សុទ្ធតែជា«តិរច្ឆាន»! នេះ ជាការអះអាងឡើង របស់លោកនាយករដ្ឋមន្ត្រី ហ៊ុន សែន នៅព្រឹកថ្ងៃចន្ទនេះ ដើម្បីហៅក្រុមអ្នកវិភាគ និងមន្ត្រីគណបក្សប្រឆាំង ដែលរិះគន់ការទិញរថយន្ដយោធាចិន កាលពីប៉ុន្មានសប្ដាហ៍មុន ថាជាការចំណាយខុសពេលវេលា និងមិនចំទិសដៅ។
កាលថ្លែងរបស់លោក ហ៊ុន សែន ធ្វើឡើងក្នុងការចុះ ពិនិត្យមើលការដ្ឋានសាងសង់ អាកាសយានដ្ឋានអន្តរជាតិភ្នំពេញថ្មី ដែលស្ថិតនៅឃុំព្រែកស្លែង ស្រុកកណ្តាលស្ទឹង ខេត្តកណ្តាល។
នៅចំពោះមនុស្សរាប់រយនាក់ លោកនាយករដ្ឋមន្ត្រី បានសង្កាត់ធ្ងន់ថា៖
«កុំមើលងាយរដ្ឋាភិបាល ហ៊ុន សែន និងកុំមើលងាយសមត្ថភាព ហ៊ុន សែន បើមិនអញ្ចឹង មិនមែនអាចនៅឈរជើង រហូតដល់ថ្ងៃនេះទេ៕»
