យុវជនខ្មែរម្នាក់​បាន​ស្លាប់​ នៅក្នុង​​មណ្ឌល​ចត្តាឡីស័​ក​​មួយកន្លែង ស្ថិតក្នុងមណ្ឌល​ស្វាយឃ្លាំង ស្ថិត​ក្នុង​​ស្រុក​ក្រូចឆ្មារ​ ខេត្ត​ត្បូងឃ្មុំ កាលពី​យប់​ថ្ងៃពុធ ទី២២ ខែកក្កដា​ម្សិលមិញ។ នេះ បើតាម​ការអះអាង របស់លោក កែវ វណ្ណៈ ប្រធាន​មន្ទីរ​សុខាភិបាល​ខេត្ត​ត្បូងឃ្មុំ ដោយ​លើក​ឡើង​បន្ថែមថា មរណភាពនេះ ទំនងជាមកពី«ខ្យល់គរ»។

យុវជនពេញកម្លាំងរូបនោះ អាយុ២១ឆ្នាំ ជាពលករធ្វើដំណើរតាមផ្លូវគោក ត្រឡប់ពី​ប្រទេស​ម៉ាឡេស៊ី ដោយ​ឆ្លងកាត់​តាមប្រទេសថៃ កាលពីថ្ងៃទិ១៥ ខែកក្កដា ឆ្នាំ២០២០ តាមច្រក​ប៉ោយប៉ែត។

ស្រង់សំដីដោយសារព័ត៌មានក្នុងស្រុក លោកប្រធានមន្ទីរបានឲ្យដឹងថា ការ​ស្លាប់​របស់​យុវជនខាងលើ ត្រូវ​បាន​សន្និដ្ឋាន​ជាបឋម​ថា បណ្ដាលមកពី«​ខ្យល់គរ» ព្រោះ​មានអាកា​រ​ត្រជាក់​រាងកាយ សន្លប់​បាត់ស្មារតី មុននឹង​ស្លាប់។

លោក​  កែវ វណ្ណៈ បញ្ជាក់​ថា ក្រោយ​​ទទួលមរណភាព សំណាក​ពី​សព​យុវជន ត្រូវបានយក​ទៅ​​ត្រួតពិនិត្យ​ ដើម្បី​ស្វែងរក​មេរោគ«Covid-19» ​នៅ​ឯវិទ្យាស្ថាន​ប៉ាស្ទ័រ ក្នុង​រាជធានី​ភ្នំពេញ។

ផ្ទុយពីអ្នកដំណើរច្រើនរយនាក់ ដែលក្រសួងសុខាភិបាល អះអាងថា ត្រូវបានដាក់​ឲ្យធ្វើ​ចត្តាឡីស័ក បន្ទាប់ពី​ពួកគេ​ជាន់ជើង លើទឹកដីខ្មែរនោះ យុវជនខាងលើនេះ មិនត្រូវ​បាន​​ក្រុម​អាជ្ញាធរសុខាភិបាល ដាក់ឲ្យធ្វើ​ចត្តាឡីស័កទេ។

លោក កែវ វណ្ណៈ បានបញ្ជាក់ទៀតថា នៅថ្ងៃទី១៩ ខែកក្កដា បន្ទាប់ពីបានធ្វើតេស្ដិ៍ ចេញ​លទ្ធផលអវិជ្ជមាន យុវជន​ត្រូវបានអនុញ្ញាត ឲ្យធ្វើដំណើរ​ទៅកាន់​ស្រុក​កំណើត ក្នុងខេត្ត​ត្បូងឃ្មុំ។ តែយុវជន​បាន«ស្ម័គ្រចិត្ត» ចូលស្នាក់នៅ​ដាច់​ដោយឡែក រយៈពេល​១៤ថ្ងៃ (រាប់ពី​ថ្ងៃ​ទី១៩ ខែកក្កដា) ក្នុងមណ្ឌលធ្វើចត្តាឡីស័ក អនុវិទ្យាល័យ​«ស្វាយឃ្លាំង» រហូតធ្វើ​មរណភាព នៅថ្ងៃពុធម្សិលម៉ិញ។

ក្នុងព្រឹកថ្ងៃទី២៣ ខែកក្កដានេះ ក្រសួងសុខាភិបាលកម្ពុជា បានបញ្ចេញតួលេខផ្លូវការ ឲ្យដឹងថា កម្ពុជាមានអ្នក​ឆ្លងជំងឺ «Covid-19» សរុបចំនួន១៩៨នាក់ ក្នុងនោះអ្នកជំងឺ ដែលបាន ជាសះស្បើយរួចហើយ មានចំនួន​១៤២នាក់៕



លំអិតបន្ថែមទៀត

កម្រមាន

Covid-19៖ តម្រូវ​ឲ្យ​សំងំ​ក្នុង​ផ្ទះ និស្សិត​ស្រី​អ៊ីតាលី​ម្នាក់​ត្រូវ​សង្សា​ខ្លួន​សម្លាប់

និស្សិតស្រីមួយរូប ត្រូវបានសង្សារបស់នាង ច្របាច់កសម្លាប់ កាលពីថ្ងៃអង្គារ នៅលើកោះ «Sicile» ភាគខាងត្បូងនៃប្រទេសអ៊ីតាលី ខណៈពលរដ្ឋទូទាំងប្រទេស ជាប់បម្រាមរបស់រដ្ឋាភិបាល ដែល តម្រូវ​ឲ្យ​សំងំ​ក្នុង​ផ្ទះ ដើម្បីទប់ទល់​នឹងការរាលដាល នៃជំង«Covid-19»។ ...
កីឡា និងបច្ចេកវិទ្យា

ណីម៉ា ចំអកឲ្យព័ត៌មាន ដែលថា​ខ្លួនជប់លៀង​សម្រាប់ភ្ញៀវ​៥០០នាក់

កំពូលតារាបាល់ទាត់ជាតិប្រេស៊ីល របស់ក្រុម ប៉ារីស (Paris Saint-Garmain – បារាំង) កីឡាករ ណីម៉ា (Neymar Jr) បានចំអក​ឲ្យព័ត៌មានចចាមអារាម ដែលថា​ខ្លួនជប់លៀង​សម្រាប់ភ្ញៀវ​៥០០នាក់ ...
ដំណឹង

Covid-19៖ នាវា​យក្ស​ផ្ទុក​យន្ដហោះ​ចម្បាំង​បារាំង មាន​ករណី​ឆ្លង​៥០នាក់

នាវា​យក្ស​ផ្ទុក​យន្ដហោះ​ចម្បាំង​បារាំង ដែលកំពុងធ្វើដំណើរ លើមហាសាគរ អាត្លង់ទិក បានប្រកាសកាលពីថ្ងៃពុធ ថាខ្លួនសម្រេចពន្លឿន ការវិលត្រឡប់មកកាន់ទឹកដីបារាំងវិញ យ៉ាងលឿនតាមតែអាចធ្វើបាន បន្ទាប់ពីរកឃើញ ករណីឆ្លងជំងឺ «Covid-19» នៅលើនាវា។ ក្រសួងកងទ័ព​របស់​ប្រទេស​បារាំង ...

យល់ស៊ីជម្រៅផ្នែក កម្ពុជា

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.