ខ្មែរនៅបរទេសដំណឹង

ស្ថានទូតកម្ពុជា​នៅថៃ​ប្រាប់ពលរដ្ឋខ្មែរ ពី​«ឥទ្ធិពលខ្យល់កខ្វក់»

ឥទ្ធិពលខ្យល់កខ្វក់ «PM2.5» នៅថៃ អាចបង្កគ្រោះថ្នាក់ដល់សុខភាពធ្ងន់ធ្ងរ ប្រសិនជាគេដកដង្ហើមយកខ្យល់នេះ ចូលទៅក្នុងសួត។ ស្ថានទូតកម្ពុជាក្នុងរាជធានីបាងកក បានប្រាប់ពលរដ្ឋខ្មែរ ដែលរស់នៅក្នុងប្រទេសថៃ ឲ្យប្រុងប្រយ័ត្នចំពោះវត្តមានខ្យល់ប្រភេទនេះ នៅក្នុងបរិយាកាស និងត្រូវពាក់ម៉ាសការពារប្រភេទ «N95»។

សេចក្ដីជូនដំណឹងមួយ របស់ស្ថានទូតកម្ពុជា ដែលចេញផ្សាយកាលពីម្សិលម៉ិញ បានបញ្ជាក់ថា ខ្យល់កខ្វក់ខាងលើ មាននៅក្នុងបរិយាកាស ក្នុងរាជធានី បាងកក និងនៅក្នុងខេត្តមួយចំនួន ដូចជាខេត្តសាមុទ្រប្រាកាន សមុទ្រសាខន នន្ទបុរី និងខេត្តសាខនប៉ាធុម។

ស្ថានទូតកម្ពុជា បានពន្យល់ថា៖

«ភាគល្អិតនៃធូលីមានទំហំតូចជាង២.៥មីក្រូម៉ែត្រ ហើយត្រូវចាត់ទុកថា មានគ្រោះថ្នាក់បំផុត ដោយសារទំហំដ៏តូចរបស់វា អាចចូលជ្រៅទៅក្នុងសួត និងប៉ះពាល់សរីរាង្គផ្សេងៗ។»

«ទាក់ទងបញ្ហានេះ រាជរដ្ឋាភិបាលថៃ បានប្រកាសឲ្យសាលារៀន និងគ្រឹះស្ថានអប់រំមួយចំនួន បិទដំណើរការជាបណ្ដោះអាសន្ន ក្នុងគោលបំណងការពារសុវត្ថិភាព សុខភាពរបស់សិស្សនិស្សិតទាំងអស់។»

«ឥទ្ធិពលខ្យល់កខ្វក់»

ខ្យល់​កខ្វក់ ដែលត្រូវបានដកដង្ហើមចូលទៅក្នុងខ្លួន អាចបង្កឲ្យមានជំងឺ ឈឺ​បេះដូង រលាក​ផ្លូវ​ដង្ហើម មហារីក​សួត ​ដែលសុទ្ធ​សឹង​ជា​ជំងឺ​​ ដែល​ប៉ះពាល់​ដោយ​ផ្ទាល់ ​ដល់​ប្រព័ន្ធ​ផ្លូវដង្ហើម។​

សារធាតុ​ពុល​​ដែល​មាន​នៅ​ក្នុង​ខ្យល់កខ្វក់​ អាច​បង្ក​ឲ្យមានអាការរោគ​ធ្ងន់​ ឬ​ស្រាល។ ជំងឺស្រាលៗ មានលក្ខណៈជាជំងឺ​រំខាន ដូចយ៉ាង ក្អក​ ពិបាក​ដកដង្ហើម រលាក​ច្រមុះជាដើម ខណៈជំងឺធ្ងន់ៗ​វិញ ​អាចជាជំងឺដែលធ្វើឲ្យប៉ះពាល់ដល់ជីវិត ដូចជា​ជំងឺ​រលាក​ទងសួត​​រ៉ាំរ៉ៃ ឬជំងឺហឺតជាដើម៕



លំអិតបន្ថែមទៀត

ព្រះមហាក្សត្រ រាមាទី១០ ព្រះបាទ មហា វិជ្ជរាឡុងកន នៃព្រះរាជាណាចក្រថៃ។ (រូបថត AFP)
ដំណឹង

អាល្លឺម៉ង់តំឡើងសម្លេង គ្រោងបណ្ដេញ​ស្ដេចថៃ ចេញពីប្រទេស?

ប្រតិកម្មចុងក្រោយ ពីមជ្ឈដ្ឋានថ្នាក់ដឹកនាំ អ្នកនយោបាយអាល្លឺម៉ង់ ធ្វើឲ្យមាន​ការបកស្រាយថា ប្រទេសអាល្លឺម៉ង់មានគម្រោង គ្រោងបណ្ដេញ​ស្ដេចថៃ ព្រះមហាក្សត្រ រាមាទី១០ ព្រះបាទ មហា វិជ្ជរាឡុងកន (Maha Vajiralongkorn) ...
ដំណឹង

ថៃ៖ ផ្តន្ទាទោសស្ត្រីម្នាក់​​ឲ្យជាប់គុក​៤៣ឆ្នាំ ពីបទ​ជេរប្រមាថ​ព្រះញាតិវង្ស

ក្នុងថ្ងៃអង្គារទី២០ ខែមករានេះ ស្ត្រីមួយរូប ត្រូវបានតុលាការថៃ ផ្ដន្ទាទោសឲ្យជាប់ពន្ធនាគារ ចំនួន៤៣ឆ្នាំ ពីបទ​ជេរប្រមាថ​ព្រះញាតិវង្ស ក្រោម​មាត្រា១១២ នៃច្បាប់​​«ប្រមាថព្រះចេស្ដា» ដ៏តឹងតែងរបស់​ប្រទេស​ថៃ។ ក្រុមអ្នកឃ្លាំមើល បានអះអាងថា ការផ្ដន្ទាទោសនេះ ...
ដំណឹង

Covid-19៖ ថៃសាក​វ៉ាក់សាំងចម្រាញ់​ពីរុក្ខជាតិ លើមនុស្ស​នៅខែមេសា

សហគ្រាសផលិត​ឱសថ «Baiya Phytopharm» របស់ប្រទេសថៃ នឹងធ្វើការសាកល្បង លើមនុស្ស​នៅខែមេសា ខាងមុខ នូវ​វ៉ាក់សាំង​បង្ការជំងឺកូវីដ-១៩ (Covid-19) របស់ខ្លួន ដែលត្រូវបានចម្រាញ់ចេញ ពីរុក្ខជាតិ។ នេះ ...

Comments are closed.

យល់ស៊ីជម្រៅផ្នែក ខ្មែរនៅបរទេស

ខ្មែរនៅបរទេស

ស្ដ្រីម្នាក់បរិហារក្រុងភ្នំពេញ ថាយក​ម្ដាយសិប្បនិមិត្ត​មក​«សំដែងល្ខោន»

ខ្មែរនៅបរទេស

អ្នកនិពន្ធ​ម្នាក់​ផ្ញើ​លិខិត​អរគុណនាយករដ្ឋមន្ត្រី​សិង្ហបូរី ដែលរំឭក«រឿងពិត»

អ្នកនិពន្ធ និងជាអ្នកស្រាវជ្រាវខ្មែរមួយរូប រស់នៅក្នុងប្រទេសបារាំង លោក សាគូ សាមុត បានផ្ញើរលិខិតមួយ ទៅនាយករដ្ឋមន្ត្រីសិង្ហបូរី លោក លី សៀនឡុង (Lee Hsien ...
ខ្មែរនៅបរទេស

នាយក​រដ្ឋមន្ត្រី​​កាណាដា ជូនពរ​ឆ្នាំថ្មី​ដល់​សហគមន៍​​ខ្មែរក្រោមនៅ​​កាណាដា

នាយក​រដ្ឋមន្ត្រី​​កាណាដា ជូនពរឆ្នាំថ្មី សម្រាប់សហគមន៍ខ្មែរនៅកាណាដា ដោយហៅពិធីបុណ្យនេះ ថាដើម្បីសម្លឹងទៅមុខ ដោយក្ដីអំណរ និងដោយ​សុទិដ្ឋិនិយម។