្ដេច​ព្រះបរមនាថ នរោត្តម សីហមុនី ទទួលបានការកោតសរសើក្រៃលែង ថាជាមេដឹកនាំ និងជាអ្នកការពារសិទ្ធិមនុស្ស ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...
កម្ពុជា

ហ៊ុន ណេង បងប្រុស ហ៊ុន សែន ទទួលមរណភាព​ដោយ​«គាំងបេះដូង»

បងប្រុសបង្កើត របស់លោកនាយករដ្ឋមន្ត្រី ហ៊ុន សែន គឺលោក ហ៊ុន ណេង បានទទួលមរណភាពហើយ កាលពីល្ងាច​ថ្ងៃព្រហស្បតិ៍ ទី៥ ខែឧសភា ឆ្នាំ២០២២នេះ ដោយអាការៈ«គាំងបេះដូង»។ ...