បងប្រុសបង្កើត របស់លោកនាយករដ្ឋមន្ត្រី ហ៊ុន សែន គឺលោក ហ៊ុន ណេង បានទទួលមរណភាពហើយ កាលពីល្ងាច​ថ្ងៃព្រហស្បតិ៍ ទី៥ ខែឧសភា ឆ្នាំ២០២២នេះ ដោយអាការៈ«គាំងបេះដូង»។ នេះ បើតាមសេចក្ដីប្រកាសព័ត៌មាន របស់ក្រុមគ្រួសារត្រកូល ហ៊ុន នៅមុននេះបន្តិច។

មុនពេលអនិច្ចកម្ម លោក ហ៊ុន ណេង ដែលជាតំណាងរាស្ត្រមណ្ឌលកំពង់ចាម មានតំណែង​ជាប្រធានគណៈកម្មការមហាផ្ទៃ ការពារជាតិ និងមុខងារសាធារណៈ នៃរដ្ឋសភាជាតិ។ បងប្រុសនាយករដ្ឋមន្ត្រីរូបនេះ ធ្លាប់ជាអភិបាលខេត្តដ៏ចាស់វស្សា របស់ខេត្តកំពង់ចាម។

ក្នុងពេលភ្លាមៗនេះ ទំព័រហ្វេសប៊ុក​ផ្លូវការ របស់អ្នកមុខអ្នកការច្រើននាក់ ជាពិសេសដូចជាទំព័ររបស់លោក ហ៊ុន ម៉ានី និងអ្នកស្រី ហ៊ុន ម៉ាណា ជាដើម បានប្ដូររូបប្រូហ្វាល់​របស់ផងខ្លួន ដាក់ពណ៌ខ្មៅ ដែលទំនងជាសញ្ញា«កាន់ទុក្ខ។

បើតាមសេចក្ដីប្រកាសព័ត៌មាននោះ បានឲ្យដឹងថា លោក ហ៊ុន ណេង បានផុតដង្ហើមនៅម៉ោង ៦និង២៥នាទីល្ងាច ដោយអាការៈ«គាំងបេះដូង»។ លោកមានអាយុ៧២ឆ្នាំ។

សព​របស់លោក ​នឹង​ត្រូវ​តម្កល់​ធ្វើបុណ្យ​នៅ​គេហ​ដ្ឋាន ភូមិ​ទី៧ សង្កាត់​កំពង់​ចាម ក្រុង​កំពង់​ចាម ខេត្ត​កំពង់​ចាម មុននឹងដង្ហែ​ទៅបញ្ចុះនៅថ្ងៃទី ៩ ខែ ឧស​ភា ឆ្នាំ ២០២២​ សព​លោក​ ហ៊ុន ណេង ក្នុងវត្ត​សុវណ្ណ​គិរីរ​តនៈ ភ្នំប្រុស ភូមិ​ត្រពាំងចា​រ ឃុំក្រឡា ស្រុក​កំពង់​សៀម ខេត្ត​កំពង់​ចាម៕



You may also like

កម្ពុជា

ហ៊ុន សែន បន្តហាម​ពលរដ្ឋខ្មែរ​ដែលមាន​រោគសញ្ញា កុំឲ្យ​វិលចូល​មាតុភូមិ

លោកនាយករដ្ឋមន្ត្រី ហ៊ុន សែន បានប្រកាសបន្តមិនអើពើ ចំពោះពលរដ្ឋខ្មែរ ដែលរងទុក្ខនៅក្រៅប្រទេស ជាពិសេសលោក ហ៊ុន សែន បានបន្តហាមពលរដ្ឋខ្មែរទាំងនោះ កុំឲ្យ​វិលចូល​មាតុភូមិ ប្រសិនជាពួកគេមានរោគសញ្ញា នៃជំងឺ ...
កម្ពុជា

ហ៊ុន សែន អះអាង​ចាត់វិធានការ​ទប់ទល់​ទណ្ឌកម្ម​អាមេរិក-អ៊ឺរ៉ុប

បុរសខ្លាំងកម្ពុជា បានប្រកាសថា លោកកំពុងចាត់វិធានការ ដើម្បីទប់ទល់នឹងការដកប្រព័ន្ធអនុគ្រោះពន្ធ របស់សហរដ្ឋអាមេរិក និងសហភាពអ៊ឺរ៉ុប ក្រោមអ្វីមួយ ដែលលោកហៅថា ជា«យុទ្ធនាការពង្រឹងឯករាជ្យ របស់កម្ពុជា»។ លោក​នាយករដ្ឋមន្ត្រី​ ហ៊ុន សែន ...
កម្ពុជា

Covid-19៖ យុវជន​ស្លាប់​នៅ ត្បូងឃ្មុំ មាន​ជំងឺ​ផ្ដាសាយ​តែ​គ្រូពេទ្យ​មិនដឹង

យុវជនពេញកម្លាំង អាយុ២១ឆ្នាំម្នាក់ ដែលបានស្លាប់ ក្នុងមណ្ឌលចត្តាឡីស័ក ខេត្ត ត្បូងឃ្មុំ មានជំងឺផ្ដាសាយ​តាំងពីច្រើនថ្ងៃហើយ តែ​គ្រូពេទ្យ​ដែលបានទៅវាស់កម្ដៅ ដើម្បីពិនិត្យ​សុខភាព​យុវជន មិនបានដឹងពីជំងឺនេះទេ។ នេះ បើតាមសេចក្ដីប្រកាសព័ត៌មាន របស់​ក្រសួងសុខាភិបាល ...

Comments are closed.

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...