កម្ពុជាដំណឹង

ហ៊ុន សែន ថានឹងប្រើ​«កាំភ្លើងយន្ដ»​បាញ់ សម រង្ស៊ី បើចូលស្រុក​តាមព្រំដែន

លោកនាយករដ្ឋមន្ត្រី ហ៊ុន សែន បានប្រកាសនៅថ្ងៃចន្ទនេះ ថាលោកនឹងបញ្ជា​ឲ្យប្រើ«កាំភ្លើងយន្ដ» ដែលដាក់សម្រាប់ការពារព្រំដែន ដើម្បីបាញ់លោក សម រង្ស៊ី ប្រសិនជាមេដឹកនាំប្រឆាំងរូបនេះ ធ្វើមាតុភូមិនិវន្តន៍តាមព្រំដែនគោក។

ថ្លែងដោយមិនបញ្ចេញឈ្មោះ នៅក្នុងពិធីប្រគល់សញ្ញាបត្រ ដល់និស្សិតសាកលវិទ្យាល័យភ្នំពេញអន្តរជាតិ (PPIU) នៅវិទ្យាស្ថានជាតិអប់រំ រាជធានីភ្នំពេញ លោក ហ៊ុន សែន អះអាងថា មានតែគ្រាប់មីនប៉ុណ្ណោះ ដែលត្រូវបានហាមឃាត់ មិនឲ្យប្រើ។ លោកបន្តថា តែនៅតាមព្រំដែន មានលេណដ្ឋានដែលមានដាក់តាំង ដោយកាំភ្លើងយន្ដជាច្រើន រង់ចាំស្វាគមន៍លោក សម រង្ស៊ី។

លោកថា៖

«ហើយ​បើ​មក​តាម​ទល់​ដែន អាហ្នឹង​ល្អ​មើល​តើ! អញ​អត់​ដឹង​ទេ! អញ​អត់​ដឹង​ទេ​តាម​ទល់​ដែន! ឯង​ត្រូវ​ដឹង ទល់​ដែន​គេ​ធ្វើ​ម៉េច? គេ​ដាក់​ត្រង់សេ[លេណដ្ឋាន] ហើយ​គេ​មាន​កំាំភ្លើង​យន្ត​នៅ​ហ្នឹង គ្រាន់​តែ​បច្ចុប្បន្ន​យើង​ហាម​ប្រើ​មីន​ប្រឆាំង​មនុស្ស​ តែ​ប៉ុណ្ណឹងទេ។ ប៉ុន្តែ អ្ហែង​ត្រូវ​ដឹង បើ​មក​តាម​ទល់​ដែន រឿង​ធំ​ហើយ។»

បុរសខ្លាំងកម្ពុជាបានចោទសួរទៀតថា បើលោក សម រង្ស៊ី មកតាមព្រំដែន តើតាមព្រំដែនប្រទេសណា? លោកឆ្លើយដោយខ្លួនលោកថា ព្រោះមេដឹកនាំប្រឆាំងមិនត្រូវគ្នានឹង វៀតណាម និងឡាវទេ ខណៈប្រទេសថៃ «គេមិនល្ងង់ឡើយ»។

ប្រធានស្ដីទីគណបក្សប្រឆាំង បានប្រកាសជាច្រើនលើកច្រើនសារ ថាលោកនិងមន្ត្រីច្រើននាក់របស់គណបក្សប្រឆាំង នឹង​វិល​ត្រឡប់​ចូលកម្ពុជាវិញ ក្នុងឆ្នាំ២០១៩នេះ ដើម្បីអ្វីមួយដែលលោកថា ចូលមកដឹកនាំចលនាប្រជាជនទាមទារឲ្យលោក ហ៊ុន សែន ចុះចេញពីតំណែង។

ក្នុងពេលកន្លងមក លោក សម រង្ស៊ី បានថ្លែងថា លោកមានយុទ្ធសាស្ត្រច្បាស់លាស់ ហើយមិនចូលមកក្នុងប្រទេស ឲ្យលោក ហ៊ុន សែន ចាប់ខ្លួនដោយងាយៗនោះឡើយ៕



You may also like

កម្ពុជា

វិមាន​ឈ្នះឈ្នះ​ចាយ​ប្រាក់​សាលារាជធានី​អស់​១២លាន​ដុល្លារ និង​នៅ​មាន​ចំណាយ​ផ្សេងទៀត

សាលារាជធានីភ្នំពេញ បានចំណាយប្រាក់អស់ ១២លានដុល្លារ ក្នុងការសាងសង់វិមានឈ្នះ-ឈ្នះ។ នេះ បើតាមការអះអាង របស់លោកនាយករដ្ឋមន្ត្រី ហ៊ុន សែន ក្នុងពិធីសម្ពោធស្ដូបចងចាំនេះ នាព្រឹកថ្ងៃទី២៩ ខែធ្នូ ឆ្នាំ២០១៨នេះ។ ...
វិភាគ អត្ថាធិប្បាយ

អ្នក​វិភាគ​និយាយ​ពី​ស្ដេច ដែល​គ្មាន​អំណាច​ផ្ទុយ​ពី​«រដ្ឋធម្មនុញ្ញ»

បើទោះ«រដ្ឋធម្មនុញ្ញ»កម្ពុជា បានចែងថា ព្រះមហាក្សត្រសោយរាជ្យសម្បត្តិ ដោយគ្មានអំណាចក៏ដោយ តែព្រះអង្គ​នៅ​មាន​ព្រះរាជសិទ្ធិមួយចំនួន ដែលច្បាប់ដ៏កំពូលនេះ បានប្រគល់ថ្វាយទ្រង់។ ប៉ុន្តែព្រះរាជសិទ្ធិនេះ មិនមាន​ការអនុវត្ត​ទេ រាប់ពីរជ្ជកាលស្ដេ​ចមុន រហូតមកដល់រជ្ជកាលស្ដេចបច្ចុប្បន្ន។ នេះ បើតាមលោក ...
កម្ពុជា

ហ៊ុន សែន បង្ហោះរូបភាព​«មានសុខភាពល្អ» តែរាង​ឡើងគីឡូ​ជាងមុន

នៅលើបណ្ដាញសង្គម លោកនាយករដ្ឋមន្ត្រី ហ៊ុន សែន បានផ្ដល់ដំណឹងរបស់លោក តាមរយៈរូបថតច្រើនសន្លឹក ដោយអមមកជាមួយ នូវសារខ្លីប៉ុន្មានម៉ាត់ ដើម្បីបញ្ជាក់ថា លោក«មានសុខភាពល្អ» ក្នុងរលកទី៣ នៃការរាតត្បាត​ជំងឺកូវីដ-១៩ (Covid-19) ...

Comments are closed.

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...