កម្ពុជាដំណឹង

ហ៊ុន សែន អះអាង​ទទួលបាន Licence ពី​សហព័ន្ធ​កីឡា​កូនគោល​បារាំង

ពិតជាមិនធម្មតា បើសិនជាគេឃើញថា លោកនាយករដ្ឋមន្ត្រី ហ៊ុន សែន ទទួលបាន «Licence» មួយ ពីសហព័ន្ធកីឡាកូនគោលបារាំង ហៅកាត់តាមភាសាបារាំង «FFGOLF»។

កាន់តែមិនធម្មតាទៀត បើសិនជាគេឃើញលោក យករូបថតនៃកាត «Licence» មួយសន្លឹកនោះ មកបង្ហោះនៅលើបណ្ដាញសង្គម ដោយមានអម​ដោយសំណេរ​ប៉ុន្មានឃ្លា ដាក់ថា លោកបាន«ប្រឡងយក Licence វាយកូនគោលនៅទីក្រុងប៉ារីស ប្រទេស​បារាំង ឆ្នាំ២០០១»។

បុរសខ្លាំងកម្ពុជា បានបង្ហើបរឿងនេះមកបង្ហាញ ជាសាធារណៈ កាលពីប៉ុន្មាននាទីមុន បន្ទាប់ពីបានរៀបរាប់ថា កាលពីនៅវ័យជាយុវជន លោកលេងកីឡាបាល់ទះ បាល់ទាត់ បោះប៊ូល និងអុំទូក។ លោកបន្តថា៖

«សំណាងល្អ ប្រទេសមានសន្តិភាព និងការអភិវឌ្ឍ វត្តមានតារាងកូនគោលកើតមាននៅកម្ពុជា ខ្ញំចាប់ផ្តើមប្តូរមកវាយកូន គោលនៅឆ្នាំ២០០០ ដោយប្រឡងយក Licence វាយកូនគោលនៅទីក្រុងប៉ារីស ប្រទេសបារាំង ឆ្នាំ២០០១។»

មេដឹកនាំរូបនេះ បានរៀបរាប់ទៀតថា៖

«ជូនជាប់នូវ Licence សម្រាប់ឆ្នាំ២០១៩ ដែលសហព័ន្ធកូនគោលបារាំង ចេញឱ្យខ្ញុំមួយឆ្នាំម្តង តាំងពីឆ្នាំ២០០១មក។ ខ្ញុំមិនមែនជាជនជាតិបារាំងទេ តែសម្រាប់កីឡាវាយកូនគោល ខ្ញុំត្រូវកាន់ Licence របស់បារាំង ដែលងាយស្រួលដល់ការទៅលេង នៅប្រទេសផ្សេងទៀត ដែលមានការចាំបាច់ លើការធានារ៉ាប់រង។»

ដោយហេតុថា វេលានេះជាយប់រំលងអាធ្រាត ម៉ោងនៅប្រទេសបារាំង ទស្សនាវដ្ដីមនោរម្យ.អាំងហ្វូ មិនអាចស្វែង​រកអំណះអំណាងបន្ថែម ពីសហព័ន្ធកីឡា​កូនគោលបារាំង «FFGOLF» បានទេ។

ប៉ុន្តែ បើតាមអ្វីដែលសហព័ន្ធបានបញ្ជាក់ នៅលើគេហទំព័ររបស់ខ្លួន ប្រភេទ «Licence» ដូចអ្វីដែលលោក ហ៊ុន សែន បង្ហាញនៅលើទំព័រហ្វេសប៊ុក របស់លោកនេះ មិនចាំបាច់ត្រូវឆ្លងកាត់ ការប្រលងអ្វីឡើយ។ តែជាការជាវប្រចាំឆ្នាំ ក្នុងតម្លៃ ៥៤អ៊ឺរ៉ូ (ប្រមាណជា៦០ដុល្លារ) ដើម្បីមានសមាជិកភាព នៅក្នុងសហព័ន្ធមួយនេះ។

ដើម្បីជាភស្ដុតាង ដើម្បីចង់ដឹងថា តើមនុស្សគ្រប់គ្នា អាចជាវបានដែរឬទេ? ទស្សនាវដ្ដីសូមបង្ហាញរូបភាព នៃការចុះឈ្មោះមួយ ជាវសមាជិកភាពនៅក្នុងសហព័ន្ធ «FFGOLF» ដោយប្រើឈ្មោះលោក ហ៊ុន សែន យកទៅដាក់ ដូចខាងក្រោម៖



លំអិតបន្ថែមទៀត

កម្ពុជា

ក្រុងភ្នំពេញ​រំលឹក​ខួប​ទី៤០ នៃ​ថ្ងៃ៧មករា ដោយ​សរសេរ​បដា​ផ្ទៃ​ពណ៌ក្រហម

បដាផ្ទៃពណ៌ក្រហម ដែលត្រូវបានគេគិតថា ជាពណ៌តំណាងឲ្យឈាម និងលទ្ធិកុម្មុយនីស្ដិ៍ បានពន្លេចខ្លួនមកវិញ នៅក្នុងឱកាសនៃការប្រារព្ធ ពិធីរំលឹកខួបលើកទី៤០ នៃថ្ងៃ៧មករា ឆ្នាំ១៩៧៩-២០១៩ ក្នុងថ្ងៃនេះ នាពហុកីឡដ្ឋានជាតិអូឡាំពិក កណ្ដាលរាជធានីភ្នំពេញ។ សាក្សីរស់ជាច្រើន ...
កម្ពុជា

ហ៊ុន សែន រិះគន់​ទីភ្នាក់ងារ​ព័ត៌មាន​រដ្ឋ «AKP» ថាចេញផ្សាយ​ព័ត៌មាន​យឺត

លោកនាយករដ្ឋមន្ត្រី ហ៊ុន សែន បានរិះគន់ទីភ្នាក់ងារព័ត៌មានរដ្ឋ ដែលហៅថា ទីភ្នាក់ងារសារព័ត៌មានកម្ពុជា (ជាអក្សរកាត់ AKP) ថាចេញផ្សាយ​ព័ត៌មាន​យឺត ជាទីបំផុត ដែលខុសគ្នាឆ្ងាយ ពីសារព័ត៌មានឯកជនដទៃទៀត។ មេដឹកនាំរបបក្រុងភ្នំពេញ ...
កម្ពុជា

ហ៊ុន សែន ថា សម រង្ស៊ី ជាមនុស្សដ៏អន់​បំផុត ដែល​គ្រប់គ្រង​ក្រុមខ្លួន​​មិនបាន

«បើអ្នកឯងទុកឲ្យគេបំបែកបានដូច្នេះ អ្នកឯងមិនស័ក្ដិសមធ្វើជាមេដឹកនាំទេ» នេះ ជាសារនយោបាយរបស់លោក ហ៊ុន សែន ដែលថ្លែងសំដៅទៅលោក សម រង្ស៊ី គូបដិបក្ខនយោបាយ ដ៏ស្រួចស្រាវរបស់លោក ជុំវិញការលើកឡើងថា យុទ្ធនាការចុងក្រោយ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...
កម្ពុជា

ហ៊ុន ណេង បងប្រុស ហ៊ុន សែន ទទួលមរណភាព​ដោយ​«គាំងបេះដូង»

បងប្រុសបង្កើត របស់លោកនាយករដ្ឋមន្ត្រី ហ៊ុន សែន គឺលោក ហ៊ុន ណេង បានទទួលមរណភាពហើយ កាលពីល្ងាច​ថ្ងៃព្រហស្បតិ៍ ទី៥ ខែឧសភា ឆ្នាំ២០២២នេះ ដោយអាការៈ«គាំងបេះដូង»។ ...