កម្ពុជាដំណឹង

បក្ស​ប្រជាធិបតេយ្យ​មូលដ្ឋាន​ចំអកឲ្យ សម រង្ស៊ី ថា​«ភូតច្រើន ច្រើនចាញ់អាត្មា»

គណបក្សមួយដែលចូលប្រឡូក ក្នុងការបោះឆ្នោតជាតិបានម្ដង បានយកពាក្យសំដីរបស់លោក សម រង្ស៊ី មកចំអកឲ្យមេដឹកនាំប្រឆាំងវិញថា «ភូតច្រើន ច្រើនចាញ់អាត្មា»។ គណបក្សប្រជាធិបតេយ្យមូលដ្ឋាន បានលើកឡើងដូច្នេះ តាមបណ្ដាញសង្គម កាលពីប៉ុន្មាននាទីមុន ដោយអមមកជាមួយ នូវរូបថតលោក សម រង្ស៊ី និងសំណេររបស់លោកមួយមកបញ្ជាក់ផង។

គណបក្សនេះបានស្រង់ការលើកឡើងរបស់មេដឹកនាំប្រឆាំង មកសរសេរខ្លីៗថា៖

«ឆ្នាំ២០១៨៖ “ដេកផ្ទះឈ្នះឯង”
ឆ្នាំ២០១៩៖ “ចូលស្រុកវិញដើម្បីចាប់ ហ៊ុន សែន”
ឆ្នាំ២០២០ …?»

ពាក្យមួយឃ្លា «ដេកផ្ទះឈ្នះឯង» ត្រូវបានចាត់ទុកថា ជាពាក្យរបស់លោក សម រង្ស៊ី ដែលគេឧស្សាហ៍ឃើញលោកលើកឡើង នៅក្នុងយុទ្ធនាការ«ម្រាមដៃស្អាត» ដើម្បីអំពាវនាវឲ្យពលរដ្ឋកុំចេញទៅបោះឆ្នោតជាតិ ខែកក្កដា ឆ្នាំកន្លងទៅ។ ក្នុងការបោះឆ្នោតនោះ គណបក្សប្រជាធិបតេយ្យមូលដ្ឋាន ដែលចូលរួមប្រកួតប្រជែងដែរ មិនទទួលបានមួយអសនៈណាទេ។

រីឯឃ្លា «ចូលស្រុកវិញ ដើម្បីចាប់ ហ៊ុន សែន» ទើបនឹងត្រូវបានលោក សម រង្ស៊ី ប្រើប្រាស់នៅក្នុងជំនួបជាមួយអ្នកគាំទ្រ កាលពីប៉ុន្មានថ្ងៃមុន។ ពាក្យនេះ ក៏ត្រូវបានមេដឹកនាំប្រឆាំងចម្លងយកមកបង្ហោះ នៅលើទំព័រហ្វេសប៊ុករបស់លោកដែរ។

សម្រាប់គណបក្សប្រជាធិបតេយ្យមូលដ្ឋាន ឃ្លាទាំងអស់ខាងលើ ជាជំនាញរបស់លោក សម រង្ស៊ី ក្នុងការធ្វើឲ្យមហាជនចាប់អារម្មណ៍ និងជឿជាក់។ គណបក្សថ្មីមួយនេះបានរិះគន់និងចំអក ឲ្យមេដឹកនាំប្រឆាំងដូច្នេះថា៖

«គាត់ពូកែធ្វើឲ្យមហាជនចាប់អារម្មណ៍ និងជឿលើគាត់។ សុភាសិតបុរាណខ្មែរពោលថា “ភូតច្រើន ច្រើនចាញ់អាត្មា”។»

ការរិះគន់ និងចំអកខាងលើ មិនទទួលបានការស្វាគមន៍ប៉ុន្មាន ពីបណ្ដាអ្នកប្រើប្រាស់បណ្ដាញសង្គមទេ។ ខាងក្រោមនេះ ជាការដកស្រង់នូវប្រតិកម្មមួយចំនួន៖



លំអិតបន្ថែមទៀត

កម្ពុជា

សម រង្ស៊ី ថា​ពានរង្វាន់​ទទួលបាន​ពីកូរ៉េ មាន​ចំណែក​របស់ កឹម សុខា

មេដឹកនាំប្រឆាំង លោក សម រង្ស៊ី បានថ្លែងឧទ្ទិសពានរង្វាន់ជើងឯកប្រជាធិបតេយ្យ ជូនទៅបណ្ដាជនទាំងឡាយ ដែលបានរួមចំណែកតស៊ូ និងធ្វើពលិកម្ម ដើម្បីលទ្ធិប្រជាធិបតេយ្យ។ ជាពិសេស មេដឹកនាំប្រឆាំងបានបញ្ជាក់ថា ពានរង្វាន់នេះក៏មានចំណែក នៃពលិកម្មរបស់លោក ...
កម្ពុជា

៥ចំណុច​ដែល​មេធាវី ជូង ជូងី ដាក់​ឲ្យ​«អ្នក​ឱប​លក្ខន្តិកៈ»

«អ្នក​ឱប​លក្ខន្តិកៈ» ៖ ការខ្វែងគំនិតគ្នា រវាងក្រុមស្និតលោក កឹម សុខា និងក្រុមស្និតលោក សម រង្ស៊ី បានបង្ក​ឲ្យមាន​សង្គ្រាមប៉ាកកាមិនតិចទេ នៅក្នុងប៉ុន្មានថ្ងៃចុងក្រោយនេះ។ ម្នាក់ៗ ខិតខំស្វែងរកអំណះអំណាង ...
កម្ពុជា

ហ៊ុន សែន បញ្ជាតាម​សារបែកធ្លាយ​ឲ្យ«សម្លាប់ក្រុមប្រឆាំង»​ក្នុងស្រុក​ឲ្យអស់

មេដឹកនាំដ៏មានអំណាច របស់កម្ពុជា លោក ហ៊ុន សែន បានបញ្ជាទៅមនុស្សក្រោមបង្គាប់​លោក ឲ្យ«សម្លាប់ក្រុមប្រឆាំង» នៅក្នុងប្រទេសឲ្យអស់ ដោយលោកបានបញ្ជាក់ថា ការព្យួរប្រព័ន្ធអនុគ្រោះពន្ធ ពីសំណាក់សហភាពអ៊ឺរ៉ុប គឺជា«ឱកាស»​សម្រាប់​​របបដឹកនាំ​របស់លោក  ក្នុងការ«លត់​ពួកអានៅ​ខាងក្នុង»​ដូច្នេះ​ហើយ។ ...

យល់ស៊ីជម្រៅផ្នែក កម្ពុជា

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.