កម្ពុជាដំណឹង

សម រង្ស៊ី បន្តប្រាប់ ហ៊ុន សែន កុំដើររករឿងគេឯង«ទាំងងងើល»

ភាគបន្ត នៃសង្គ្រាមពាក្យសំដី ហ៊ុន សែន-សម រង្ស៊ី អាចនឹងរកទីបញ្ចប់គ្មាន។ ក្នុងយប់ថ្ងៃពុធ ទី១៦ ខែមករា ឆ្នាំ២០១៩នេះ មេដឹកនាំប្រឆាំងបានបន្តលើកឡើង ដោយប្រើពាក្យខ្លាំងៗថា លោកនាយករដ្ឋមន្ត្រី ហ៊ុន សែន «ល្មមទទួលស្គាល់ ការពិតខ្លះទៅ» ហើយ «កុំចេះតែដើររករឿងគេឯង ទាំងងងើល ដូចសព្វថ្ងៃ»។

តាមរយៈទំព័រហ្វេសប៊ុក លោក សម រង្ស៊ី បានសរសេរថា៖

«ហ៊ុន សែន ឯង យល់ច្រឡំហើយ ក្នុងការចោទប្រកាន់គណបក្សសង្គ្រោះជាតិ មានទាំងរូបខ្ញំុផងដែរ ថាបានទៅញុះញង់សហគមន៍អន្តរជាតិ ឲ្យទិតៀនរបប ហ៊ុន សែន ឯង រហូតដល់ទៅដាក់ទណ្ឌកម្ម មកលើរបប ហ៊ុន សែន ឯង។ តាំងពីច្រើនឆ្នាំមកហើយ ហ៊ុន សែន ឯង តែងតែលើកឡើងថា អ្នកសារព័ត៌មានដែលមិនស៊ីលុយ ហ៊ុន សែន ឯង អង្គការសង្គមស៊ីវិលឯករាជ្យ រដ្ឋាភិបាលបស្ចឹមប្រទេស អង្គការសិទ្ធិមនុស្សអន្តរជាតិ ស្ថាប័នអន្តរជាតិជាច្រើន រហូតដល់ទៅអង្គការសហប្រជាជាតិ ហ៊ុន សែន ឯងថា ក្រុមមនុស្ស អង្គការ ប្រទេស និងស្ថាប័នទាំងអស់នោះ គឺសុទ្ធតែចូលដៃ ជាមួយគណបក្សប្រឆាំង នៅប្រទេសកម្ពុជា ដើម្បីទិតៀន និងថ្កោលទោស របប ហ៊ុន សែន ឯង។»

«ហ៊ុន សែន ឯងមិនយល់ពីរបៀបគិតគូរ និងធ្វើការ របស់ក្រុមមនុស្ស អង្គការ ប្រទេស និងស្ថាប័នទាំងនោះ ដែលគេមានជំនាញ និងមនសិការរបស់គេ ដើម្បីបញ្ចេញយោបល់ និងធ្វើសេចក្តីសម្រេច ដោយខ្លួនគេ។ ពួកគេមិនទទួលបញ្ជាពីនរណាទេ មិនស៊ីឈ្នួលនរណាទេ ហើយក៏មិនចេះតែញាក់តាមការញុះញង់ ពីនរណាឡើយ។»

«បើគេទាំងអស់គ្នា និយាយដូចគ្នា ហើយគណបក្សប្រឆាំងនៅប្រទេសកម្ពុជា ក៏និយាយដូចគ្នាអញ្ចឹងដែរ មានន័យថា អ្វីដែលគេនិយាយដូចគ្នាទាំងអស់គ្នានោះ គឺវាជាការពិត ដូចជា ២ + ២ = ៤ អញ្ចឹង ដែលគ្មាននរណាប្រកែកបាន ថាមិនពិត។»

ប្រធានស្ដីទីគណបក្សសង្គ្រោះជាតិ បានបញ្ចប់ឃ្លាថា៖

«ដូច្នេះ ហ៊ុន សែន ឯងល្មមទទួលស្គាល់ការពិតខ្លះទៅ កុំចេះតែដើររករឿងគេឯង ទាំងងងើល ដូចសព្វថ្ងៃ។»៕



លំអិតបន្ថែមទៀត

កម្ពុជា

ហ៊ុន សែន ឲ្យ​កម្ទេច​កងកម្លាំង​ណា ដែលកាង​គ្រឿងញៀន​​នៅ​«រ៉ុក»

នាយករដ្ឋមន្រ្តីកម្ពុជា លោក ហ៊ុន សែន បានបញ្ជាឲ្យជីករកឫសគល់ នៃបណ្ដាញគ្រឿងញៀន នៅមណ្ឌលកម្សាន្ដ«រ៉ុក» ឲ្យខាងតែបាន បើទោះជាឫសនោះ មានជម្រៅដល់ណា ឬមានកងកម្លាំងណា ដែលកាងចំពោះករណីនេះក៏ដោយ។ លោក ហ៊ុន ...
កម្ពុជា

អ្នកនាំពាក្យ​រដ្ឋាភិបាល​ថា ត្រូវ​«គ្រប់គ្រង​ព័ត៌មាន» ដើម្បី​ថែរក្សាសន្ដិភាព

ប្រសិនជាប្រទេសកម្ពុជា ប្រកាន់យកប្រព័ន្ធដឹកនាំរដ្ឋ តាមបែបប្រជាធិបតេយ្យ និងមានរបបសារព័ត៌មានសេរីនោះ អង្គភាពអ្នកនាំពាក្យ​​នៃរបបក្រុងភ្នំពេញសព្វថ្ងៃ ដែលដឹកនាំដោយលោក ផៃ ស៊ីផាន បានអះអាងថា ខ្លួនមានកាតព្វកិច្ចក្នុងការ«គ្រប់គ្រង​ព័ត៌មាន» ដោយយកហេតុផល​មកពន្យល់ថា ដើម្បីចូលរួមថែរក្សាសន្តិភាព និងសណ្ដាប់ធ្នាប់សាធារណៈ។ ...
លោកនាយករដ្ឋមន្ត្រី ហ៊ុន សែន បង្ហាញការស្ទង់មតិរបស់អង្គការខុមហ្វ្រែល ក្នុងទូរស័ព្ទដៃរបស់លោក ក្នុងពិធីសម្ពោធសួនលេងទឹកឯកជនមួយ កាលពីថ្ងៃទី១៦ ខែសីហា ឆ្នាំ២០២០។ (រូបថតលើហ្វេសប៊ុក)
កម្ពុជា

ក្រសួងបិទវិទ្យុ​«VOD»​ជាស្ថាពរ តាមបញ្ជា​របស់ ហ៊ុន សែន

នៅប៉ុន្មានម៉ោងក្រោយបញ្ជា របស់លោកនាយករដ្ឋមន្ត្រី ហ៊ុន សែន ក្រសួងព័ត៌មានបានចេញសេចក្ដីសម្រេច បិទទ្វារបស់វិទ្យុសម្លេងប្រជាធិបតេយ្យ«VOD»ជាស្ថាពរ នៅព្រឹកថ្ងៃចន្ទ ទី១៣ ខែកុម្ភៈ ឆ្នាំ២០២៣។ សេចក្តីសម្រេចរបស់ក្រសួងព័ត៌មាន ចុះហត្ថលេខាដោយលោករដ្ឋមន្ត្រី ខៀវ ...

យល់ស៊ីជម្រៅផ្នែក កម្ពុជា

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.