កម្ពុជាដំណឹង

អ្នកច្បាប់ និយាយពី​ច្បាប់​សារព័ត៌មាន ក្រោយពី​បិទ​ស្ថាប័ន​ព័ត៌មាន​បន្តបន្ទាប់

«បើខុសបន្តិច បិទ! ខុសបន្តិច បិទ! វានឹងគ្មាននរណា​ហ៊ានសរសេរ ហ៊ានបើកកាសែត​នោះទេ» ជាលើកឡើងរបស់ អ្នកច្បាប់ និងជាមេធាវីចាស់វស្សា លោក សុក សំអឿន តាម​រយៈ​សំណេរ «សួរ-ឆ្លើយ» តាមទម្រង់ «សិស្ស-គ្រូ» ដែលលោកបង្ហោះ នៅលើបណ្ដាញសង្គម។

លោកមេធាវី មិនបានលើកយកករណី នៃការបិទកាសែត ឬស្ថាប័នសារព័ត៌មានណាមួយ នៅក្នុងការធ្វើអត្ថាធិប្បាយ របស់លោកនោះទេ។ ប៉ុន្តែ នៅក្នុងរយៈពេលចុងក្រោយនេះ ការចាប់ខ្លួនអ្នកកាសែត និងការបិទស្ថាប័នសារព័ត៌មាន រួមនឹងការរាំងខ្ទប់គេហទំព័រ នៅក្នុងប្រទេសកម្ពុជា ត្រូវបានធ្វើជាហូរហែ។

ស្ថាប័នសារព័ត៌មាន ចុងក្រោយមួយទៀត ដែលទើបត្រូវបានបង្ខំ ឲ្យបិទទ្វាដែរនោះ គឺវិទ្យុ​«រិទ្ធិសែន»​ដ៏ល្បីឈ្មោះ នៅខេត្តកំពង់ឆ្នាំង ខណៈប្រធានវិទ្យុមួយនេះ គឺលោក សុខ ឧត្តម ត្រូវបាន​អាជ្ញាធរខេត្តចាប់ខ្លួន និងបញ្ជូនឡើងទៅតុលាការ។

ការលប់ចោលអាជ្ញាប័ណ្ណ របស់វិទ្យុខាងលើ ពីសំណាក់ក្រសួងព័ត៌មាន ដែលចុះហត្ថលេខា ដោយ​លោក​រដ្ឋមន្ត្រី ខៀវ កាញារីទ្ធ បានធ្វើឡើង ក្រោមការចោទប្រកាន់ថា វិទ្យុមួយនេះ បានផ្សាយ​បំផ្លើស ប្រើពាក្យអសុរស និងញុះញង់ឲ្យពលរដ្ឋ ទៅកាន់កាប់ដីរដ្ឋ។

សម្រាប់លោកមេធាវី សុក សំអឿន ដែលជាគ្រូបង្រៀន«អ្នកច្បាប់» មួយរូបផង បានលើក​ឡើងថា ទង្វើថ្មីៗ ទៅលើស្ថាប័នសារព័ត៌មាន ជាបន្តបន្ទាប់នេះ បានបង្កឲ្យមានមន្ទិល អំពីសេរីភាពសារព័ត៌មាន និងការអនុវត្តច្បាប់ នៅកម្ពុជា រាប់ទាំង​ច្បាប់របប​សារព័ត៌មាន និងច្បាប់ក្រមព្រហ្មទណ្ឌនោះផង។

ខាងក្រោមនេះ ជាការដកស្រង់ទាំងស្រុង នៃការពន្យល់បែប«សួរ-ឆ្លើយ» របស់លោក៖ 

សិស្ស៖ តើហេតុអ្វីបានជាកាសែត ដែលផ្សាយពត៌មាន ដែលមិនត្រឹមត្រូវ ច្បាប់​សារពត៌មាន​តម្រូវ ត្រឹមឲ្យកាសែតផ្សាយបញ្ជាក់ជាថ្មី? ម៉េចក៏មិនដាក់ទណ្ឌកម្ម ដោយបិទ​[ស្ថាប័ននោះ] ​តែម្តងទៅ?

គ្រូ៖ បើខុសបន្តិច បិទ ! ខុសបនិ្តច បិទ ! វានឹងគ្មាននរណាហ៊ានសសេរ ហ៊ានបើក​កាសែត​នោះទេ។ ម៉្លោះហើយ ច្បាប់របបសារពត៌មាន មិនធ្វើដូច្នោះទេ គឺបើផ្សាយពត៌មានអ្វីមួយ ដែលមិនពិតជាអញ្ចឹងទេនោះ ច្បាប់អនុញ្ញាត ឲ្យសារពត៌មាននោះ ផ្សាយលាងវិញ ប្រសិន​បើរកឃើញថា ពត៌មាននោះ មិនទាន់ពិត១០០ភាគរយ ឬជាការយល់ច្រឡំ។ ការធ្វើបែប​នេះ ទើបសេរីភាពសារពត៌មាន វាអាចមានពិត។

សិស្ស៖ ចុះប្រសិនបើប្រទេសមួយ ឃើញតែបិទកាសែត បិទសារពត៌មាន តើហ្នឹង មកពីអ្វី?

គ្រូ៖ អាចមានករណីដូចតទៅ៖

១. ប្រសិនបើការបិទ វាត្រឹមត្រូវ គឺមានន័យថា ប្រទេសនោះខ្វះអ្នកចេះដឹង ខ្វះអ្នកមាន​សមត្ថភាព និងមានវិជ្ជាជីវៈសារពត៌មានពិត ដែលនាំឲ្យការផ្សាយរបស់ខ្លួន វាខុសច្បាប់ ដែលនាំឲ្យរដ្ឋាភិបាល មិនអាចអនុគ្រោះបាន។

២. អាចមកពីច្បាប់ប្រទេសនោះតឹងពេក តែបើតឹងពេក សេរីភាពសារពត៌មាន​នឹង​ចុះថយ ហើយបើសេរីភាពសារពត៌មានចុះថយ ស្ថាប័នសាធារណៈ អាចនឹងកាន់តែមាន​បញ្ហាក៏មាន។

៣. អាចជាសញ្ញាបង្ហាញថា សេរីភាពសារពត៌មានប្រទេសនោះចុះខ្សោយ ហើយបើ​សេរីភាព​សារពត៌មាន​ចុះខ្សោយ ស្ថាប័នសាធារណៈអាចនឹងមិនសូវមាន តម្លាភាព អំពើពុករលួយ​នឹងងាយ​កើនឡើង ហើយនឹងបាត់ឧិកាសចូលរួម ពីសាធារណជន។

សិស្ស៖ អញ្ចឹងច្បាប់​របបសារពត៌មាន​យើង ដូចជាល្អគ្រប់គ្រាន់​ហើយមែនឬទេ លោកគ្រូ?



លំអិតបន្ថែមទៀត

របាយការណ៍

Covid-19៖ ភស្ដុតាង​បង្ហាញថា ចិន​លាក់​តួលេខ​អ្នកស្លាប់ យ៉ាងធំសម្បើម

នៅពេលដែលចិនកុម្មុយនីស្ដិ៍ កំពុងអួតអាងថា ការរាតត្បាតនៃជំងឺ​«កូរូណា» ឬ​«Covid-19» កំពុងថមថយកម្លាំង ក្នុង​ប្រទេសខ្លួន និងបម្រាមនានា កំពុងត្រូវបានលើកចេញ ជាបន្តបន្ទាប់នោះ ស្រាប់តែភស្ដុតាង​ដែលបង្ហាញឲ្យដឹង ពីចំនួន​អ្នកជំងឺស្លាប់ ដោយសារមេរោគខាងលើ យ៉ាងធំសម្បើម ...
កម្ពុជា

រដ្ឋមន្ត្រីព័ត៌មាន​លត់​មន្ត្រី«ចង់ធ្វើធំ» ដែល​មិនមក​ធ្វើការ​ទាន់ពេល

ចុះមន្ត្រី«ចង់ធ្វើធំ»ទាំងនោះ ទៅណាអស់ ទើបរដ្ឋមន្ត្រីមួយទាំងមូល មិនអាចចូលការិយាល័យ ដើម្បីធ្វើការងារបាន? នេះជាអ្វី ដែលទើបនឹងកើតឡើង ក្នុងព្រឹកថ្ងៃសុក្រ ទី០៦ ខែមិនានេះ ក្នុងក្រសួង(ឃ្លាំមើល)ព័ត៌មានកម្ពុជា ដែលមានមន្ត្រីថ្នាក់អន្ទ្រើសៗ រហូតដល់ជាង១៥0នាក់ ...
ពិសេស

មនោរម្យ.អាំងហ្វូ និងអង្គការធំមួយ រួមគ្នាបំបែក​ការរាំងខ្ទប់​គេហទំព័រ​នៅកម្ពុជា

មនោរម្យ.អាំងហ្វូ ៖ របប«មេកន្ទ្រាញ»ដែលយាយី ទៅលើសិទ្ធិ​សេរីភាព​សារព័ត៌មាន និងសិទ្ធិសេរីភាព នៃការទទួលព័ត៌មាន អាចនឹងសើចលែងសម នៅចំពោះ​កិច្ចសហ​ប្រតិបត្តិការមួយនេះ។ នោះ គឺយុទ្ធនាការ​«បំបែក» ការរាំងខ្ទប់​គេហទំព័រ​​សារព័ត៌មាន​ឯករាជ្យ ដែល​ផ្ដួចផ្ដើម​​ឡើង និងអនុវត្ត ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...