កម្ពុជាដំណឹង

Covid-19៖ កម្ពុជារកឃើញ​អ្នកជំងឺ​ម្នាក់​ទៀត នៅខេត្ត​បន្ទាយមានជ័យ

ប្រទេសកម្ពុជា​ បានបន្ថែមតួលេខអ្នកជំងឺ «Covid-19» ម្នាក់ទៀត ដែលត្រូវបាន​រកឃើញ នៅខេត្ត​បន្ទាយមានជ័យ បន្ទាប់ពីយុវជនអាយុ២៦ឆ្នាំរូបនេះ បានវិលត្រឡប់​ពីប្រទេសថៃ។ នេះ បើតាមសេចក្ដីប្រកាសព័ត៌មាន របស់ក្រសួងសុខាភិបាល ដែលទើប​នឹង​ចេញផ្សាយ កាលពីមុននេះបន្តិច។

ក្រសួងសុខាភិបាល បានឲ្យដឹងថា យុវជនដែលត្រូវបានរកឃើញ ថាផ្ទុកមេរោគ «Covid-19» មានស្រុកកំណើត នៅខេត្តត្បូងឃ្មុំ។ យុវជនរូបនេះ បានរួមដំណើរ ជាមួយ​អ្នកដំណើរ ៩នាក់ផ្សេងទៀត វិលត្រឡប់ពីប្រទេសថៃ។

សេចក្ដីប្រកាសព័ត៌មាន បានបន្តថា នៅពេលយុវជននោះ ចូលដល់​ខេត្ត​បន្ទាយមានជ័យ ក៏ត្រូវបាន​ពិនិត្យ​ឃើញ ថាមានផ្ទុកមេរោគ «Covid-19»។

បច្ចុប្បន្ននេះ យុវជនខាងលើ ដែលមានអាយុ២៦ឆ្នាំ និងអ្នកដំណើរទាំង​៩នាក់ ត្រូវរ​ក្សាទុក ឱ្យនៅដាច់ដោយឡែក (ធ្វើចត្តាឡីស័ក) ក្នុងមន្ទីរពេទ្យខេត្តបន្ទាយមានជ័យ។

ការរកឃើញនេះ បានធ្វើឲ្យតួលេខសុរប នៃអ្នកផ្ទុកជំងឺ «Covid-19» បានកើនឡើង ដល់​១២៥នាក់ បើរាប់ពីការរាតត្បាតដំបូង មកដល់ថ្ងៃទី៣០ ខែឧសភានេះ។​ អាជ្ញាធរ​សុខាភិបាល​កម្ពុជា បានលើកឡើងថា ពីក្នុងចំណោមនោះ អ្នកជំងឺចំនួន ១២៣នាក់ បានជា​​សះស្បើយ​ហើយ៕



លំអិតបន្ថែមទៀត

កម្ពុជា

Covid-19៖ កម្ពុជាមានអ្នកជំងឺ​កើន«ដល់​២២៣៣​ករណី ស្លាប់១០នាក់»

ប្រទេសកម្ពុជា​បន្តរកឃើញ​អ្នកផ្ទុកមេរោគកូវីដ-១៩ (Covid-19) ចំនួន៨៦នាក់ ដែលធ្វើឲ្យចំនួនសរុបកើនឡើង ដល់​២២៣៣​ករណី នៅថ្ងៃទី២៨ ខែមីនា ឆ្នាំ២០២១នេះ។ រីឯអ្នកជំងឺដែលទទួលមរណភាព ដោយសារជំងឺនេះ ត្រូវបានប្រកាសតួលេខជាផ្លូវការ មានចំនួន១០នាក់ រាប់មកដល់ម៉ោងនេះ។ ...
ដំណឹង

គីម ជុងអ៊ុន ផ្ញើរសារសំដី​អបអរ​ប្រធានាធិបតី​ចិន អំពី«Covid-19»

មេដឹកនាំវ័យក្មេង របស់ប្រទេសកូរ៉េកុម្មុយនីស្ដិ៍ លោក គីម ជុងអ៊ុន (Kim Jong-un) បានផ្ញើរសារជាពាក្យសំដី ទៅកាន់ប្រធានាធិបតីចិន លោក ស៊ី ជិនពីង (Xi ...
កម្ពុជា

Covid-19៖ កម្ពុជាប្រកាស​រកឃើញ​២ករណី តួលេខសរុប ២៩៧ករណី

បុរសខ្មែរពីរនាក់ ដែលធ្វើដំណើរពីប្រទេសជប៉ុន ត្រូវបានធ្វើតេស្ដិ៍ រកឃើញវិជ្ជមាន​កូវីដ-១៩ (Covid-19)។ ការរកឃើញចុងក្រោយ ធ្វើឲ្យ តួលេខសរុប នៃអ្នកជំងឺនៅក្នុងព្រះរាជាណាចក្រ កើនឡើងដល់២៩៧ករណី។  សេចក្តីប្រកាសព័ត៌មាន របស់ក្រសួងសុខាភិបាល ដែលចេញផ្សាយ ...

យល់ស៊ីជម្រៅផ្នែក កម្ពុជា

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.