ជនពិការ ក៏ជាពលរដ្ឋម្នាក់ដែរ។ ដូច្នេះ «មិនគួរទុក នរណាម្នាក់ចោលឡើយ»។ នេះ ជាការលើកឡើងរបស់ ការិយាល័យឧត្តមស្នងការ អ.ស.ប ទទួលបន្ទុកសិទ្ធិមនុស្ស (OHCHR) ប្រចាំនៅប្រទេសកម្ពុជា ក្នុងខណៈរដ្ឋាភិបាលកម្ពុជា បានដាក់ចេញពីបន្តបន្ទាប់ នូវវិធានការនានា ដើម្បីបង្ការ និងទប់ស្កាត់ ជំងឺ«Covid-19»។
នៅក្នុងការផ្សាយព័ត៌មាន ប្រចាំថ្ងៃរបស់ខ្លួន ការិយាល័យជំនាញមួយនេះ បានស្រង់សំដីរបស់អ្នកស្រី «Catalina Devandas» អ្នករាយការណ៍ពិសេស របស់អង្គការសហប្រជាជាតិស្តីពីសិទ្ធិជនមានពិការភាព មករាយការណ៍ថា៖
«វិធានការបង្ការ ការឆ្លងមេរោគ ដូចជាការរក្សាគម្លាតពីគ្នា និងការនៅដាច់ដោយឡែក អាចនឹងជាបញ្ហាប្រឈម សម្រាប់អ្នកដែលពឹងផ្អែក លើការជួយ ពីអ្នកដទៃ ក្នុងការទទួលទាន ការស្លៀកពាក់ និងការងូតទឹក ជាដើម។»
ការផ្សាយព័ត៌មាននោះ បានសរសេរឲ្យដឹងទៀតថា ការឆ្លើយតបទាំងឡាយ របស់រដ្ឋាភិបាល ចំពោះជំងឺ«Covid-19» គួរតែផ្តោតការយកចិត្តទុកដាក់ ជាពិសេស លើតម្រូវការចាំបាច់ របស់ជនមានពិការភាព។
ការិយាល័យសិទ្ធិមនុស្ស របស់ស្ថាប័នពិភពលោក ដ៏កំពូល បានបញ្ជាក់ថា៖
«ការផ្សព្វផ្សាយព័ត៌មាន អំពីរបៀបបង្ការ និងទប់ស្កាត់មេរោគកូរូណា គួរតែធ្វើឡើង ក្នុងទម្រង់ផ្សេងៗ ដែលជនគ្រប់រូប អាចទទួលព័ត៌មាននោះបាន ហើយគួរតែកែសម្រួលយ៉ាងណា ដើម្បីឲ្យជនមានពិការភាព អាចទទួលព័ត៌មាននោះ បានផងដែរ៕»
(English version below) – COVID-19 AND THE RIGHTS OF PERSONS WITH DISABILITIES “វិធានការបង្ការការឆ្លងមេរោគ ដូចជា…
Posted by United Nations Human Rights in Cambodia on Wednesday, April 8, 2020
