នគរបាល៣រូប​ត្រូវបានសម្លាប់ នៅខណៈពួកគេ ត្រូវបានហៅដើម្បីធ្វើអន្តរាគមន៍ ក្នុងជម្លោះគ្រួសារមួយ ក្នុងក្រុង «Saint-Just» នៃតំបន់ «Puy-de-Dôme» ស្ថិតនៅភាគខាងត្បូង​ប្រទេសបារាំង។ ហេតុការណបានកើតឡើង ក្នុងយប់ថ្ងៃអង្គារទី២២ ចូលមកព្រឹក​ថ្ងៃពុធទី២៣ ខែធ្នូ។

បើតាមលោក «Eric Maillaud» រដ្ឋអាជ្ញានៃសាធារណរដ្ឋបារាំង ប្រចាំក្នុងក្រុង «Clermont-Ferrand» បានឲ្យដឹង​ក្នុងល្ងាចថ្ងៃពុធ​នេះថា បុរសអាយុ៤៨ឆ្នាំ ដែលគេស្គាល់ឈ្មោះ «Frédérik L.» ត្រូវបានសង្ស័យ ថាបានប្រើអំពើហិង្សា ទៅស្ត្រីគូស្នេហ៍ ក្នុងគេហដ្ឋាន​របស់ខ្លួន។

នៅពេលក្រុមនគរបាល បានព្យាយាមចូលធ្វើអន្តរាគមន៍ បុរសខាងលើបានប្រើកាំភ្លើង ដែលមានកែវយិត បាញ់សំដៅនគរបាលពីចំងាយ បណ្ដាលឲ្យភ្នាក់ងារ៣នាក់ស្លាប់ភ្លាមៗ និងម្នាក់ទៀតរបួសភ្លៅជាទំងន់។ លោករដ្ឋអាជ្ញាបានបន្តថា បន្ទាប់មក ជនសង្ស័យបានដុតគេហដ្ឋានខ្លួនឯង និងបានជិះរថយន្ដ ប្រភេទ«4X4» ចេញពីកន្លែងកើតហេតុ។

ប៉ុន្តែនៅចំងាយប្រមាណជា១,៥គីឡូម៉ែត្រ បុរស «Frédérik L.» ត្រូវបានរកឃើញស្លាប់ ក្នុងរថយន្ដខ្លួន ដែលក្រឡាប់ចេញពីផ្លូវ។ ក្រុមអ្នកជំនាញ ខាងកោសលវិច័យ បានសង្ស័យក្នុងជំហានដំបូងថា បុរសបានធ្វើអត្តឃាត ជាមួយនឹងកាំភ្លើងមួយ ពីក្នុង​ចំណោម​កាំភ្លើង​ចំនួនពីរដើម និងកាំបិតស្នៀតចំនួន៤ ដែលត្រូវបានរកឃើញ នៅក្នុងរថយន្ដ។

ដោយឡែក ស្ត្រីជាគូស្នេហ៍ បានចូលទៅលាក់ខ្លួន នៅក្នុងដំបូលផ្ទះ និងត្រូវបានរំដោះ ឲ្យរួចផុតពីអគ្គិភ័យទាន់ពេល។

លោករដ្ឋអាជ្ញាបញ្ជាក់ទៀតថា ជនសង្ស័យ ដែលមានកូននៅក្នុងបន្ទុក ធ្លាប់ទទួលបាន ការហ្វឹកហាត់តាមលក្ខណៈយោធា និងបានចូលមករស់នៅ ក្នុងតំបន់នោះ តាំងពី៤ឆ្នាំមុន។

បុរសរូបនេះ តែងប្រតិបត្តិជារឿយៗ នូវការបាញ់បោះ ជាលក្ខណៈកីឡា និងធ្លាប់អះអាងថា ខ្លួនជាអ្នកប្រតិបត្តិ​សាសនាគ្រឹស្ដិ៍ យ៉ាងខ្ជាប់ខ្ជួន ឬបែបនិយមជ្រុល។ ជនសង្ស័យ ថែមទាំងបាន​ហ្វឹកហាត់ជារឿយៗ អំពីបែបផែន ដើម្បីបន្តជីវិតរស់នៅ ដោយហេតុថា បុរសអាយុ​៤៨ឆ្នាំ ចេះតែយល់ឃើញថា ភ្លើងឆេះកាល​នឹងមកដល់ ក្នុងពេលខាងមុខ៕



លំអិតបន្ថែមទៀត

បណ្ដាជនជាច្រើនសិបនាក់ បានចូលរួមគោរព និងឧទ្ទិសដល់វិញ្ញាណក្ខន្ធសាសាស្ត្រាចារ្យ ដែលត្រូវបានភេរវជន«កាត់ក» ក្នុងក្រុង«Conflans-Sainte-Honorine» ស្ថិតក្នុងតំបន់ជាយក្រុង ភាគពាយ័ព្យ​នៃរដ្ឋធានីប៉ារីស។។ (រូបថតលើ Twitter)
ដំណឹង

បារាំង៖ «កាត់ក»​គ្រូបង្រៀនម្នាក់ បន្ទាប់ពី​បង្ហាញរូបត្លុក​«មហាមេដ»

គ្រូបង្រៀន«ភូមិសាស្ត្រ-ប្រវត្តិវិជ្ជា»ម្នាក់ ត្រូវបានសម្លាប់ ដោយ«កាត់ក» កាលពីថ្ងៃសុក្រ បន្ទាប់ពីបាន​បង្ហាញ​រូបត្លុក «មហាមេដ (Mahomet – ព្យាការីសាសនាអ៊ីស្លាម)» ទៅដល់​កូនសិស្ស ក្នុងថ្នាក់របស់ខ្លួន កាលពីជាង១០ថ្ងៃមុន។ ហេតុការណ៍បានកើតឡើង ...
របាយការណ៍

បទ​យកការណ៍៖ «វីរបុរស​ព្រៃឈើ នៃ​ប្រទេស​កម្ពុជា»

សូមជូនឯកសារវីដេអូចំនួនពីរ៖ ទីមួយ ជាឯកសារស្ដីពីលោក ឈុត វុទ្ធី វីរបុរស​ព្រៃឈើ ដែលត្រូវបានបាញ់សម្លាប់ ដោយមន្ត្រីអាវុធហត្ថ ខេត្ត​កោះកុង និងទីពីរ ជាសកម្មភាពការពារព្រៃឈើ នៃសហគមន៍ព្រៃឡង់ ពីការកាប់ទន្ទ្រានព្រៃ ...
ដំណឹង

ត្រាំ ភ្ជាប់​បាតុកម្ម​អាវកាក់​លឿង ជាមួយ​កិច្ច​ព្រមព្រៀង​ប៉ារីស​ស្ដីពី​អាកាសធាតុ

អ្នកផងត្រូវនាំគ្នា​និយាយ ពីប្រធានាធិបតី​អាមេរិកទៀតហើយ! ខណៈបាតុកម្មរបស់​បណ្ដាជន​បារាំង ពាក់អាវកាក់ពណ៌លឿង កំពុងធ្វើឲ្យពិភពលោក​ចាប់អារម្មណ៍នោះ លោក ដូណាល់ ត្រាំ (Donald Trump) បានបង្ហោះសារមួយ នៅល្ងាចថ្ងៃសៅរ៍នេះ តាមរយៈទំព័រទ្វីសធើររបស់លោក ...

Comments are closed.

យល់ស៊ីជម្រៅផ្នែក ដំណឹង

កម្ពុជា

អាមេរិក​ផ្ដល់វ៉ាក់សាំង Johnson&Johnson ជាង១លានដូស​ជូនកម្ពុជា

ដំណឹង

Covid-19៖ នាយករដ្ឋមន្ត្រីបារាំង​ថ្លែងពី​«រលកទី៤» និងបន្ថែម​វិធានការ

«យើងឈានមកដល់ រលកទី៤» នេះ ជាការប្រកាសឡើង របស់នាយករដ្ឋមន្ត្រីបារាំង លោក ហ្សង់ កាស្ដិក (Jean Castex) បន្ទាប់ពីលោក​បានបញ្ចប់កិច្ចប្រជុំ ក្រុមប្រឹក្សាការពារជាតិ ដែលបានបញ្ជាក់ឲ្យដឹង ...
កម្ពុជា

សម រង្ស៊ី៖ របបក្រុងភ្នំពេញ និងចិន​ឃុបឃិតគ្នា ដើម្បីកំណត់​តម្លៃ​វ៉ាក់សាំង

បើសិនជាវ៉ាក់សាំងចិនកុម្មុយនីស ហាក់ត្រូវបានកំណត់ ឲ្យក្លាយជាជម្រើសតែមួយគត់នៅកម្ពុជា នោះគឺដោយសារ របបក្រុងភ្នំពេញ និងប្រទេសចិន បានឃុបឃិតគ្នា តាមរយៈអំពើពុករលួយដ៏ធ្ងន់ធ្ងរមួយ ដែលធ្វើឲ្យតម្លៃវ៉ាក់សាំង របស់ប្រទេសកុម្មុយនីស្ដិ៍ មានតម្លៃថ្លៃលើសលុប។ នេះបើតាមការលើកឡើងរបស់លោក សម ...