កម្ពុជាដំណឹង

ហ៊ុន សែន ព្រមាន​ម្ចាស់​រោងចក្រ អំពី​ទង្វើ​ត្រូវ​និង​ខុស​ច្បាប់

លោក ហ៊ុន សែន នាយករដ្ឋមន្ត្រីកម្ពុជា។ (រូបថត AFP)

នៅចំពោះកម្មករ-កម្មការិនី ក្នុងស្រុក សំរោងទង ខេត្ត កំពង់ស្ពឺ ក្នុងព្រឹកថ្ងៃទី១២ ខែធ្នូ ឆ្នាំ២០១៨ នេះ លោក ហ៊ុន សែន នាយករដ្ឋមន្ត្រីកម្ពុជា បានថ្លែងព្រមានម្ចាស់រោងចក្រ ចំពោះការអនុញ្ញាត ឲ្យកម្មករ-នយោជិក ឈប់សម្រាក ក្នុងម៉ោងធ្វើការ និងការផ្ដល់ប្រាក់បៀវត្សន៍ ចាប់ពីឆ្នាំ២០១៩ខាងមុខតទៅ។

លោកនាយករដ្ឋមន្ត្រី បានលើកឡើងថា បើឲ្យឈប់សម្រាក ១៥នាទី «ត្រូវច្បាប់» តែបើឲ្យឈប់សម្រាក ក្រោម ១៥នាទី «ខុសច្បាប់»។ ផ្ទុយទៅវិញ បើឲ្យឈប់សម្រាក លើសពី១៥នាទី «ត្រូវច្បាប់»។

ការថ្លែងព្រមានដោយប្រយោល ពីសំណាក់លោក ហ៊ុន សែន ធ្វើឡើង បន្ទាប់ពីលោកបានសាកសួរ ទៅក្រុមកម្មករ អំពើពេលវេលាឈប់សម្រាក ក្នុងម៉ោងធ្វើការ ដែលនិយាយថា មានរោងចក្រខ្លះ ឲ្យ៥នាទី ខ្លះឲ្យ១០នាទី ១៥នាទី និងខ្លះទៀតឲ្យរហូតដល់ទៅ ៣០នាទី។

ចំពោះប្រាក់បៀវត្សន៍វិញ ត្រូវបានបុរសខ្លាំងកម្ពុជា បញ្ជាក់ប្រហាក់ប្រហែលគ្នាថា បើបើកឲ្យកម្មករនយោជិក ចាប់ពី១៨២ដុល្លារឡើងទៅ ទើប«ត្រូវច្បាប់»។ តែបើបើកប្រាក់បៀវត្សន៍ ឲ្យកម្មករនយោជិក មានចំនួន​តិចជាង ១៨២ដុល្លារ នោះគឺជាទង្វើ«ខុសច្បាប់»៕



លំអិតបន្ថែមទៀត

កម្ពុជា

អនុរដ្ឋមន្ត្រីចិន​ថា រាជធានីភ្នំពេញ មាន​ភាពរស់រវើកស្រស់ស្អាត

អនុរដ្ឋមន្ត្រីក្រសួងទំនាក់ទំនងអន្តរជាតិ នៃប្រទេសចិនប្រជាមានិត បានអះអាងថា រាជធានីភ្នំពេញ មានភាពរស់រវើក​ស្រស់ស្អាត និងមានសក្ដានុពលជាច្រើន។ មន្ត្រីជាន់ខ្ពស់ចិន លោក វ៉ាង យ៉ាជុន បានថ្លែងដូច្នេះ នៅក្នុងជំនួបជាមួយនាយករដ្ឋមន្ត្រីកម្ពុជា លោក ...
លោក ហ៊ុន សែន នាយករដ្ឋមន្ត្រីកម្ពុជា
កម្ពុជា

ហ៊ុន សែន បបួល​ក្រុមប្រឆាំង​«ឲ្យមកស្បថ»រឿងថាកម្ពុជានៅតែក្រ

ប្រមុខរដ្ឋាភិបាលកម្ពុជា លោក ហ៊ុន សែន បានហៅក្រុមអ្នកនយោបាយប្រឆាំង នៅព្រឹកថ្ងៃសុក្រនេះ «ឲ្យមកស្បថ»ជាមួយលោក ជុំវិញការលើកឡើងថា លោកដឹកនាំយូរទៅ ធ្វើឲ្យប្រទេសកម្ពុជា​កាន់តែក្រទៅៗ។ បុរសខ្លាំងកម្ពុជា បានថ្លែងដូច្នេះ នៅក្នុងពិធីបើកការដ្ឋានសាងសង់មន្ទីរពេទ្យ ...
កម្ពុជា

ក្រសួង​ការពារជាតិ​ប្រតិកម្ម​តប ​សម រង្ស៊ី ថាកងទ័ព​ត្រៀម​កម្ទេច​«ជនក្បត់ជាតិ»

ក្រសួងការពារជាតិកម្ពុជា តាមរយៈអ្នកនាំពាក្យរបស់ខ្លួន បានចេញសេចក្ដីថ្លែងការណ៍មួយ ក្នុងព្រឹកថ្ងៃសៅរ៍ ទី២៦ ខែមករា ឆ្នាំ២០១៩នេះ ប្រតិកម្មតបនឹងសារអំពាវនាវ របស់លោក សម រង្ស៊ី ដែលស្នើសុំទៅកងទ័ព កុំស្ដាប់បញ្ជាទាំងឡាយណា ...

យល់ស៊ីជម្រៅផ្នែក កម្ពុជា

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.