កម្ពុជាដំណឹង

សម រង្ស៊ី ថ្លែង​បន្ថែម​ឲ្យ​ជនមាន​កាំភ្លើង ត្រៀម​ការពារ​ខ្លួន​និង​ពលរដ្ឋ

នៅចំពោះគម្រោងបើកសវនាការ របស់សាលាដំបូងរាជធានីភ្នំពេញ ពីបទចោទ «ញុះញង់កុំឲ្យយោធិន ស្តាប់បង្គាប់ និងធ្វើឲ្យខូចទឹកចិត្តកងទ័ព» លោក សម រង្ស៊ី បានបញ្ជាក់ជំហរថា លោកមិនខ្វល់អ្វីឡើយ។ ផ្ទុយទៅវិញ លោកបានអំពាវនាវបន្ថែម ទៅកាន់ជនណាក៏ដោយ ដែលប្រដាប់ដោយអាវុធ ឲ្យរក្សាអាវុធនេះ ដើម្បី«ត្រៀម​ការពារ​ខ្លួន​និង​ពលរដ្ឋ»។

សារព័ត៌មានក្នុងស្រុកបាន ផ្សាយឲ្យដឹងថា ព្រះ​រាជ​អាជ្ញា​រង​ នៃ​អយ្យការ​អម​សាលា​ដំបូង​រាជធានី លោក ប្លង់​ សុផល​ បាន​ចេញ​​ដីកាកាលពីថ្ងៃទី១៤ ខែមិនា ឆ្នាំ២០១៩ ​​កោះ​ហៅ​លោក ​សម រង្ស៊ី​ ឲ្យ​ចូល​រួម​សវនាការ​ នៅ​ថ្ងៃទី​ ២២ ​ខែ​មេសា​ខាង​មុខ​ ពាក់​ព័ន្ធ​នឹង​បទ​ចោទ​​ទាំងពីរខាងលើ ​តាម​មាត្រា​ ៤៧១ និង​៤៧២ នៃ​ក្រម​ព្រហ្មទណ្ឌ​កម្ពុជា។

អះអាងតាមបណ្ដាញសង្គម កាលពីមុននេះបន្តិច មេដឹកនាំប្រឆាំងបានសរសេរថា៖

«ថ្ងៃនេះ ខ្ញុំបានទទួលដំណឹងថា តុលាការអាយ៉ង នៅទីក្រុងភ្នំពេញ កោះហៅខ្ញុំ ឲ្យទៅបង្ហាញមុខ នៅថ្ងៃ ២២ មេសា ខាងមុខនេះ ពីបទចោទប្រកាន់ “ញុះញង់កុំឲ្យយោធិន ស្តាប់បង្គាប់ និងធ្វើឲ្យខូចទឹកចិត្តកងទ័ព”។»

«តែខ្ញុំមិនខ្វល់ ពីការកោះហៅរបស់តុលាការអាយ៉ងនេះទេ ហើយខ្ញុំនៅតែអំពាវនាវកាន់តែខ្លាំងឡើងៗ ហើយកាន់តែញឹកញាប់ទៅៗ៖ “សូមកងកម្លាំងប្រដាប់អាវុធ នាយទាហាន ពលទាហាន និងកងនគរបាល កុំធ្វើតាមបញ្ជា ពីមេដឹកនាំផ្តាច់ការ បើគេបញ្ជាឲ្យបាញ់ប្រហារ និងសម្លាប់ប្រជាពលរដ្ឋស្លូតត្រង់”។»

តាម​មាត្រា​ទាំង​២​ខាងលើ ​លោក​ សម រង្ស៊ី អាចប្រឈម​​​នឹងការ​ផ្តន្ទា​ទោស​ ដាក់​ពន្ធនា​គារ​ចន្លោះ​ពី​ ២​ឆ្នាំ​ ទៅ​ ៥​ឆ្នាំ និង​ពិន័យ​ជា​ប្រាក់ ​ពី​៤លាន​រៀល ​ទៅ ​១០ លាន​រៀល។ ការ​ចោទ​ប្រកាន់នោះ ធ្វើឡើងដោយឈរ លើការអំពាវ​នាវមួយរបស់លោក កាលពី​ថ្ងៃទី ​៩ ខែធ្នូ ​ឆ្នាំ ២០១៧ អះអាង​ថា​៖

«​សូម​​កងកម្លាំង​ប្រដាប់​អាវុធ​ ពល​ទាហាន ​និង​នគរបាល​កុំ​ធ្វើ​តាម​បញ្ជា ​ពី​មេដឹកនាំ​ផ្តាច់ការ ​បើ​គេ​បញ្ជា​ឲ្យ​បាញ់​ប្រហារ ​និង​សម្លាប់​ប្រជា​ពលរដ្ឋ​ស្លូត​ត្រង់។»។

«ត្រៀម​ការពារ​ខ្លួន​និង​ពលរដ្ឋ»

នៅក្នុងការថ្លែងរបស់លោក នៅថ្ងៃនេះ មេដឹកនាំប្រឆាំងបានបន្ថែមការអំពាវនាវមួយទៀតថា៖ 

«សូមបងប្អូនជនរួមជាតិ និងកូនក្មួយម្នាក់ៗ ដែលមានកាំភ្លើងមួយដើមក្នុងដៃ ត្រៀមខ្លួនឈប់ស្តាប់បញ្ជា ពីរបបតិរច្ឆាន ហ៊ុន សែន ហើយរក្សាកាំភ្លើងនោះ ដើម្បីការពារខ្លួនឯង និងការពារប្រជាពលរដ្ឋ ដែលមានសាច់ឈាមជាខ្មែរដូចគ្នា”។ ក្រោម​របប​តិរច្ឆាន​នេះ យើងក៏ត្រូវរក្សាអាវុធផងដែរ ដើម្បីការពារដីធ្លី និងផ្ទះសម្បែងរបស់យើង ពេលណាគេមករឹបអូសដីធ្លី និងផ្ទះសម្បែងរបស់យើង ថែមទាំងបាញ់ប្រហារមកលើយើងថែមទៀត។»

ប្រធានស្ដីទីគណបក្សប្រឆាំង បានបន្តថា៖

«ការការពារអាយុជីវិតរបស់យើងម្នាក់ៗ ពេលប្រឈមមុខ ការគំរាមកំហែងដល់ជីវិត ពីសំណាក់ជនណាមួយ ឬក្រុមណាមួយដ៏សាហាវ មិនមានទោសអ្វីទេ ចំពោះមុខច្បាប់ ពីព្រោះបើយើងមិនការពារ អាយុជីវិតរបស់យើងទេ គេច្បាស់ជា នឹងសម្លាប់យើងតែម្តង៕»



លំអិតបន្ថែមទៀត

កម្ពុជា

ហ៊ុន សែន បង្ហើបថា កឹម សុខា ព្រមាន​មន្ត្រី​កុំឲ្យ​«សុំសិទ្ធិ​ធ្វើនយោបាយ»

បុរសខ្លាំងកម្ពុជា បានបង្ហើបនៅថ្ងៃនេះ ថាមាន«អាអ្នកខ្លះ» ដែលកំពុងនៅជា​ប់ឃុំក្នុងផ្ទះ បានព្រមានមន្ត្រីខ្លួនឯង កុំឲ្យ​«សុំសិទ្ធិ​ធ្វើនយោបាយ»។ បើគេមិនច្រឡំទេ «អាអ្នកខ្លះ» ដែលនាយករដ្ឋមន្ត្រីកម្ពុជាសំដៅនោះ គឺលោក កឹម សុខា ប្រធានគណបក្ស​សង្គ្រោះជាតិ ...
វិភាគ អត្ថាធិប្បាយ

អ្នកវិភាគ​លើកពី​គន្លឹះសំខាន់៣ ដែល សម រង្ស៊ី អាច​ជួប​«អ្នកគាំទ្រ»​នៅថៃ

លោក ម៉ែន សុថាវរិន្ទ្រ មន្ត្រីជាន់ខ្ពស់គណបក្សសង្គ្រោះជាតិ បានអះអាង កាលពីយប់ថ្ងៃសៅរ៍ទី២៧ ខែមេសាម្សិលម៉ិញថា បន្ទាប់ពីជំនួបជាមួយ«អ្នកគាំទ្រ» នៅក្នុងប្រទេសកូរ៉េខាងត្បូង មេដឹកនាំប្រឆាំង លោក សម រង្ស៊ី ...
លោក រ៉ុង ឈុន (ខាងឆ្វេងបំផុត) លោក សម រង្ស៊ី និងលោក កឹម សុខា នៅក្នុងតុលាការរាជធានីភ្នំពេញ កាលពីថ្ងៃទី១៤ ខែមករា ឆ្នាំ២០១៤។ (រូបថតហ្វេសប៊ុកលោក សម រង្ស៊ី)
កម្ពុជា

សម រង្ស៊ី ថ្លែងឲ្យប្រើការចាប់ខ្លួន រ៉ុង ឈុន ដើម្បី​ងើបឈរ​ឡើង ផ្លាស់ប្ដូរ​របប

មេដឹកនាំប្រឆាំង លោក សម រង្ស៊ី បានធ្វើសេចក្ដីថ្លែងការណ៍​ផ្ទាល់មាត់មួយ ពីប្រទេស​បារាំង អំពាវនាវ​ឲ្យ​ពលរដ្ឋ​រួបរួមគ្នា ក្នុងការប្រើឱកាស នៃការចាប់ខ្លួនលោក រ៉ុង ឈុន ដើម្បី​ងើបឈរឡើង ឈាន​ទៅផ្លាស់ប្ដូររបបដឹកនាំ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

Covid-19៖ កម្ពុជាមានអ្នកជំងឺ​កើន«ដល់​២២៣៣​ករណី ស្លាប់១០នាក់»

កម្ពុជា

Covid-19៖ កម្ពុជាប្រកាស​«ករណីស្លាប់ទី៩» ពីចំណោម​អ្នកស្លាប់១៥នាក់

ប្រទេសកម្ពុជា បានប្រកាសឲ្យដឹងពី​«ករណីស្លាប់ទី៩» ដោយសារជំងឺកូវីដ-១៩ (Covid-19) ក្នុងរសៀលថ្ងៃសៅរ៍​ទី២៧ ខែមីនានេះ។ ករណីនេះ ជាមរណភាពទី២ ដែលត្រូវបានប្រកាស​ក្នុងថ្ងៃសៅរ៍តែមួយ តែមរណភាពទី១ មិន​ត្រូវបាន​​រាប់​បញ្ចូលថា ស្លាប់ដោយជំងឺរាតត្បាតទេ។ នេះ ...
កម្ពុជា

Covid-19៖ កម្ពុជាមានអ្នកជំងឺស្លាប់ ២នាក់ទៀត ក្រោយ​ផ្លាស់មន្ទីរពេទ្យ

អ្នកជំងឺ ២នាក់ទៀត បានទទួលមរណភាព ដោយសារជំងឺកូវីដ-១៩ (Covid-19)។ ជនរងគ្រោះទាំងពីររូបនោះ ដែល​ម្នាក់ជាជនជាតិខ្មែរ និងម្នាក់ទៀត ជាជនជាតិចិន ត្រូវបានដាក់ឲ្យព្យាបាលដំបូងឡើយ នៅទីកន្លែងផ្សេង ពីមន្ទីរពេទ្យ​រុស្ស៊ី។ រហូតលុះត្រាស្ថានភាពជំងឺធ្ងន់ធ្ងរ ...