កម្ពុជាដំណឹង

រូបថត​ព្រះសង្ឃ​លុតជង្គង់​សំពះ ហេង សំរិន បង្ក​ឲ្យផ្ទុះ​រឿង​អាស្រូវ

បើទោះជាព្រះសង្ឃនៅក្នុងហេតុការណ៍ នៃការលុតជង្គង់សំពះលោក ហេង សំរិន ត្រូវបានឧបករណ៍ឃោសនាក្នុងស្រុក ស្រង់ថេរដីកាមកបកស្រាយយ៉ាងណាក៏ដោយ ក៏ទិដ្ឋភាពរបៀបនេះបង្ហាញពីសីលធម៌ នៃសង្គមបច្ចុប្បន្នក្រោមរបបដឹកនាំរបស់លោក ហ៊ុន សែន។ នេះ បើតាមការលើកឡើងព្រោងព្រាត របស់មនុស្សជាច្រើន នៅលើបណ្ដាញសង្គម។

ហេតុការណ៍បានផ្ទះឡើងខ្លាំងក្លា នៅចុងសប្ដាហ៍នេះ បន្ទាប់ពីរូបថតប៉ុន្មានសន្លឹក ត្រូវបានបង្ហោះ​នៅពាសពេញបណ្ដាញសង្គម និងមានការចែករំលែកបន្តបន្ទាប់គ្នា។ រូបថតទាំងនោះ បានបង្ហាញឲ្យឃើញព្រះសង្ឃមួយអង្គ កំពុងលុតជង្គង់សំពះទទួលទាន ពីលោក ហេង សំរិន ប្រធានរដ្ឋសភាឯកបក្ស នៃរបបដឹកនាំក្រុងភ្នំពេញសព្វថ្ងៃ។

ក្រុមអ្នកប្រើប្រាស់បណ្ដាញសង្គម ដ៏ច្រើនសន្ធឹកសន្ធាប់ បានរិះគន់លោក ហេង សំរិន ថាកំពុងជាន់ឈ្លីសាសនា និងរដ្ឋធម្មនុញ្ញរបស់ប្រទេស ខណៈរូបលោកជាប្រធានស្ថាប័នមួយ ដែលបង្កើត និងអនុម័តច្បាប់។ ទស្សនាវដ្ដីសូមដកស្រង់យកមតិទាំងនោះ មកជម្រាបជូនប្រិយមិត្ត ដូចខាងក្រោម។

ចង់បានបែបនេះទេបងប្អូនជនរួមជាតិ…….?កាន់តែខ្ពស់ គឺ…

Gepostet von Pich Sros am Sonntag, 17. Februar 2019
https://www.facebook.com/koktlork/posts/2028914243871335

សតវត្ស២១នេះ ដើរបញ្ចាស់ទិសទៅវិញ ។១៨ ខែកុម្ភ: ២០១៩. ចូរ​ពិចារណា​លើ​រូប​ភាព​នេះ​ផង​ចុះ?.

Gepostet von Chandara So am Sonntag, 17. Februar 2019

នៅចំពោះរលកនៃការរិះគន់ ដ៏ខ្លាំងក្លានោះ មានប្រិយមិត្តជាច្រើនផ្សេងទៀត បានចេញមុខមកការពារលោក ហេង សំរិន វិញ ដោយដំបូងឡើយ ក្រុមនោះបានព្យាយាមនិយាយថា រូបថតទាំងនោះ ជារូបភាពកាត់ត។ ប៉ុន្តែនៅទីបំផុត ពួកគេបានទទួលស្គាល់ថាជារូបពិត និងបានទម្លាក់កំហុស ទៅលើអ្នកថតរូប ដែលថតរួចយកទៅបង្ហោះ ទាំងគ្មានការពិចារណា (ឬដោយគោលបំណងណាមួយ)។

សកម្មភាពប្រចាំថ្ងៃ របស់មនុស្សម្នាក់ៗ បើសិន ជាតាំងចិត្តតាមចាប់ ចំណុចអវិជ្ជមាន គឺច្បាស់ជាមានច្រើន…

Gepostet von ប្រន សំ បូរ am Sonntag, 17. Februar 2019

យ៉ាងណាព្រះសង្ឃដែលលុតជង្គង់ទទួលទាននោះ បានចេញព្រះភ័កមកបកស្រាយថា ទង្វើរបស់ព្រះតេជគុណ ដែលលុតជង្គង់នៅមុខលោក ហេង សំរិន នោះ មិនមែនជាការបង្គាប់បញ្ជារបស់ប្រធានរដ្ឋសភានោះឡើយ តែជាការប្រព្រឹត្តដោយព្រះអង្គឯង។ ព្រះភិក្ខុ បានបន្តសង្ឃដីកាថា ដោយហេតុមានចិត្តសប្បាយ រំភើបរីករាយខ្លាំងពេក នៅពេលដែលលោក ហេង សំរិន ធានាជួយសាងសង់ព្រះវិហារ ក្នុងវត្តដែលស្ថិតនៅចុងកាត់មាត់ញក នៅព្រំដែន កម្ពុជា-វៀតណាម ទើបធ្វើឲ្យព្រះតេជគុណភ្លេចខ្លួនថា ជាសង្ឃ (SIC)។

វីដេអូបកស្រាយរបស់ព្រះតេជគុណ នៅក្នុងហេតុការណ៍៖



លំអិតបន្ថែមទៀត

កម្ពុជា

ហ៊ុន សែន៖ «គ្មានការដកតំណែង សាយ ឈុំ និង ស ខេង ទេ»

នាយករដ្ឋមន្រ្តី នៃរបបក្រុងភ្នំពេញ បានថ្លែងច្រានចោល ដំណឹងលេចឮទាំងឡាយ ដែលថានឹងមានការដកតំណែង អនុប្រធានគណបក្សប្រជាជនកម្ពុជាទាំងពីររូប គឺលោក សាយ ឈុំ ប្រធានព្រឹទ្ធសភា និងលោក ស ខេង ...
កម្ពុជា

សង្ឃ​«អាចសឹក​មកធ្វើ​នាយករដ្ឋមន្ត្រី»​ពេល ហ៊ុន សែន កម្ចាត់​ក្រុមប្រឆាំង​អស់

ព្រះសង្ឃអាចសឹកលាចាកសិក្ខាបទ ដើម្បីឡើងធ្វើជានាយករដ្ឋមន្ត្រី នៅពេលណាលោក ហ៊ុន សែន កម្ចាត់​ក្រុមប្រឆាំង​អស់ ជាស្ថាពរ។ នេះ ជាការអះអាងរបស់បុរសខ្លាំងកម្ពុជា ក្នុងចម្លើយដ៏គ្រោតគ្រាតមួយ តបទៅនឹងការបិណ្ឌបាត្រ របស់ព្រះសង្ឃមួយអង្គ ដែលស្នើឲ្យលោកនាយករដ្ឋមន្ត្រី ...
កម្ពុជា

អន្ទិត កក្កដា សុភ័ណ្ឌ បាន​ទៅដល់​អាមេរិក មួយថ្ងៃ​បន្ទាប់​ពី​ត្រូវបាន​ផ្សឹក

វេលានេះ អន្ទិត កក្កដា សុភ័ណ្ឌ ដែលត្រូវបានចាប់ផ្សឹក ដោយគណៈសង្ឃរាជធានី កាលពីយប់ថ្ងៃអាទិត្យទី២១ ចូលមកថ្ងៃចន្ទទី២២ ខែកក្កដា ឆ្នាំ២០១៩ បានធ្វើដំណើរទៅដល់សហរដ្ឋអាមេរិកហើយ។ ពីទីនោះ អតីតព្រះភិក្ខុ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សម រង្ស៊ី ៖ ស្ដេចនឹងដាក់រាជ្យ ប្រសិនច្បាប់​«សញ្ជាតិ១»​ត្រូវបានអនុម័ត

កម្ពុជា

កឹម សុខា បដិសេធ​ការយកឈ្មោះ និង​រូបភាពលោក ទៅប្រើខុសឆន្ទៈ

ប្រធានគណបក្សសង្គ្រោះជាតិ លោក កឹម សុខា បានបដិសេធការយកឈ្មោះ និងរូបភាពលោក យកទៅប្រើដោយ«បុគ្គល ក្រុម គណបក្ស ឬ ចលនានយោបាយខ្លះ» ដែលលោកហៅថា ជាការភ្ជាប់ពាក់ព័ន្ធ«នឹងសកម្មភាព ...
កម្ពុជា

សម រង្ស៊ី ថា ស ខេង អាចចូលក្នុង​«រដ្ឋាភិបាល​បង្រួបបង្រួមជាតិ»

ប្រធានស្ដីទីគណបក្សសង្គ្រោះជាតិ លោក សម រង្ស៊ី បានហៅការបង្កើត​«រដ្ឋាភិបាល​បង្រួបបង្រួមជាតិ» ដែលមាន​ការចូលរួម ពីលោក ស ខេង ថា«ជាគំនិតមួយ ដ៏ត្រឹមត្រូវ»។ ការអះអាងរបស់មេដឹកនាំប្រឆាំង ធ្វើឡើងក្នុង​ខណៈ​លោក ...