កម្ពុជាដំណឹង

Covid-19៖ កម្ពុជាប្រកាស​រកឃើញ​២ករណី តួលេខសរុប ២៩៧ករណី

បុរសខ្មែរពីរនាក់ ដែលធ្វើដំណើរពីប្រទេសជប៉ុន ត្រូវបានធ្វើតេស្ដិ៍ រកឃើញវិជ្ជមាន​កូវីដ-១៩ (Covid-19)។ ការរកឃើញចុងក្រោយ ធ្វើឲ្យ តួលេខសរុប នៃអ្នកជំងឺនៅក្នុងព្រះរាជាណាចក្រ កើនឡើងដល់២៩៧ករណី។ 

សេចក្តីប្រកាសព័ត៌មាន របស់ក្រសួងសុខាភិបាល ដែលចេញផ្សាយ នៅព្រឹកថ្ងៃទី០៩ ខែវិច្ឆិកា ឆ្នាំ២០២០នេះ បានបញ្ជាក់ថា បុរសទាំង០២នាក់នោះ គឺម្នាក់អាយុ ២៥ឆ្នាំ ស្នាក់នៅ ភូមិរាំងដេក ឃុំគគីរធំ ស្រុកកៀនស្វាយ ខេត្តកណ្ដាល និងម្នាក់ទៀតអាយុ ៣៨ឆ្នាំ ស្នាក់នៅភូមិរាំងដេក ឃុំរកាក្រៅ ក្រុងដូនកែវ ខេត្តតាកែវ។

បុរសទាំងពីរ បានធ្វើដំណើរមកពីប្រទេសជប៉ុន ដោយបន្តជើងហោះហើរ នៅប្រទេស​កូរ៉េខាងត្បូង មុននឹងមកដល់កម្ពុជា នៅថ្ងៃទី២៦ ខែតុលា ឆ្នាំ២០២០។

ការធ្វើតេស្តលើកទី២ នៅថ្ងៃទី១៣ នៃរយៈពេលសរុប (១៤ថ្ងៃ) ក្នុងការធ្វើចត្តាឡីស័ក បានផ្ដល់លទ្ធផលវិជ្ជមានវីរុសកូវីដ-១៩។ បច្ចុប្បន្ន អ្នកជំងឺទាំងពីរនាក់ ត្រូវបានដាក់​ឱ្យសម្រាកព្យាបាល នៅមន្ទីរពេទ្យមិត្តភាពខ្មែរ-សូវៀត។

រួមជើងយន្ដហោះជាមួយគ្នា បុរសខ្មែរពីរនាក់ផ្សេង ក៏ត្រូវបានធ្វើតេស្ដិ៍ភ្លាមៗ ចេញ​លទ្ធផលវិជ្ជមានវីរុសកូវីដ-១៩ដែរ។ បុរសទាំងពីរនាក់មុននេះ បានចូលសម្រាក​ព្យាបាល នៅមន្ទីរពេទ្យមិត្តភាពខ្មែរ-សូវៀត ហើយមានបុរសម្នាក់​បានជាសះស្បើយរួចហើយ។

ដោយឡែក អ្នករួមដំណើរ​ចំនួន៣៥នាក់ទៀត ដែលមានលទ្ធផល​អវិជ្ជមានវីរុសកូវីដ-១៩ ត្រូវបានដាក់ឱ្យធ្វើចត្តាឡីស័ក នៅតាមសណ្ឋាគារចំនួន ០២កន្លែង ក្នុងរាជធានីភ្នំពេញ (ចំនួន ២៨នាក់) និងនៅវិទ្យាល័យពោចិនតុង ចំនួន០៧នាក់។

ក្រសួងសុខាភិបាល បញ្ជាក់ទៀតថា អ្នកដំណើរដែលស្នាក់នៅវិទ្យាល័យពោចិនតុង ចំនួន ០៧នាក់ ដែលមានហានិភ័យ ក្នុងការចម្លងបន្ត ពីអ្នកជំងឺថ្មី ទាំងពីរនាក់ខាងលើ តម្រូវឱ្យនៅបន្តធ្វើចត្តាឡីស័ក ចំនួន១៤ ថ្ងៃបន្ថែមទៀត ដើម្បីតាមដាន​សុខភាព​ជាបន្ត។

មកដល់ថ្ងៃទី០៩ ខែវិច្ឆិកា ឆ្នាំ២០២០នេះ ប្រទេសកម្ពុជា បានអះអាងរកឃើញ​អ្នកមាន​វីរុសកូវីដ-១៩ មានចំនួនសរុប២៩៧នាក់ (ស្ត្រី ៦០នាក់ និងបុរស ២៣៧នាក់) ក្នុងនោះ​អ្នកជំងឺ ដែលទទួលការព្យាបាល បានជាសះស្បើយ មានចំនួនសរុប ២៨៨នាក់ នៅទូទាំង​ប្រទេស ខណៈអ្នកជំងឺកំពុងបន្ត​សម្រាកព្យាបាល នៅមន្ទីរពេទ្យមិត្តភាព ខ្មែរ-សូវៀត (ភ្នំពេញ) មានចំនួន ០៩នាក់ (ស្រី ០២នាក់ និងបុរស ០៧នាក់)៕



លំអិតបន្ថែមទៀត

កម្ពុជា

COVID-19 ៖ ករណីឆ្លង​នៅ​កម្ពុជា កើនឡើង​ដល់ ៩៦នាក់

មកដល់យប់នេះ ករណីឆ្លងជំងឺ «Covid-19» នៅក្នុងប្រទេសកម្ពុជា បានកើនឡើងដល់ចំនួន ៩៦នាក់ បន្ទាប់ពីបានរកឃើញថា មានជនជាតិបារាំងពីរនាក់ និងជនជាតិខ្មែរបីនាក់ បានឆ្លងមេរោគនេះ បន្ថែមពីលើតួលេខពីម្សិលម៉ិញ ដែលមាន៩១នាក់។ សេចក្ដីប្រកាសព័ត៌មាន ...
ដំណឹង

Covid-19 ៖ ឥណ្ឌាដាក់បម្រាមឲ្យពលរដ្ឋជាង៧០០លាននាក់ នៅក្នុងផ្ទះ

យ៉ាងហោច ប្រជាជនឥណ្ឌាជាង៧០០លាននាក់ ត្រូវបង្ខំចិត្ត ឲ្យ«នៅក្នុងផ្ទះ»  ចាប់ពីថ្ងៃចន្ទ ទី២៣ ខែមីនា ឆ្នាំ២០២០នេះតទៅ ក្រោមវិធានការរបស់រដ្ឋាភិបាល ក្នុងការប្រយុទ្ធប្រឆាំង នឹងការរាតត្បាតនៃមេរោគ«កូរូណា» ឬ«Covid-19»។ មន្ត្រីជាន់ខ្ពស់មួយរូប ...
កម្ពុជា

អង្គការ​លើកលែង​ទោស​ទម្លាយ​រូបភាព​ដ៏កម្រ នៃពន្ធនាគារ​«អន្សម»​កម្ពុជា

រូបភាពដ៏កម្រ នៃពន្ធនាគារ«អន្សម»មួយ នៅកម្ពុជា ត្រូវបានអង្គការលើកលែងទោសអន្តរជាតិ (Amnesty International) យកមកបង្ហោះ នៅពាសពេញបណ្ដាញសង្គម កាលពីម្សិលម៉ិញ។ រូបភាពវីដេអូ ប្រមាណជា១៥វិនាទីនោះ ត្រូវបានថតចេញ ពីពន្ធនាគារមួយកន្លែង ...

យល់ស៊ីជម្រៅផ្នែក កម្ពុជា

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.