កម្ពុជាដំណឹង

ហ៊ុន សែន ព្រមាន​គណៈរដ្ឋមន្ត្រី​របស់​លោក ថាកុំចង់​ឲ្យលោក​ស្លាប់

បន្ទាប់ពីតំណាល ចូលដល់រឿងដែលលោកថា មិនជឿគេដាក់ថ្នាំបំពុលសម្លាប់លោកនោះ នាយករដ្ឋមន្ត្រីកម្ពុជា លោក ហ៊ុន សែន បានងាកមកព្រមានគណៈរដ្ឋមន្ត្រីរបស់លោក ថាកុំចង់ឲ្យលោកស្លាប់ ព្រោះបើលោកស្លាប់ គឺមានន័យជាការរំលាយតំណែង តួនាទីរបស់ខ្លួនឯង គ្រវាត់ចោលដូច្នេះដែរ។

មេដឹកនាំរបបក្រុងភ្នំពេញ ដែលអង្គុយនៅក្នុងតំណែងយូរជាងគេ នៅទ្វីបអាស៊ី បានថ្លែងឡើងដូច្នេះ ក្នុងព្រឹកថ្ងៃពុធទី១៣ ខែមិនា ឆ្នាំ២០១៩នេះ ក្នុងពិធីស្វែងរកការគាំទ្រ ពីក្រុមកម្មករ-កម្មការិនី ដែលប្រព្រឹត្តិទៅនៅតំបន់សេដ្ឋកិច្ចពិសេសខេត្តកោះកុង ស្ថិតនៅភូមិនាងកុក ឃុំប៉ាក់ខ្លង ស្រុកមណ្ឌលសីមា ខេត្តកោះកុង។

លោក ហ៊ុន សែន បានថ្លែងឡើងថា៖

«ហើយពូអត់ខ្លាចនរណាបំពុលទេ ហើយខ្ញុំមិនជឿ… លើកលែងតែពួកភេរវជន ដែលចង់ឲ្យពូស្លាប់។ មិនដឹងថា មានរឿងអីកើតឡើង! កុំភ័ន្ដច្រឡំណា រដ្ឋធម្មនុញ្ញរបស់កម្ពុជា ខ្ញុំកំពុងគិតគូរថា កែឬមិនកែ។»

បុរសខ្លាំងកម្ពុជា បានស្រង់យកការចែងមួយ នៅក្នុងរដ្ឋធម្មនុញ្ញកម្ពុជា មកបញ្ជាក់នៅក្នុងការថ្លែងរបស់លោក។ ការដកស្រង់នោះ ទំនងជាមាត្រា១២៥ថ្មី ដែលចែងជាអាទិ៍ថា៖

«បើ​តំណែង​នាយករដ្ឋមន្ត្រី​ នៅ​ទំនេរ​ជា​ស្ថាពរ​នោះ​ ត្រូវ​តែងតាំង​គណៈរដ្ឋមន្ត្រី​ មួយ​ជា​ថ្មី​ ក្នុង​លក្ខខណ្ឌ​ដែល​មាន​ចែង​ ក្នុង​រដ្ឋធម្មនុញ្ញ​នេះ។ បើ​ការ​ទំនេរ​នេះ ​ជា​ការ​ទំនេរ​មួយ​កាល​មួយ​គ្រា​ទេ​ ត្រូវ​​ចាត់​តាំង​នាយករដ្ឋមន្ត្រី​​ស្ដី​ទី​ ជា​បណ្ដោះ​អាសន្ន។»

លោក ហ៊ុន សែន បានងាកទៅរកមន្ត្រីរបស់លោក ដែលអង្គុយនៅខាងក្រោយ និងព្រមានពួកគេ ថាកុំចង់​ឲ្យលោក​ស្លាប់ ដូច្នេះ៖

«មានន័យថាម៉េច? បើនាយករដ្ឋមន្ត្រីស្លាប់ គឺរដ្ឋាភិបាលរលាយតែម្ដង។ អត់មាននរណា អាចធ្វើនាយករដ្ឋមន្ត្រីស្ដីទីបានទេ។ អាហ្នឹងត្រូវឲ្យច្បាស់ នៅកន្លែងហ្នឹង។ តិចរដ្ឋមន្ត្រីបន់ឲ្យនាយករដ្ឋមន្ត្រីស្លាប់… រដ្ឋមន្ត្រីបន់ឲ្យនាយករដ្ឋមន្ត្រីស្លាប់ មានតម្លៃស្មើនឹងខ្លួនឯង អស់ស័ក្ដិជារដ្ឋមន្ត្រីដែរ។ ត្រូវច្បាស់កន្លែងហ្នឹង រដ្ឋធម្មនុញ្ញចែងច្បាស់ណាស់។»

លោកបន្តថា៖

«អត់មាននរណា ធ្វើនាយករដ្ឋមន្ត្រីស្ដីទី! និយាយរួម ពេលហ្នឹង សភាត្រូវធ្វើយ៉ាងម៉េច អីយ៉ាងម៉េច? រួចឥឡូវនេះ ពូជាប្រធានបក្សផង ជានាយករដ្ឋមន្ត្រីផង អញ្ចឹងអ្នកណានឹងស្នើបេក្ខភាព ជានាយករដ្ឋមន្ត្រី ជាអ្នកណា? ហើយបានព្រះមហាក្សត្រឡាយព្រហស្ថលេខាហើយ បានយកមករៀបចំបោះឆ្នោត សុំការទុកចិត្តពីសភា។ រឿងនេះ អត់លេងសើចទេ។ ដល់អត់ពី ហ៊ុន សែន ត្រួតត្រាមិនបាន រត់ជាន់ជើងគ្នា។»៕



You may also like

កម្ពុជា

ស្រុតអគារចិន៖ ហ៊ុន សែន បានចែកប្រាក់ជាង​១៥ម៉ឺន​ដុល្លារ ជូន​ក្រុមសង្គ្រោះ

នាយករដ្ឋមន្ត្រីកម្ពុជា លោក ហ៊ុន សែន បានអះអាងថា លោកបានយកថវិកាផ្ទាល់របស់លោក ចំនួនជាង១៥ម៉ឺនដុល្លារ​ចែក ជូន​ក្រុមសង្គ្រោះ សរុបចំនួន​១៤៨៧នាក់ ដែលបានធ្វើការរុករក និងជួយសង្គ្រោះជីវិត ក្នុងហេតុការណ៍រលំអគារ ដែលសង់ដោយសហគ្រាសចិន ...
កំសាន្ដ

ព័ត៌មានជ័យគ្រត៖ ខួបកំណើតបក្ស សូមជូន​ចម្រៀង​«ដូចមានអ៊ំហូ»

ថ្ងៃនេះ អាជ័យនាងគ្រត សូមជូនចម្រៀងដ៏ល្បីមួយបទ ដែលមានចំណងជើងថា «ដូចមានអ៊ំហូ នៅ​ថ្ងៃ​បុណ្យ​ជោគជ័យ»។ ចម្រៀងនេះ ត្រូវបានស្នើឡើង ដើម្បីចូលរួម​អបអរសាទរយ៉ាងក្លៀវក្លា ខួប​កំណើត​​នៃ​គណបក្ស​ប្រជាជនកម្ពុជា (CPP) ដែលជាផ្នែកមួយ​នៃ​គណបក្សកុម្មុយនីស្ដិ៍​ឥណ្ឌូចិន បង្កើតឡើង​កាលពីឆ្នាំ​១៩៥១ ...
របាយការណ៍

ប្រ៊ែដ អាដាម៖ ភាព​ទន់ភ្លន់​របស់​អ៊ឺរ៉ុប​ចំពោះ ហ៊ុន សែន ជា​ពេលខ្ជះខ្ជាយ

នាយកអង្គការឃ្លាំមើលសិទ្ធិមនុស្ស ទទួលបន្ទុកតំបន់អាស៊ី លោក ប្រ៊ែដ អាដាម (Brad Adams) បានអះអាង​ថា ការប្រើប្រាស់​វិធីសាស្ត្រ​ការទូត តាមបែបទន់ភ្លន់ ជាមួយលោកនាយករដ្ឋមន្ត្រី ហ៊ុន សែន ...

Comments are closed.

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...