កម្ពុជាដំណឹង

មេធាវី កឹម សុខា ថា​កូនក្ដី​ខ្លួន​ទាមទារ​ឲ្យ​ទម្លាក់​បទ​ចោទ​ប្រកាន់​ជាមុន​សិន

«ត្រូវទម្លាក់ចោល បទចោទប្រកាន់ ជាមុនសិន» នេះ ជាការលើកឡើង របស់លោក កឹម សុខា ប្រធានគណបក្សសង្គ្រោះជាតិ តាមរយៈមេធាវីរបស់លោក នៅមួយថ្ងៃបន្ទាប់ពីការលើកឡើង របស់លោកនាយករដ្ឋមន្ត្រី ហ៊ុន សែន អំពាវនាវឲ្យមន្ត្រីគណបក្សប្រឆាំង ដែលត្រូវតុលាការហាមឃាត់ ធ្វើសកម្មភាពនយោបាយ កាលពីថ្ងៃទី១៦ ខែវិច្ឆិកា ឆ្នាំ២០១៧ ឲ្យស្នើសុំសិទ្ធិធ្វើនយោបាយឡើងវិញ នៅពេលដែលសេចក្ដីស្នើច្បាប់ ធ្វើវិសោធនកម្ម លើច្បាប់ស្ដីពីគណបក្សនយោបាយ ចូលជាធរមាន។

ស្រង់សំដីដោយវិទ្យុបារាំងអន្តរជាតិ ប្រចាំក្នុងរាជធានីភ្នំពេញ លោក ចាន់ ចេង មេធាវីការពារក្ដី ឲ្យលោក កឹម សុខា ដែលបានចូលជួបកូនក្ដីលោក កាលពីល្ងាចម្សិលម៉ិញ បានថ្លែងឡើងថា៖

«សុំឲ្យតុលាការ ទម្លាក់បទចោទប្រកាន់ មកលើរូបគាត់ [កឹម សុខា] សិន។ ដូចគ្នាផងដែរ ចំពោះការទទួលយក សិទ្ធិនយោបាយ ត្រឡប់មកវិញ ភាគច្រើននៅក្នុងចំនួន ១១៧នាក់ (១១៨នាក់ តែមានម្នាក់បានទទួលមរណភាព) គេនៅរង់ចាំ ឲ្យមានការទម្លាក់ចោល បទចោទលើលោក កឹម សុខា ដើម្បីឲ្យមានសេរីភាព ជាមុនសិនផងដែរបាទ។»

បើតាមលោកមេធាវីដដែល ការស្នើសុំសិទ្ធិធ្វើនយោបាយ ឡើងវិញ ដែលដូច ទៅនឹងការអំពាវនាវ របស់លោក ហ៊ុន សែន កាលពីម្សិលម៉ិញនោះ គ្រាន់តែជាទម្រង់ក្រៅមួយប៉ុណ្ណោះ។ លោក ចាន់ ចេង ថា៖ 

«បើសិនជារូបគាត់ [កឹម សុខា] ជាប់នូវបទចោទប្រកាន់ នៅតុលាការនៅឡើយ តើធ្វើដូចម្ដេច ដើម្បីលោក កឹម សុខា អាចមានសិទ្ធិធ្វើនយោបាយ ឡើងវិញបាននោះ? អញ្ចឹងដូច្នេះ វាមានតែទម្លាក់បទចោទប្រកាន់ ចំពោះគាត់ជាមុនសិនទេ ទើបអាចនិយាយទៅដល់ ការធ្វើនយោបាយរបស់គាត់ ឡើងវិញបាន។»៕



លំអិតបន្ថែមទៀត

កម្ពុជា

ចិន​មិនឆ្លើយ​តប​សំនួរ ថា​ខ្លួន​បដិសេធ​«កិច្ចព្រមព្រៀង​សម្ងាត់»​ជាមួយ​​កម្ពុជា

ប្រសិនបើក្រុងភ្នំពេញ បានបដិសេធយ៉ាងដាច់អហង្កា អំពីព័ត៌មាន ដែលអះអាងថា ខ្លួនបានចុះ«កិច្ចព្រមព្រៀង​សម្ងាត់» ជាមួយប្រទេសចិន ដើម្បីអនុញ្ញាតឲ្យចិនប្រើមូលដ្ឋានទ័ពជើងទឹក នៅខេត្តព្រះសីហនុនោះ រដ្ឋាភិបាលក្រុងប៉េកាំងឯណោះ បានបដិសេធ មិនឆ្លើយនឹងសំនួរ ដែលចង់ដឹងថា តើចិនច្រានចោលព័ត៌មាននេះ ...
កម្ពុជា

Covid-19៖ យុវជន​ស្លាប់​នៅ ត្បូងឃ្មុំ មាន​ជំងឺ​ផ្ដាសាយ​តែ​គ្រូពេទ្យ​មិនដឹង

យុវជនពេញកម្លាំង អាយុ២១ឆ្នាំម្នាក់ ដែលបានស្លាប់ ក្នុងមណ្ឌលចត្តាឡីស័ក ខេត្ត ត្បូងឃ្មុំ មានជំងឺផ្ដាសាយ​តាំងពីច្រើនថ្ងៃហើយ តែ​គ្រូពេទ្យ​ដែលបានទៅវាស់កម្ដៅ ដើម្បីពិនិត្យ​សុខភាព​យុវជន មិនបានដឹងពីជំងឺនេះទេ។ នេះ បើតាមសេចក្ដីប្រកាសព័ត៌មាន របស់​ក្រសួងសុខាភិបាល ...
កម្ពុជា

ហ៊ុន សែន ប្រកាស​រៃអង្គាស​ថវិកា សម្រាប់​គ្រួសារ​នៃជន​រងគ្រោះ

បន្ទាប់ពីត្រឡប់ពីកិច្ចប្រជុំកំពូល នៃសមាគមអាស៊ាន លោកនាយករដ្ឋមន្ត្រី ហ៊ុន សែន បានប្រកាសនៅមុននេះ អំពាវនាវឲ្យមានការជួយជាថវិកា សម្រាប់​គ្រួសារ​នៃជន​រងគ្រោះ នៅក្នុងហេតុការណ៍រលំបាក់អគារ កំពស់៧ជាន់ កាលពីព្រឹកថ្ងៃសៅរ៍។ ការអំពាវនាវរបស់លោក ហ៊ុន ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ដាក់កម្ពុជា​ឲ្យកាន់ទុក្ខ​មួយថ្ងៃ ចំពោះសព ស៊ីនហ្សូ អាបេ

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

បងប្អូនត្រកូល«ជួប» ៖ បន្ទាប់ពីបានបង្ហោះទ្រនាប់ជើងមួយចំហៀង សំដៅលោកនាយករដ្ឋមន្ត្រី ហ៊ុន សែន រួច បុរសម្ចាស់ទ្រនាប់ជើង ដែលមានឈ្មោះ អ៊ុក ទូច បានចេញមុខនៅថ្ងៃព្រហស្បត្តិ៍នេះ ប្រកាសរហស្សនាមខ្លួនថា ...
កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...