កម្ពុជាដំណឹង

អ្នកវិនិយោគចិន រងការព្រមានដោយចំហរនិងធ្ងន់ៗពី សម រង្ស៊ី

មេដឹកនាំប្រឆាំង លោក សម រង្ស៊ី បានចេញសារខ្លាំងៗមួយ នៅព្រឹកថ្ងៃចន្ទទី១១ ខែកុម្ភៈ ឆ្នាំ២០១៩នេះ ព្រមានក្រុម«អ្នកវិនិយោគចិន និងជនជាតិចិន» ថាព្រឹត្តិការណ៍នយោបាយថ្មី អាចនឹងផ្ទុះឡើងប្រឆាំងពួកគេ ពីសំណាក់ប្រជាជនកម្ពុជា ប្រសិនជាពួកគេទាំងនោះ នៅតែ«ព្រហើន» និង«បំពាន»មកលើខ្មែរម្ចាស់ស្រុក។

នៅលើបណ្ដាញសង្គម លោក សម រង្ស៊ី បានអះអាងប្រាប់ក្រុមអ្នកវិនិយោគ និងជនជាតិចិន ដែលកំពុងរស់នៅក្នុងប្រទេសកម្ពុជា ថាស្ថានការណ៍នយោបាយ «នឹងកាន់តែតានតឹងឡើងៗ» ហើយ «ព្រឹត្តិការណ៍ថ្មីដ៏សំខាន់ អាចកើតមានឡើងគ្រប់ពេលវេលា ក្នុងឆ្នាំ ២០១៩ នេះ»។

លោក សម រង្ស៊ី ដែលអះអាងនឹងវិលចូលកម្ពុជាវិញ ក្នុងឆ្នាំ២០១៩នេះ បានបញ្ជាក់ពីមូលហេតុ នៃការលើកឡើងខាងលើថា៖

«ដោយសារតែប្រជារាស្ត្រខ្មែរ មានបំណងចង់ប្តូររបប ហ៊ុន សែន ចេញ។»

មេដឹកនាំប្រឆាំង ដែលកំពុងរស់នៅនិរទេសខ្លួន នៅក្រៅប្រទេសបានបន្តថា ផលប្រយោជន៍របស់បណ្ដាជនចិនទាំងនោះ តម្រូវឲ្យពួកគេត្រូវពិនិត្យឡើងវិញ នូវរាល់សកម្មភាព និងគម្រោងទាំងឡាយ ហើយដោះស្រាយបញ្ហាទាំងឡាយ ដែលបណ្ដាជនចិនទាំងនេះ បានបង្កឲ្យពលរដ្ឋខ្មែរជាអ្នករងគ្រោះ។ លោកបន្តថា៖

«ពួកគេត្រូវតែប្រគល់សងឲ្យម្ចាស់ដើមវិញ នូវដីធ្លី ដែលពួកគេបានឃុបឃិតជាមួយអាជ្ញាធរផ្តាច់ការ និងពុករលួយ នៅពេលមករឹបអូសដីធ្លីទាំងនោះ ពីពលរដ្ឋខ្មែរ។ ពួកគេត្រូវតែបិទបនល្បែងស៊ីសង (កាស៊ីណូ) ដែលពួកគេបានបើកព្រោងព្រាត នៅស្រុកយើង ហើយពួកគេត្រូវតែយកចេញពីស្រុកខ្មែរ នូវក្រុមចោរម៉ាហ្វៀរ (Mafia) និងបនជនពាលកាប់ចាក់ ដែលពួកគេបាននាំមកជាមួយ “[ការ]វិនិយោគ” និងសកម្មភាពផ្សេងៗ របស់ពួកគេ។»

ប្រធានស្ដីទីគណបក្សសង្គ្រោះជាតិ បានប្រើពាក្យខ្លាំងៗ ព្រមានបណ្ដា«អ្នកវិនិយោគចិន» ដូច្នេះថា៖

«ជនជាតិចិនទាំងនោះ ត្រូវដឹងថា ពួកគេបានធ្វើឲ្យប្រជាពលរដ្ឋខ្មែរទាំងមូល មានការក្តៅក្រហាយចំពោះពួកគេ។ ដូច្នេះ ជាការប្រុងប្រយ័ត្នដ៏ត្រឹមត្រូវ បើពួកគេឈប់បំពានមកលើជនជាតិខ្មែរ ឈប់ព្រហើន ហើយចេះសម្តែងការគោរពខ្លះ ចំពោះជនជាតិខ្មែរ ដែលជាម្ចាស់ស្រុក។ បើមិនយ៉ាងដូច្នោះទេ ពួកជនជាតិចិនទាំងនោះ អាចប្រឈមមុខពីការផ្ទុះកំហឹង ពីសំណាក់ជនជាតិខ្មែរជាម្ចាស់ស្រុក នៅពេលដែលព្រឹត្តិការណ៍នយោបាយថ្មី នឹងកើតមានឡើងក្នុងឆ្នាំ ២០១៩ នេះ។»៕



លំអិតបន្ថែមទៀត

កម្ពុជា

កូនស្រីធម៌ ហ៊ុន សែន រងបណ្ដឹង​ពី​ប្អូនស្រី ហ៊ុន សែន ពីបទ​បរិហាកេរ្ដិ៍

នៅថ្ងៃអង្គារនេះ អ្នកស្រី ហ៊ុន ស៊ីណាត ប្អូនស្រីបង្កើតលោក ហ៊ុន សែន បានដាក់ពាក្យ​បណ្ដឹង ឡើង​ទៅតុលាការ ប្ដឹងតារា​ចម្រៀង​វ័យជ្រេ នាង ម៉េង កែវពេជ្ជតា ...
កម្ពុជា

គង់ ម៉ាស់ សកម្មជន CNRP ត្រូវចៅក្រម​ស៊ើបសួរ​សម្រេច​ឲ្យឃុំខ្លួននៅ ព្រៃស

លោក ម៉ុង មុន្នីសោភា ចៅក្រមស៊ើបសួរ​នៃសាលាដំបូងរាជធានី បានសម្រេចឲ្យឃុំខ្លួន លោក គង់ ម៉ាស់ សកម្មជនគណបក្សសង្គ្រោះជាតិ នៅពន្ធនាគារ«ព្រៃស» ជាបណ្ដោះអាសន្ន ដើម្បីរង់ចាំការជំនុំជម្រះ។ នេះ ...
កម្ពុជា

ហ៊ុន សែន អះអាងថា នឹងមិន​«បិទបណ្ដាញសង្គម»​នៅកម្ពុជា​ដាច់ខាត

លោកនាយករដ្ឋមន្ត្រី ហ៊ុន សែន បានអះអាងថា នៅក្នុងរយៈពេល​នៃការកាន់អំណាចរបស់លោក លោកនឹងមិនបញ្ជាឲ្យ«បិទបណ្ដាញសង្គម»នៅកម្ពុជាជាដាច់ខាត។ បណ្ដាញសង្គមដែលលោកនាយករដ្ឋមន្ត្រីអះអាងនោះ មានជាអាទិ៍ ដូចជា ហ្វេសប៊ុកជាដើម។ ថ្លែងក្នុងពិធីបើកការដ្ឋានសាងសង់សំណង់ផ្សេងៗ ក្នុងគម្រោងការពារទឹកជំនន់ និងកែលម្អប្រព័ន្ធប្រឡាយ-លូ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ដាក់កម្ពុជា​ឲ្យកាន់ទុក្ខ​មួយថ្ងៃ ចំពោះសព ស៊ីនហ្សូ អាបេ

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

បងប្អូនត្រកូល«ជួប» ៖ បន្ទាប់ពីបានបង្ហោះទ្រនាប់ជើងមួយចំហៀង សំដៅលោកនាយករដ្ឋមន្ត្រី ហ៊ុន សែន រួច បុរសម្ចាស់ទ្រនាប់ជើង ដែលមានឈ្មោះ អ៊ុក ទូច បានចេញមុខនៅថ្ងៃព្រហស្បត្តិ៍នេះ ប្រកាសរហស្សនាមខ្លួនថា ...
កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...