កម្ពុជាដំណឹង

សង្ឃ​«អាចសឹក​មកធ្វើ​នាយករដ្ឋមន្ត្រី»​ពេល ហ៊ុន សែន កម្ចាត់​ក្រុមប្រឆាំង​អស់

ព្រះសង្ឃអាចសឹកលាចាកសិក្ខាបទ ដើម្បីឡើងធ្វើជានាយករដ្ឋមន្ត្រី នៅពេលណាលោក ហ៊ុន សែន កម្ចាត់​ក្រុមប្រឆាំង​អស់ ជាស្ថាពរ។ នេះ ជាការអះអាងរបស់បុរសខ្លាំងកម្ពុជា ក្នុងចម្លើយដ៏គ្រោតគ្រាតមួយ តបទៅនឹងការបិណ្ឌបាត្រ របស់ព្រះសង្ឃមួយអង្គ ដែលស្នើឲ្យលោកនាយករដ្ឋមន្ត្រី លាចេញពីតំណែង ទៅដាំបន្លែផ្លែឈើ ដូចដែលលោកតែងបង្ហាញ តាមរយៈរូបភាពជាមួយភរិយាលោក ក្នុងរយៈពេលចុងក្រោយ។

ការឆ្លើយឆ្លងរវាងលោក ហ៊ុន សែន និងព្រះតេជគុណ អ៊ុក ស៊ីថា ដែលកំពុងគង់ក្នុងទីអារាមមួយ ក្នុងប្រទេសបារាំង ធ្វើឡើងកាលពីថ្ងៃពុធ ទី១៥ ខែឧសភា ឆ្នាំ២០១៩សប្ដាហ៍មុន នៅលើទំព័រហ្វេសប៊ុកផ្លូវការ របស់លោកនាយករដ្ឋមន្ត្រី។ ព្រះសង្ឃមានសង្ឃដីកា ជាសំណេរថា៖

«ក្នុងនាមអាត្មាមានឈាមជ័រ ជាខ្មែរម្នាក់ សូមជួយអបអរ សាទរដល់លោកតាឧបាសក និងលោកយាយឧបាសិកា ទាំងពីរនាក់ផង ដែលបានលះបង់ដ៏ធំគឺ អំណាច បុណ្យស័ក្តិទាំងឡាយ ដែលមានសព្វថ្ងៃ ប្រគល់ទៅឲ្យអ្នកដទៃបន្តវេន ដើម្បីយុវជន និងប្រទេសជាតិខ្មែរជានិរន្ត ហើយងាកមករក ការដាំដំណាំហូបផ្លែ មានបន្លែ និងផ្លែឈើ ជាដើមនេះ។ គឺជាការប្រពៃណាស់សម្រាប់សុខភាព។»

ព្រះតេជគុណ អ៊ុក ស៊ីថា បន្តថេរដីកាឲ្យធម៌ ទៅលោក ហ៊ុន សែន ថា៖

«មិនថាឡើយអំណាចទេ សូម្បីតែ​របស់​មានតម្លៃ មិនអាចកាត់ថ្លៃបានក៏ដោយ ក៏មិនអាចយកទៅតាមខ្លួនបានដែរ។ អ្វីដែលយកទៅតាមខ្លួនបានគឺ កុសលកម្ម និង​អកុសលកម្ម ពិសេសជាងនេះទៅទៀត គឺការមិនប្រមាថ ជាធម៌ដ៏ឧត្តមសម្រាប់ខ្លួនយើង ដូច្នេះ សូមលោកឧបាសក-ឧបាសិកាទាំងពីរ រៀនធម៌ផង និងពិចារណាអំពី អនិច្ចំ ទុក្ខំ អនត្តា។»

«ជាងនេះទៅទៀត សូមប្រកាន់ឲ្យខ្ជាប់ នូវកុសលកម្មបថ១០ និងព្យាយាមហ្វឹកហាត់ ធ្វើសមាធិរាល់ថ្ងៃ ទើបប្រពៃ និងសូមបិណ្ឌបាត្រដល់ញោមឧបាសក ហ៊ុន សែន មេត្តាឆាប់ចូលនិវត្ត៍ ដើម្បីសុខភាពរឹងមាំ និងកាន់តែមានភាពស្និទ្ធស្នាល ជាមួយក្រុមគ្រួសារថែមទៀត។ ប្រសិនបើនៅបន្តស្រឡាញ់អំណាចបន្តទៀត ប្រាកដណាស់ នឹងកាន់តែទ្រុឌទ្រោម។»

ជាចម្លើយតបវិញ នាយករដ្ឋមន្ត្រីកម្ពុជា ដែលអង្គុយក្នុងតំណែងរាប់ទសវត្សន៍មកនេះ បានចាត់ទុកការបិណ្ឌបាត្រ និងការឲ្យធម៌ខាងលើ ពីសំណាក់ព្រះសង្ឃ អ៊ុក ស៊ីថា ថា«អាចប្រគេន​តាមសំណូមពរ»បាន។ តែត្រូវមានលក្ខខណ្ឌ…

រង់ចាំឲ្យ​«កម្ចាត់​ក្រុមប្រឆាំង​អស់»សិន

លោក ហ៊ុន សែន បានតបទៅវិញ ដោយប្រើពាក្យពេជន៍ខ្លាំងៗ ថាលោកត្រូវកម្ចាត់ក្រុមប្រឆាំង ដែលលោកហៅថាជា«ពួកក្បត់ជាតិ» ឲ្យអស់សិន ហើយបន្ទាប់មក ព្រះតេជគុណ អ៊ុក ស៊ីថា អាចសឹកមកធ្វើនាយករដ្ឋមន្ត្រី ជំនួសលោកបាន។

លោក ហ៊ុន សែន សរសេរថា៖

«ហុតទឹកសម្លឹងកាក ទាញច្រវ៉ាក្រាកសម្លឹងជ្រោយ។ ការបិណ្ឌបាត្ររបស់តេជគុណ ខ្ញុំព្រះករុណា​សូមប្រគេនតាម​សំណូមពរ ព្រោះខ្ញុំព្រះករុណា​ក៏គ្មានជិវិតអមតៈដែរ។ តែត្រូវរង់ចាំ រហូតឆ្នាំ២០២៨ ឬ២០៣០ ក្រោយពេលដែលខ្ញុំព្រះករុណា កម្ចាត់ពួកក្បត់ជាតិឲ្យអស់សិន។ ពេលនោះ តេជគុណអាចសឹក មកធ្វើនាយករដ្ឋមន្ត្រី ជំនួសខ្ញុំព្រះករុណាបានហើយ។»

បុរសខ្លាំងកម្ពុជា បានបញ្ជាក់ទៀតថា ចម្លើយរបៀបនេះ ក៏ធ្លាប់ត្រូវបានលោកទូលប្រគេន ទៅកាន់ព្រះសង្ឃដទៃទៀត ដែលចង់ឲ្យលោកនៅបន្តអំណាច ឲ្យបានយូរដែរ។ លោក ហ៊ុន សែន ថា៖

«ព្រះសង្ឃជាច្រើន បានបិណ្ឌបាត្រឲ្យខ្ញុំព្រះករុណាបន្ត[អំណាច] ខ្ញុំករុណានិយាយដូចគ្នា [គឺឲ្យរង់ចាំដល់ឆ្នាំ] ២០២៨ ឬ២០៣០។ យល់ឬទេតេជគុណ?»



លំអិតបន្ថែមទៀត

កម្ពុជា

អ្នកនាំពាក្យថា សម រង្ស៊ី អាចត្រូវ​«ក្រុមបាតដៃទី៣»​សម្លាប់ បើហ៊ាន​ចូល​ស្រុក

បើឧត្ដមសេនីយ៍​យោធាច្រើននាក់ ស្និតនាយករដ្ឋមន្ត្រីកម្ពុជា បានប្រកាស​ក្នុងប៉ុន្មានថ្ងៃចុងក្រោយ ត្រៀម​កម្ទេចលោក សម រង្ស៊ី នៅពេលមេដឹកនាំប្រឆាំងរូបនេះ វិលចូលកម្ពុជាវិញនោះ សម្រាប់លោក សុខ ឥសាន វិញ បានអះអាងថា ...
កម្ពុជា

ABC TV គាស់​កកាយ​«ទ្រព្យ​មហាសាល​នៃ​ត្រកូល ហ៊ុន»​នៅ​អូស្ត្រាលី

បន្ទាប់ពីបណ្ដាញទូរទស្សន៍ «Al Jazeera» នៅថ្ងៃនេះគឺបណ្ដាញវិទ្យុ និងទូរទស្សន៍ «ABC» របស់ប្រទេស​អូស្ត្រាលី​តែម្ដង ដែលបានតាមស្រាវជ្រាវ រកឃើញពីទ្រព្យសម្បត្តិ ត្រកូល ហ៊ុន នៅក្នុងប្រទេសអូស្ត្រាលី ដែលមានតម្លៃរាប់លានដុល្លារ។ ...
កម្ពុជា

សេរីភាព​សារព័ត៌មាន​នៅ​កម្ពុជា​ បន្ត​ជាប់លេខ​ដ៏អាក្រក់ ក្នុង​ឆ្នាំ២០១៩

ពណ៌ក្រហមជាពណ៌របស់ក្រុមប្រទេស ដែលមានសេរីភាពសារព័ត៌មានដ៏អាក្រក់ រាប់ទាំងប្រទេសកម្ពុជាមួយផង។ នេះបើតាមរបាយការណ៍សន្ទស្សន៍ ក្នុង​ឆ្នាំ២០១៩ របស់អង្គការអ្នកយកព័ត៌មានគ្មានព្រំដែន (RSF-RWB) ដែលទើបនឹងចេញផ្សាយ កាលពីថ្ងៃទី១៦ ខែមេសា ឆ្នាំ២០១៩។ នៅក្នុងបញ្ជីសន្ទស្សន៍នោះ កម្ពុជាជាប់លេខ១៤៣ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...
កម្ពុជា

ហ៊ុន ណេង បងប្រុស ហ៊ុន សែន ទទួលមរណភាព​ដោយ​«គាំងបេះដូង»

បងប្រុសបង្កើត របស់លោកនាយករដ្ឋមន្ត្រី ហ៊ុន សែន គឺលោក ហ៊ុន ណេង បានទទួលមរណភាពហើយ កាលពីល្ងាច​ថ្ងៃព្រហស្បតិ៍ ទី៥ ខែឧសភា ឆ្នាំ២០២២នេះ ដោយអាការៈ«គាំងបេះដូង»។ ...