ដំណឹងបារាំង

កិច្ច​អន្តរាគមន៍​ប្រធានាធិបតី ម៉ាក្រុង ដើម្បី​ចេញ​ពី​«វិបត្តិ​អាវ​កាក់​លឿង»

ប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) បានថ្លែងតាមកញ្ចប់ទូរទស្សន៍ ទៅកាន់ប្រជាជាតិ ក្នុងយប់ថ្ងៃចន្ទនេះ ដោយលើកឡើងពីវិធានការ មួយចំនួន ដើម្បីឲ្យប្រទេសបារាំង អាចចេញពី«វិបត្តិអាវកាក់លឿង» ដែលជាវិបត្តិដ៏ធំមួយ តាំងពីលោកបានជាប់ឆ្នោត ក្លាយជាប្រធានាធិបតី។

ការថ្លែងរបស់លោកប្រធានាធិបតី ធ្វើឡើងបន្ទាប់ពីលោក បានពិគ្រោះអស់រយៈពេល ជាច្រើនម៉ោង ជាមួយមន្ត្រីរដ្ឋាភិបាល មេដឹកនាំរដ្ឋសភា-ព្រឹទ្ធសភា និងមន្ត្រីសហជីព ប្រមាណជា៣៧នាក់។ 

ក្នុងកិច្ចអន្តរាគមន៍របស់លោក ជាង១០នាទី គេបានកត់សម្គាល់ ពីចំណុចសំខាន់ៗ មួយចំនួន ដែលជាវិធានការចាំបាច់ ក្នុងការដោះស្រាយវិបត្តិ ក្នុងនោះមានដូចជា៖

  • ទទួលខ្លួនលោក ថាមានកំហុសក្នុងការថ្លែង «ត្រង់ទៅត្រង់មក» ក្នុងពេលកន្លងមក ដែលអាចធ្វើឲ្យប៉ះទង្គិចដល់ស្រទាប់ខ្លះ នៃប្រជាជនបារាំង។
  • តម្លើងប្រាក់បៀវត្សអតិបរមា ១០០អ៊ឺរ៉ុប ចាប់ពីឆ្នាំក្រោយ ដោយមិនមែនជាបន្ទុក របស់នយោជក សូម្បីតែមួយអ៊ឺរ៉ូឡើយ។
  • លើកលែងការតម្លើងពន្ធ លើប្រាក់សោធននិវន្ត សម្រាប់បណ្ដាជន ដែលទទួលបានប្រាក់សោធននិវន្តតិចតួច។
  • មិនគិតពន្ធ និងបន្ទុកសង្គម ទៅលើប្រាក់បំណាច់ ដែលបានមក ពីការធ្វើការបន្ថែមម៉ោង។
  • មិនគិតពន្ធ និងបន្ទុកសង្គម ទៅលើប្រាក់បំណាច់ចុងឆ្នាំ ដែលផ្ដល់ដោយនយោជក ជាការលើកទឹកចិត្ត។
  • ចាប់ពីឆ្នាំក្រោយទៅ នឹងលប់ចោល នូវការតម្លើងបន្ទុកសង្គម ដើម្បីការរួមចំណែកទូទៅ (CSG) សម្រាប់ជន ដែលមានប្រាក់សោធននិវត្តន៍ តិចជាង២០០០អ៊ឺរ៉ូ ខណៈពីពេលមុន មកទល់នឹងពេលនេះ ការលើកលែងបន្ទុក «CSG» ត្រូវបានធ្វើឡើង សម្រាប់តែជន ដែលមានប្រាក់សោធននិវត្តន៍ តិចជាង១២០០អ៊ឺរ៉ូប៉ុណ្ណោះ។
  • រក្សានយោបាយ លប់ចោលការយកពន្ធ ទៅលើទ្រព្យសម្បត្តិ របស់ក្រុមអ្នកមានប្រាក់ ដោយតម្រូវឲ្យ​ក្រុម​អ្នក​មានទ្រព្យ ត្រូវធ្វើការវិនិយោគ ដើម្បីផ្ដល់ការងារឲ្យប្រជាជនបារាំង។ ប៉ុន្តែនឹងបង្កើតឲ្យមានការយកពន្ធ ទៅលើអចលនវត្ថុ របស់ក្រុមសេដ្ឋី និងមហាសេដ្ឋីទាំងនោះ។

កិច្ចអន្តរាគមន៍របស់លោក អេម៉ានុយអែល ម៉ាក្រុង ត្រូវបានកត់សម្គាល់ដែរ នូវការថ្កោលទោស ចំពោះអំពើហិង្សា «ដែលមិនអាចទទួលបាន» កើតក្នុង ឬក្រោយបាតុកម្ម របស់បណ្ដាជន «អាវកាក់លឿង»។ លោកថា៖ «អំពើហិង្សា​ទាំងនេះ នឹងមិនទទួលបានការ​យោគយល់​ណាមួយ​ឡើយ»៕



You may also like

ដំណឹង

ទិដ្ឋភាព​ខ្ទេចខ្ទាំ​នៃ​ការផ្ទុះ​ចេញពី​​ហាង​នំប៉័ង​ម្សិលម៉ិញ នៅប៉ារីស

ជារូបភាពដ៏រន្ធត់ ប្រៀបបាននឹងសមរភូមិ ដ៏ក្ដៅមួយ ដែលទើបឆ្លងកាត់ការប្រយុទ្ធរួច។ រូបភាពនេះ ថតដោយអ្នកសារព័ត៌មានអ៊ីតាលីមួយរូប ឈ្មោះ «Valerio Orsolini» ដែលមានវត្តមាន នៅក្នុងសណ្ឋាគារ ទល់មុខហាងលក់នំប៉័ង ដែលរងការផ្ទុះដ៏ខ្លាំងមួយ ...
ដំណឹង

«ដង្កូវ​ក្បាលញញួរ»​ដ៏សហាវ កំពុង​វាយលុក​​តំបន់មួយ ភាគ​ខាងត្បូង​បារាំង

មើលមួយភ្លែត សត្វ«ដង្កូវ​ក្បាលញញួរ» ដូចបង្ហាញនៅក្នុងរូបថតខាងលើ ហាក់មិនមាន​អ្វី​គួរឲ្យខ្លាចទេ។ តែសត្វដ៏ចង្រៃនេះ កំពុងវាយលុកតំបន់ «Drôme» ស្ថិតនៅ​ភាគ​ខាងត្បូង នៃប្រទេសបារាំង។  ដង្កូវប្រភេទខាងលើ ដែលមានឈ្មោះបច្ចេកទេស «Bipalium kewense» ...
កំសាន្ដ

តារាចម្រៀងបន្ទរក្នុងទូរទស្សន៍បារាំង លេច«សុដន់»ម្ខាងក្នុងកម្មវិធី

មែនទែនទៅ មិនមានតែភ្លេង និងចម្រៀងប៉ុណ្ណោះទេ នៅក្នុងកម្មវិធី «កុំភ្លេចទំនុក» របស់ទូរទស្សន៍បារាំង ប៉ុស្ដិ៍លេខ២ ដែលជាកម្មវិធីប្រឡងចម្រៀង បែបខារាអូខេ (KaraOke)។ កាលពីថ្ងៃទី២៣ ខែមិនានេះ តារាចម្រៀងបន្ទរមួយរូប ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...