កម្ពុជាដំណឹង

ហ៊ុន សែន៖ «គ្មានការដកតំណែង សាយ ឈុំ និង ស ខេង ទេ»

លោក ហ៊ុន សែន នាយករដ្ឋមន្ត្រីកម្ពុជា និងភរិយារបស់លោក គឺអ្នកស្រី ប៊ុន រ៉ានី។ (រូបថត EPA)

នាយករដ្ឋមន្រ្តី នៃរបបក្រុងភ្នំពេញ បានថ្លែងច្រានចោល ដំណឹងលេចឮទាំងឡាយ ដែលថានឹងមានការដកតំណែង អនុប្រធានគណបក្សប្រជាជនកម្ពុជាទាំងពីររូប គឺលោក សាយ ឈុំ ប្រធានព្រឹទ្ធសភា និងលោក ស ខេង រដ្ឋមន្ត្រីមហាផ្ទៃ។ បុរសខ្លាំងកម្ពុជា ថែមទាំងបានហៅ អ្នកដែលបញ្ចេញដំណឹងនេះ ថាជា«ជនពាល»នោះផងទៀត។

តាំងពីម្សិលម៉ិញ ដំណឹងដកតំណែងលោក សាយ ឈុំ និងលោក ស ខេង ត្រូវបានលោក ឆាំ ឆានី អ្នកប្រើប្រាស់ហ្វេសប៊ុកដ៏ល្បីមួយរូប បង្ហោះនៅលើបណ្ដាញសង្គម មុននឹងដំណឹងនេះ ត្រូវបានចែករំលែក យ៉ាងច្រើនសន្ធឹកសន្ធាប់ តែប៉ុន្មានម៉ោងក្រោយមក។

លោក ឆានី ដែលអះអាងយកដំណឹងនេះ ពីប្រភពមន្ត្រីរបបក្រុងភ្នំពេញ បានសរសេរថា៖ 

«គណបក្សប្រជាជនកម្ពុជា នឹងធ្វើសមាជរបស់ខ្លួន នៅមន្ទីបក្សក្រុង ផ្លូវ២០០៤ ចាប់ពីថ្ងៃ១៨ ដល់ថ្ងៃ២១ ធ្នូ ២០១៨ ដែលនៅក្នុងសមាជនោះ ហ៊ុន សែន នឹងដកដំណែងអនុប្រធានបក្ស ពី ស ខេង ឲ្យទៅ ហ៊ុន ម៉ាណែត និងដំណែងរដ្ឋមន្ត្រីក្រសួងមហាផ្ទៃ ឲ្យទៅ ហ៊ុន ម៉ានី។»

«ចំណែក ស ខេង ឲ្យទៅធ្វើប្រធានរដ្ឋសភា ដក ហេង សំរិន ឲ្យធ្វើជាប្រធានព្រឹទ្ធសភា ដែលជាតំណែង សាយ ឈុំ ហើយ សាយ ឈុំ នៅពេលនេះ ពុំទាន់មានពត៌មានថា ត្រូវទៅកាន់ដំណែងអីនោះទេ ។»

ប៉ុន្តែនៅចំពោះក្រុមកម្មករ-កម្មការិនីច្រើនពាន់នាក់ ក្នុងខេត្តកំពង់ស្ពឺ នៅថ្ងៃទី១២ ខែធ្នូ ឆ្នាំ២០១៨នេះ លោក ហ៊ុន សែន បានថ្លែងបដិសេធដំណឹងនោះ និងអះអាងទៀតថា នឹងគ្មានករណីខាងលើ មិនអាចកើតឡើង ជាដាច់ខាត ព្រោះផ្ទៃក្នុងគណបក្សប្រជាជនកម្ពុជា មានភាពរឹងមាំខ្លាំងណាស់៕

ហ៊ុន សែន ជាន់ក ស ខេង ដកដំណែងឲ្យ ហ៊ុន ម៉ាណែត និង ហ៊ុន ម៉ានី—ប្រភពីមន្ត្រីរបប ហ៊ុន សែន បានឲ្យដឹងថា បើមិនមានការកែប្រែទេ…

Gepostet von Chham Chhany am Dienstag, 11. Dezember 2018


លំអិតបន្ថែមទៀត

វិភាគ អត្ថាធិប្បាយ

«មិនត្រូវរុញអ្នកមាន​និងអ្នកមានអំណាច ឲ្យជល់គ្នានឹងអ្នកក្រទេ»

តើ«លទ្ធិប្រជាធិបតេយ្យកម្ពុជា» មានលក្ខណៈផុយស្រួយ ខ្លាំងមែនទែន រហូតអាចនឹងក្លាយជា«អនាធិបតេយ្យ» ឬជា«អំណាចផ្តាច់ការ» បានគ្រប់ពេលវេលាឬ? សូមអានបទវិភាគ របស់លោក ហ្សង់ ហ្វ្រង់-ស៊័រ (Jean-François Tain) នាយកវិទ្យុបារាំងអន្តរជាតិ ...
កម្ពុជា

សម រង្ស៊ី៖ «នីកូឡា ម៉ាឌូរ៉ូ ដូច ហ៊ុន សែន»

គូបដិបក្ខផ្នែកនយោបាយដ៏ស្រួចស្រាវ របស់លោកនាយករដ្ឋមន្ត្រី ហ៊ុន សែន បានប្រដូចបុរសខ្លាំងកម្ពុជារូបនេះ ទៅនឹងប្រធានាធិបតីវេណេស៊ុយអេឡា លោក នីកូឡា ម៉ាឌូរ៉ូ (Nicolas Maduro) ដោយពន្យល់ឡើងថា ករណីមេដឹកនាំទាំងពីរ ...
កម្ពុជា

ផែង វណ្ណៈ ត្រូវ​ឃុំខ្លួន​នៅ​​គុក​ព្រៃស តែ​ពីរថ្ងៃ​បន្ទាប់​ពីត្រូវ ហ៊ុន សែន ប្ដឹង​

រងបណ្ដឹងរបស់លោកនាយករដ្ឋមន្ត្រី ហ៊ុន សែន ត្រឹមតែរយៈពេល២ថ្ងៃប៉ុណ្ណោះ ភាគីចុងចោទ លោក ផែង វណ្ណៈ បានស្គាល់រសជាតិពន្ធនាគារ រួចជាស្រេចហើយ។ មន្ត្រីយោធាស័ក្ដិ៤កន្លះ និងជាម្ចាស់គណនី-ទំព័រហ្វេសប៊ុកដ៏ល្បីឈ្មោះ ត្រូវបានចៅក្រមស៊ើបសួរ ...

យល់ស៊ីជម្រៅផ្នែក កម្ពុជា

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.