ដំណឹងបារាំង

ប្រទេស​បារាំង​ត្រៀម​ទទួល​រលក​បាតុកម្ម​អាវ​កាក់​លឿង ជា​លើក​ទី៥

ក្នុងថ្ងៃសៅរ៍ ទី១៥ ខែធ្នូ ឆ្នាំ២០១៨នេះ ក្រុមបាតុករអាវកាក់លឿង បានគ្រោងធ្វើបាតុករ នៅសឹងតែគ្រប់តំបន់ទាំងអស់ នៃប្រទេសបារាំង។ វារលកបាតុកម្មលើកទី៥ សម្រាប់៥សប្ដាហ៍ជាប់ៗគ្នា។

ខាងអាជ្ញាធរវិញ បានត្រៀមវិធានការ ដើម្បីទប់ទល់ កុំឲ្យបាតុកម្មក្លាយជាអំពើហិង្សា ដែលមិនអាចគ្រប់គ្រងបាន ដូចក្នុងសប្ដាហ៍ទី៣ (កាលពីថ្ងៃសៅរ៍ទី១ ខែធ្នូ)។ ប៉ុន្តែសំនួរសួរឡើងថា តើបាតុកម្មលើកទី៥ របស់បណ្ដាជនអាវកាក់លឿង ក្នុងថ្ងៃសៅរ៍នេះ នឹងមានទំហំប៉ុណ្ណា?

បាតុកម្មលើកទី៥នេះ ត្រូវបានប្រកាសធ្វើ នៅតែប៉ុន្មានថ្ងៃ ក្រោយអំពើភេរវកម្មបាញ់ប្រហារ ទៅលើហ្វូងមនុស្ស ក្នុងផ្សារលក់ទំនិញ ណូអែល នាក្រុងស្ត្រាស្បួរ៍ ភាគខាងកើតបារាំង។ ដោយសារតែហេតុនេះ ទើបពីក្នុងចំណោមក្រុមអាវកាក់លឿង ភាពមិនចុះសម្រុងគ្នា បានកើតឡើង។

ដោយមានការថ្លែង ពីសំណាក់ប្រធានាធិបតី កាលពីថ្ងៃចន្ទកន្លងមក ដើម្បីបង្ហាញពីដំណោះស្រាយផង បណ្ដាជនអាវកាក់លឿងមួយភាគ បានអំពាវនាវ ឲ្យមានភាពស្ងប់ស្ងាត់ និងឲ្យមានកិច្ចពិភាក្សា ជាមួយរដ្ឋាភិបាល។

ខណៈបណ្ដាជនអាវកាក់លឿងមួយភាគទៀត បង្ហាញជំហរធ្វើបាតុកម្ម ដើម្បីបន្តដាក់សម្ពាធ ទៅលើរដ្ឋាភិបាល។ នៅលើបណ្ដាញសង្គម បណ្ដាជនច្រើនពាន់-ម៉ឺននាក់ បានអះអាងថា ពួកគេនឹងចេញមកចុះដើរ នៅតាមដងផ្លូវ ក្នុងថ្ងៃសៅរ៍នេះ ជាថ្មីទៀត។ សម្រាប់ពួកអ្នកចេញធ្វើបាតុកម្ម បានគិតថា ដំណោះស្រាយ ពីសំណាក់រដ្ឋាភិបាល នៅមិនទាន់សមល្មម ទៅនឹងការទាមទាររបស់ពួកគេនៅឡើយ។

សម្រាប់អាជ្ញាធរវិញ បានត្រៀមចំណាត់ការទប់ទល់ តាំងពីល្ងាចថ្ងៃសុក្រម្សិលម៉ិញ។ ស្នងការនគរបាលរដ្ឋធានី ប៉ារីស បានថ្លែងឲ្យដឹងថា កងកម្លាំង៨០០០នាក់ ត្រូវបានបញ្ជូនមកការពារសន្តិសុខ ខណៈរថយន្ដពាសដែកចំនួន ១៤គ្រឿង ក៏នឹងត្រូវដាក់ពង្រាយ នៅក្នុងរដ្ឋធានីដែរ។

នេះ គេនៅមិនទាន់រាប់ផងទេ ពីការបំពាក់ ទៅដល់រថយន្ដនគរបាលផ្សេងទៀត នូវរនាំងដែក និងបង្កើតកងកម្លាំងជិះសេះ ដើម្បីតាមចាប់ជនឱកាសនិយមណា ដែលប្រើប្រាស់បាតុកម្ម ដើម្បីបំផ្លិចបំផ្លាញទ្រព្យសម្បត្តិ សាធារណៈ និងឯកជន៕



លំអិតបន្ថែមទៀត

ជីវិតប្រចាំថ្ងៃ

បារាំង៖ ប្រតិទិន​​នៃវិស្សមកាល ក្នុងឆ្នាំសិក្សា ២០២០-២០២១

តារាង«ប្រតិទិន​​នៃវិស្សមកាល» ខាងក្រោមនេះ នឹងជួយសម្រួល ដល់ឪពុកម្ដាយ ឬអាណាព្យាបាល​ទាំងឡាយ ជាពិសេសពលរដ្ឋ ខ្មែរ-បារាំង ដែលរស់នៅក្នុងប្រទេសបារាំង អាចពិគ្រោះបាន​ជាមុន នូវវិស្សមកាល​ទាំង៥ នៃឆ្នាំសិក្សា ២០២០-២០២១ សម្រាប់ ...
ដំណឹង

អគ្គិភ័យ Notre-Dame ៖ គ្រោងសំណង់​ធ្វើពីថ្ម ត្រូវបាន​សង្គ្រោះ​

នៅមុននេះបន្តិច មេដឹកនាំក្រុមអ្នកលត់ អគ្គិភ័យ បានប្រកាសថា កម្លាំងរបស់លោកសង្គ្រោះបានទាំងស្រុង នូវផ្នែកសំណងធ្វើពីថ្ម របស់ព្រះវិហារ «Notre-Dame» ដ៏ល្បីរបស់រដ្ឋធានីប៉ារីស។ ដោយឡែកផ្នែកដំបូលខាងលើ ដែលមានគ្រោងសំណង់ធ្វើពីឈើនោះ ត្រូវបានព្រះអគ្គិត្របាក់ខ្ទេចអស់។ ឧត្ដមសេនីយ៍ ...
ដំណឹង

បារាំង-អាល្លឺម៉ង់ ស្នើកម្ចី​​៥០០កោដិ​អ៊ឺរ៉ូ ដើម្បីឲ្យ​សេដ្ឋកិច្ចអ៊ឺរ៉ុប​ងើប​ឡើង​វិញ

មហាយក្សពីរនៅក្នុងសហភាពអ៊ឺរ៉ុប បារាំង-អាល្លឺម៉ង់ បានស្នើគម្រោងថវិកា ៥០០កោដិ អ៊ឺរ៉ូ ដើម្បីអនុញ្ញាត ឲ្យសេដ្ឋកិច្ចអ៊ឺរ៉ុប ងើបចេញពីវិបត្តិ នៃជំងឺ«Covid-19»។ ប្រធានាធិបតីបារាំង លោក អេម៉ានុយអែល ម៉ាក្រុង ...

Comments are closed.

យល់ស៊ីជម្រៅផ្នែក ដំណឹង

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

ដំណឹង

ទាហានអ៊ុយក្រែន​ដែលត្រូវរ៉ុស្ស៊ី​បាញ់សម្លាប់ ក្លាយជា«វីរបុរសជាតិ»

ទាហានអ៊ុយក្រែនដែលត្រូវកងទ័ពរ៉ុស្ស៊ីបាញ់សម្លាប់ ត្រូវបានកំណត់អត្ថសញ្ញាណ និងប្រកាសឲ្យក្លាយជា«វីរបុរសជាតិ»។ នេះ បើតាមទីភ្នាក់ងារសន្តិសុខអ៊ុយក្រែន «SBU» និងការថ្លែង របស់ប្រធានាធិបតីអ៊ុយក្រែន លោក «Volodymyr Zelensky» នៅល្ងាចថ្ងៃអាទិត្យទី១២ ខែមិនា។ ...