មន្ត្រីគណបក្សសង្គ្រោះជាតិ ហៅការលើកពេល នៃការធ្វើមាតុភូមិនិវត្តន៍​របស់ក្រុមខ្លួន ថាជា​បញ្ហាបច្ចេកទេស«សុទ្ធសាធ»។ លោក ហូ វ៉ាន់ មន្ត្រីជាន់ខ្ពស់របស់គណបក្សប្រឆាំង បានអះអាងដូច្នេះ ខណៈអ្នកស្រី មូរ សុខហួរ អនុប្រធានគណបក្ស បានអះអាង នៅថ្ងៃទី២ ខែមករាថា អ្នកស្រីបាន​លើកពេលវិលចូលកម្ពុជា ពីថ្ងៃទី៤ ខែមករា ទៅថ្ងៃទី១៧ ខែមករា ឆ្នាំ២០២១វិញ។

សេចក្ដីប្រកាសព័ត៌មាន ចុះថ្ងៃទី២ ខែមករា ឆ្នាំ២០២១ របស់គណបក្សប្រឆាំង ដែលត្រូវរបបក្រុងភ្នំពេញ​រំលាយចោល កាលពីចុងឆ្នាំ​២០១៧ បានបញ្ជាក់មូលហេតុថា ការលើកពេលធ្វើមាតុភូមិនិវត្តន៍ ដោយហេតុថា ក្រុមហ៊ុន«Eva Airways» របស់កោះតៃវ៉ាន់ បានផ្អាក​ការហោះហើរ ទៅកាន់ប្រទេសកម្ពុជា។

គណបក្សនេះបញ្ជាក់ទៀតថា ដំណើររបស់អ្នកស្រី មូរ សុខហួរ និងមន្ត្រីផ្សេងទៀត ត្រូវបានលើកពេល ដោយចាកចេញ​​ពីសហរដ្ឋអាមេរិក នៅថ្ងៃទី១៥ ខែមករា ហើយនឹងមកដល់កម្ពុជា នៅថ្ងៃទី១៧ ខែមករា ឆ្នាំ២០២១ តាមរយៈជើងយន្ដហោះ របស់ក្រុមហ៊ុន «Singapor Airlines»។

នៅលើបណ្ដាញសង្គម ប្រតិកម្មបានផ្ទុះឡើងព្រោងព្រាត ចំពោះការលើកពេលដំណើរវិលចូលកម្ពុជា ជាថ្មីទៀត បន្ទាប់ពីការខកខាន​លើកមុន របស់ដំណើរមាតុភូមិនិវត្តន៍ របស់លោក សម រង្ស៊ី ប្រធានស្ដីទីគណបក្ស។ ប្រតិកម្មដ៏ចម្រុះ បានបង្ហាញពី​ការខកចិត្ត សម្រាប់​ក្រុមអ្នកគាំទ្រ ដែលរង់ចាំមេដឹកនាំខ្លួន យ៉ាងអន្ទះសារ និងការពេបជ្រាយ ពីសំណាក់​អ្នកដទៃទៀត។

ជាពិសេស ក្រុមអ្នករិះគន់មួយភាគ ដែលចេញពីគណបក្សប្រឆាំងខ្លួនឯង បានបង្ហាញពីក្ដីមន្ទិល ចំពោះភាពក្លាហាន និងយុទ្ធសាស្ត្រ​នយោបាយ របស់មេដឹកនាំប្រឆាំងទាំងនេះ ដែលចេះតែខកខាន មិនធ្វើឲ្យចេញជារូបរាង នូវរាល់សេចក្ដីសម្រេចរបស់ខ្លួន។

តែលោក ហូ វ៉ាន់ បានចេញមុខមកបញ្ជាក់ ការពារការលើកពេលនេះ ថាជា​បញ្ហាបច្ចេកទេស«សុទ្ធសាធ» និងថាការផ្លាស់ប្ដូរ បណ្ដាលមក​ពីករណី​«ប្រធានសក្ដិ»​របស់ប្រទេសតៃវ៉ាន់។ មន្ត្រីជាន់ខ្ពស់ របស់គណបក្សប្រឆាំង បានសរសេរឲ្យដឹង នៅលើបណ្ដាញសង្គមថា៖

«(…) ការប្ដូរកាលបរិច្ឆេទ បណ្ដាលមកពីករណីប្រធានសក្ដិ បំរាមដោយប្រទេសតៃវ៉ាន់ គឺជាបញ្ហា​បច្ចេកទេស​សុទ្ធសាធ។ គាត់ [អ្នកស្រី មូរ សុខហួរ] នឹងអញ្ជេីញទៅ​ស្រុកខ្មែរ នៅថ្ងៃទី១៥មករា ២០២១ ហេីយគណប្រតិភូ (…) នឹងទៅដល់ព្រលាន​យន្តហោះភ្នំពេញ ថ្ងៃទី១៧មករា ម៉ោង៥ៈ៣០នាទីល្ងាច បេីក្រុមហ៊ុនយន្តហោះសិង្ហបូរី មិនប្រែប្រួល ព្រោះគណៈប្រតិភូ​​ទិញសំបុត្រ​យន្តហោះជាថ្មី រួចស្រេចហេីយ។»

បើតាមសំណេររបស់លោក ហូ វ៉ាន់ ខាងលើ ធ្វើឲ្យអ្នកផងគិតថា ថ្ងៃទី១៧ ខែមករា ឆ្នាំ២០២១ខាងមុខ ដែលអ្នកស្រី មូរ សុខហួរ និងក្រុម​មន្ត្រីប្រឆាំង កំណត់ជាន់ជើង​លើទឹកដីកម្ពុជា ក៏នៅតែជាថ្ងៃ​មិនច្បាស់លាស់ដដែល ក្រោមមូលហេតុ «បើក្រុមហ៊ុន​យន្ដហោះ​សិង្ហបូរី មិនប្រែប្រួល»៕



លំអិតបន្ថែមទៀត

កម្ពុជា

អ្នកវិភាគថា ហ៊ុន សែន អួត​ពីអភិក្រម​ទី៥ តែមិន​ទម្លាយ​ពី​«អភិ​ក្រម​ទី៦»

នៅចំពោះការលើកឡើងច្រំដែលៗ ពីសំណាក់លោក ហ៊ុន សែន ខ្លួនលោកផង ពីសំណាក់អ្នកគាំទ្រ​ផង ជុំវិញ«អភិក្រមទី៥ ស្ដីពីការវះកាត់» ដែលដាក់ចេញ​ដោយនាយករដ្ឋមន្ត្រីបីទសវត្សន៍ជាង របស់កម្ពុជានោះ លោក គឹម សុខ ...
កម្ពុជា

ទំព័រ​ហ្វេសប៊ុក កឹម សុខា សរសេរ​ក្នុង​នាម​លោក​ជាលើក​ដំបូង

រាប់ចាប់តាំងពីថ្ងៃទី៣ ខែកញ្ញា ឆ្នាំ២០១៧ ដែលលោកត្រូវបានចាប់ខ្លួន រហូតមកដល់ថ្ងៃនេះ គេលែងបានឃើញ​«ទំព័រ​ហ្វេសប៊ុក»របស់លោក កឹម សុខា ប្រធានគណបក្សសង្គ្រោះជាតិ សរសេរបង្ហោះ ក្នុងនាមលោកទៀតហើយ។ កូនស្រីរបស់លោក គឺកញ្ញា ...
កម្ពុជា

សម រង្ស៊ី បន្តប្រាប់ ហ៊ុន សែន កុំដើររករឿងគេឯង«ទាំងងងើល»

ភាគបន្ត នៃសង្គ្រាមពាក្យសំដី ហ៊ុន សែន-សម រង្ស៊ី អាចនឹងរកទីបញ្ចប់គ្មាន។ ក្នុងយប់ថ្ងៃពុធ ទី១៦ ខែមករា ឆ្នាំ២០១៩នេះ មេដឹកនាំប្រឆាំងបានបន្តលើកឡើង ដោយប្រើពាក្យខ្លាំងៗថា លោកនាយករដ្ឋមន្ត្រី ហ៊ុន ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ដាក់កម្ពុជា​ឲ្យកាន់ទុក្ខ​មួយថ្ងៃ ចំពោះសព ស៊ីនហ្សូ អាបេ

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

បងប្អូនត្រកូល«ជួប» ៖ បន្ទាប់ពីបានបង្ហោះទ្រនាប់ជើងមួយចំហៀង សំដៅលោកនាយករដ្ឋមន្ត្រី ហ៊ុន សែន រួច បុរសម្ចាស់ទ្រនាប់ជើង ដែលមានឈ្មោះ អ៊ុក ទូច បានចេញមុខនៅថ្ងៃព្រហស្បត្តិ៍នេះ ប្រកាសរហស្សនាមខ្លួនថា ...
កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...