កម្ពុជាដំណឹង

ហ៊ុន សែន បង្កើត​និង​ដឹកនាំ​គណៈកម្មការ​ជាតិ​ប្រឆាំង​«Covid-19»​

គណៈកម្មការជាតិមួយ ដើម្បីប្រយុទ្ធប្រឆាំងនឹងមេរោគ «Covid-19» បានចេញជារូបរាងហើយ នៅល្ងាចថ្ងៃពុធ ទី១៨ ខែមីនា ឆ្នាំ២០២០នេះ។ គណៈកម្មការនោះ ត្រូវបានបង្កើតឡើង តាមរយៈសេចក្ដីសម្រេចមួយ និងចុះហេត្ថលេខា ដោយលោកនាយករដ្ឋមន្ត្រី ហ៊ុន សែន ហើយមានរូបលោកខ្លួនឯង ជាប្រធាន។

គណៈកម្មការ ដែលមានឈ្មោះថា គណៈកម្មការជាតិ«ប្រយុទ្ធនឹងជំងឺកូវីដ១៩» មានសមាសភាពប្រមាណជិត៥០នាក់ ក្នុងនោះមានប្រធានម្នាក់ (គឺលោក ហ៊ុន សែន) អនុប្រធាន៥នាក់ (ម្នាក់ជាអនុប្រធានប្រចាំការ) និងសមាជិកប្រមាណជាង៤០នាក់ផ្សេងទៀត។

រីឯភារកិច្ចរបស់គណៈកម្មការនេះ មានភារកិច្ច (១)កំណត់គោលគោលនយោបាយ និងយុទ្ធសាស្ត្រជាតិ ពាក់ព័ន្ធការប្រយុទ្ធនឹងជំងឺកូវីដ១៩ (២)ដឹកនាំអនុវត្តផែនការយុទ្ធសាស្ត្រ ក្នុងការបង្ការ ការពារ ទប់ស្កាត់ និងគ្រប់គ្រងជំងឺកូវីដ១៩ (៣)គ្រង់គ្រងផលប៉ះពាល់ លើទិដ្ឋភាពនយោបាយ សេដ្ឋកិច្ច និងសង្គមទាំងកម្រិតជាតិ និងអន្តរជាតិ និង(៤)ដឹកនាំ និងសម្របសម្រួល ការអនុវត្តវិធានការជាអន្តរវិស័យ អន្តរស្ថាប័ន ទាំងនៅរដ្ឋបាលថ្នាក់ជាតិ និងរដ្ឋបាលថ្នាក់ក្រោមជាតិ។

គណៈកម្មការជាតិមួយនេះ បង្កើតឡើងតែប៉ុន្មានថ្ងៃ ក្រោយគណៈកម្មការអន្តរក្រសួងមួយមុន ដែលត្រូវបានបង្កើតឡើង ក្រោមសេចក្ដីសម្រេច ចុះហត្ថលេខាដោយលោក ហ៊ុន សែន កាលពីថ្ងៃទី១០ ខែមីនា ឆ្នាំ២០២០៕



លំអិតបន្ថែមទៀត

កម្ពុជា

ហ៊ុន សែន ប្ដេជ្ញាធ្វើការ​ជាមួយ ចូ បៃដិន

លោកនាយករដ្ឋមន្ត្រី ហ៊ុន សែន បានសំដែងការប្ដេជ្ញាចិត្ត ដើម្បីធ្វើការ​ជាមួយរដ្ឋបាលរបស់លោក ចូ បៃដិន (Joe Biden) ប្រធានាធិបតីជាប់ឆ្នោតថ្មី របស់សហរដ្ឋអាមេរិក។ នេះ បើតាមលិខិតមួយ ...
កម្ពុជា

Covid-19៖ ក្រុងភ្នំពេញ​ត្រៀម​បិទ​​បណ្ដាញ​សង្គម ឬ​គេហទំព័រ​ព័ត៌មាន ?

នៅចំពោះការរាតត្បាត នៃជំងឺ«Covid-19» រដ្ឋាភិបាលកម្ពុជា បានចាត់វិធានការមួយចំនួន ដើម្បីប្រឆាំងនឹងការផ្សព្វផ្សាយ ដែលរដ្ឋាភិបាលគិតថា ជា «Fake News» បង្កការភិតភ័យ ដល់សង្គមជាតិ ក្នុងនោះមានដូចជា ការបិទទំព័រ​នៅលើបណ្ដាញសង្គម ...
កំសាន្ដ

គ្រូពេទ្យ និងអ្នកជំងឺ (វគ្គទី៥) សំណើចខ្លី

[ វគ្គទី៥ ] អ្នកជំងឺមានវ័យជរាម្នាក់ បានចួលទៅជួបគ្រូពេទ្យរបស់គាត់ ហើយត្អូញឡើងថា៖ – ខ្ញុំមានជំងឺផោមច្រើន សូមលោកគ្រូពេទ្យជួយព្យាបាល ឲ្យខ្ញុំផង។ ទោះជាវាមិនឲ្យក្លិន និងមិនឲ្យសំលេង ក៏ខ្ញុំនៅតែមានអារម្មណ៏ថា ...

យល់ស៊ីជម្រៅផ្នែក កម្ពុជា

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.