កម្ពុជាដំណឹង

សម រង្ស៊ី ព្រមានថា​«នឹង​មិនឲ្យ ហ៊ុន សែន ចាប់ខ្លួន​ងាយៗ»ឡើយ

លោក សម រង្ស៊ី មេដឹកនាំប្រឆាំងកម្ពុជា។ (រូបថត EPA)

តបទៅនឹងសារបែកធ្លាយ របស់លោកនាយករដ្ឋមន្ត្រី ហ៊ុន សែន កាលពីម្សិលម៉ិញ លោក សម រង្ស៊ី មេដឹកនាំប្រឆាំង​បានថ្លែងព្រមាន​លោក ហ៊ុន សែន វិញថា លោក (សម រង្ស៊ី) នឹងមិនឲ្យលោក ហ៊ុន សែន ចាប់ខ្លួន​ងាយៗ នោះ​ឡើយ។

មេដឹកនាំប្រឆាំង បានថ្លែងតាមវិទ្យុអាស៊ីសេរី កាលពីមុននេះថា គឺផ្ទុយទៅវិញ លោកនឹងដឹកនាំកម្លាំងពលរដ្ឋ រាប់ម៉ឺនរាប់សែន ឬឈានទៅរាប់លាននាក់ ឲ្យងើបឈរឡើង ដើម្បីទៅចាប់លោក ហ៊ុន សែន ឲ្យទាល់តែបានក្នុងឆ្នាំ២០១៩នេះ។

ក្នុងសារជាលក្ខណៈឯកជន ជាង១២នាទី ដែលលោក​បាន​បញ្ជូន​​​ ទៅកាន់​​មនុស្ស​​ជំនិតៗ​​របស់​លោក នៅក្នុងប្រព័ន្ធ​​បញ្ជូនសារមួយ លោក ហ៊ុន សែន បានបញ្ជាទៅមន្ត្រីអ្នកនាំពាក្យទាំងឡាយ រាប់ទាំងអ្នកនាំពាក្យស្ថាប័ននីតិបញ្ញត្តិផង ឲ្យឈប់ឆ្លើយឆ្លងជាមួយលោក សម រង្ស៊ី ព្រោះលោកយល់ថា សកម្មភាពសព្វថ្ងៃរបស់មេដឹកនាំប្រឆាំង ជាល្បិចរបស់​មេដឹកនាំរូបនេះ​ដើម្បីកុំឲ្យគេភ្លេច នឹងអាលចូលមកក្នុងកញ្ចប់ នៃកិច្ចចរចាជាយថាហេតុណាមួយ ហើយក្លាយ​ជាភាគីមួយ​ដើម្បីមកតថ្លៃ​ជាមួយលោក។

ជាប្រតិកម្មតបវិញភ្លាមៗ សំដីរបស់លោក ហ៊ុន សែន តាមរយៈសារជាឯកជនខាងលើ ត្រូវបានមេដឹកនាំប្រឆាំងចាត់ទុក ថាជាសំដី«ទ័លច្រក» និង«ជ្រួលច្របល់»។

«មិនឲ្យលោក ហ៊ុន សែន ចាប់ខ្លួន​ងាយៗ»

លោក សម រង្ស៊ី បានថ្លែងបន្តតាមវិទ្យុអាស៊ីសេរី ដោយអះអាងជាថ្មីថា លោកមិនឆោតឲ្យលោក ហ៊ុន សែន ឬជនបាតដៃ​ទី៣ណាមួយ មកចាប់ខ្លួនលោក ឬសម្លាប់លោកដោយងាយៗនោះឡើយ។ លោកពន្យល់ថា លោកមិនចុះពីយន្ដហោះ ហើយឡើងរថយន្ដ ដើម្បីឲ្យលោក ហ៊ុន សែន ចាប់ខ្លួនឬសម្លាប់នោះទេ។ លោកថា អានេះជា«សេណារីយ៉ូ» ដែលលោក ហ៊ុន សែន ដឹងហើយ ដូច្នេះលោកមិនដើរតាមសេណារីយ៉ូនេះឡើយ៕



លំអិតបន្ថែមទៀត

កម្ពុជា

«សង្គមស៊ីវិល»ជិត១០០ បារម្ភ​ពីការវិលទៅអតីតកាល បើបាត់​«EBA-GSP»

ក្រុមអ្នកវិភាគ-អ្នកឃ្លាំមើល រួមនឹងអង្គការ​-សង្គមស៊ីវិល ប្រមាណជា៨៥នាក់/ស្ថាប័ន បានចេញសេចក្ដីថ្លែងការណ៍រួមមួយ នៅថ្ងៃនេះ សំដែងការព្រួយបារម្ភ ចំពោះស្ថានភាពនយោបាយ សេដ្ឋកិច្ចរបស់ប្រទេសកម្ពុជា ក្រោយពីអ្វីមួយ ដែលពួកគេទាំងនេះ បានអះអាងថា ការគោរពសិទ្ធិមនុស្ស និងគោលការណ៍ប្រជាធិបតេយ្យ ...
កម្ពុជា

ហ៊ុន សែន ប្ដេជ្ញាកម្ចាត់ក្រុមប្រឆាំង ស្មើនឹងគោលដៅ​«កម្ចាត់​ប៉ុលពត»

នាយករដ្ឋមន្ត្រីបីទសវត្សន៍ជាង របស់កម្ពុជា បានប្រកាសនៅថ្ងៃនេះ ថាលោកប្ដេជ្ញា ដាក់គោលដៅ ក្នុងការកម្ចាត់ក្រុមប្រឆាំង ស្មើនឹងគោលដៅរបស់លោក ក្នុងការ«កម្ចាត់​ប៉ុលពត»។ ការថ្លែងដូច្នេះ របស់លោកនាយករដ្ឋមន្ត្រី ហ៊ុន សែន ធ្វើឡើងបន្ទាប់ពីលោកបានរំលឹក ...
កម្ពុជា

ហ៊ុន សែន ថារូបលោកនៅខ្លាំងពូកែ ដូច​យុវជន​អាយុ​២៥ឆ្នាំ

នាយករដ្ឋមន្ត្រីបីទសវត្សន៍ជាង របស់ប្រទេសកម្ពុជា បានលើកឡើងក្នុងន័យធៀបថា លោកនៅខ្លាំងពូកែ ដូច​យុវជន​អាយុ​២៥ឆ្នាំ ដោយនៅលេងកីឡា វាយកូនគោលបាន។ ប៉ុន្តែទន្ទឹមនឹងការប្រៀបធៀបនេះ បុរសខ្លាំងវ័យ៦៦ឆ្នាំរូបនេះ បានរំលឹកខ្លួនលោក ទាំងមិនដាច់ស្នូរថា លោកត្រូវធ្វើកីឡាឲ្យបានច្រើន ដើម្បីកុំឲ្យលោកឡើងទម្ងន់ ...

យល់ស៊ីជម្រៅផ្នែក កម្ពុជា

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.