ដំណឹងបារាំង

បារាំង៖ សាស្ត្រាចារ្យ​ដែលរង​ការធ្វើឃាត ទទួលបាន​មេដាយកិត្តិយសជាតិ

លោក សាម៉ុយអែល ប៉ាទី (Samuel Paty) សាស្ត្រាចារ្យបារាំងដែលរងការធ្វើឃាត ដោយភេរវជន កាលពីថ្ងៃសុក្រ ទី១៧ ខែតុលា ឆ្នាំ២០២០។ (រូបថតសាលាក្រុង Conflans)
លោក សាម៉ុយអែល ប៉ាទី (Samuel Paty) សាស្ត្រាចារ្យបារាំងដែលរងការធ្វើឃាត ដោយភេរវជន កាលពីថ្ងៃសុក្រ ទី១៧ ខែតុលា ឆ្នាំ២០២០។ (រូបថតសាលាក្រុង Conflans)

លោក «Samuel Paty» សាស្ត្រាចារ្យ​ភូមិសាស្ត្រ-ប្រវត្តិវិទ្យា ដែលរងការធ្វើឃាត​ដោយ​«កាត់ក» ពីសំណាងភេរវជន កាលពីថ្ងៃសុក្រសប្ដាហ៍មុន ទទួលបាន​មេដាយកិត្តិយសជាតិ ជុំវិញភាពក្លាហាន ក្នុងការបំពេញភារកិច្ច ជាគ្រូបង្រៀន​របស់លោក កាលពីពេលលោក​នៅមានជីវិត។

បើទោះជាលោក «Samuel Paty» បានលាចាកលោក​ទៅហើយក្ដី តែមេដាយកិត្តិយស​នោះ ត្រូវបានបំពាក់ជូនសពលោក ដោយប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) ក្នុងពិធីរំឭកវិញ្ញាណក្ខន្ធ របស់លោក ដែលត្រូវប្រារព្ធធ្វើ នៅក្នុងសាកល​វិទ្យាល័យ «Sorbonne» នៃរដ្ឋធានីប៉ារីស ក្នុងថ្ងៃពុធទី២១ ខែតុលា ឆ្នាំ២០២០នេះ។

បន្ទាប់មក គឺក្រុមគ្រួសាររបស់លោក ជាអ្នកថៃរក្សា​មេដាយកិត្តិយស​​​ថ្នាក់ជាតិ​មួយនេះ បន្តទៅ។

លោក «Jean-Michel Blanquer» រដ្ឋមន្ត្រីក្រសួងអប់រំ​បារាំង បានបញ្ជាក់បន្ថែម​តាម​រយៈកញ្ចក់​ទូរទស្សន៍ «BFMtv» កាលពីថ្ងៃអង្គារថា លោក​សាស្ត្រាចារ្យ «Samuel Paty» នឹងត្រូវតែងតាំង ជាវីរបុរសដែលមានស្នាដៃ នៅក្នុងវិស័យ​សិក្សាធិការ។ នេះជាឋានៈ​ដ៏ពិសិដ្ឋ សម្រាប់បណ្ដាគ្រូបង្រៀន នៅក្នុងប្រទេសបារាំង។

លោក «Jean-Michel Blanquer» ថ្លែងថា៖

«ជាថ្មីម្ដងទៀត វីរភាពរបស់លោក (Samuel Paty) សក្ដិសមនឹងទទួលបាន ការតបស្នង ពីស្ថាប័នសិក្សាធិការជាតិ។»

លោក «Samuel Paty» គ្រូបង្រៀន«ភូមិសាស្ត្រ-ប្រវត្តិវិជ្ជា» ថ្នាក់ទី៤ នៃអនុវិទ្យាល័យក្រុង «Conflans-Sainte-Honorine (ជាយក្រុងនៃរដ្ឋធានីប៉ារីស)» ត្រូវបានភេរវជនម្នាក់ សម្លាប់ដោយ«កាត់ក» កាលពីថ្ងៃសុក្រ បន្ទាប់ពីលោកបាន​បង្ហាញ​រូបត្លុក «មហាមេដ (Mahomet – ព្យាការីសាសនាអ៊ីស្លាម)» ទៅដល់​កូនសិស្ស ក្នុងថ្នាក់របស់ខ្លួន កាលពីជាង១០ថ្ងៃមុន។

ឃាតកម្មដ៏សាហាវនេះ ទទួលបានប្រតិកម្ម យ៉ាងម៉ឺងម៉ាត់ ពីសំណាក់រដ្ឋាភិបាលបារាំង ក្នុងនោះមនុស្សជាង១០នាក់ ត្រូវបានឃាត់ខ្លួន ព្រះវិហារមូស្លីមយ៉ាងហោចមួយ ត្រូវបានបិទទ្វា ខណៈសមាគមការពារ​មនោគមវិជ្ជា​អ៊ីស្លាមមួយចំនួន កំពុងប្រឈម​នឹងការរំលាយចោល ហើយមនុស្សអ៊ីស្លាមនិយមតឹងច្រើននាក់ នឹងត្រូវបណ្ដេញចេញ ពីប្រទេសបារាំង៕



លំអិតបន្ថែមទៀត

ដំណឹង

វិបត្តិ Covid-19៖ បុរសម្នាក់​ដើរ​«ចាក់មនុស្ស»​នៅភាគ​ខាងត្បូង​បារាំង

បុរសម្នាក់ ត្រូវបានកងកម្លាំងនគរបាលឃាត់ខ្លួនភ្លាមៗ កាលពីមុននេះបន្តិច បន្ទាប់ពីបានធ្វើសកម្មភាព​«ចាក់មនុស្ស»​ដោយកាំបិត នៅក្រុង «Romans sur Isère» ស្ថិតក្នុងភាគខាងត្បូង នៃប្រទេសបារាំង។ ទូរទស្សន៍បារាំង «BFMTV» បានរាយការណ៍ថា​ ...
ដំណឹង

បាតុកម្មអាវកាក់លឿង៖ នគរបាល​ដក​កាំភ្លើង ក្នុង​ការ​ប្រឈម​មួយ

ស្ថានការណ៍នៅល្ងាចថ្ងៃសៅរ៍ ម្សិលម៉ិញ កណ្ដាលរដ្ឋធានីប៉ារីស (ប្រទេសបារាំង) បានប្រែក្លាយភាពតានតឹង ប្រកបដោយគ្រោះថ្នាក់ ក្នុងរយៈពេលខ្លីមួយ រវាងក្រុមបាតុករ អាវកាក់លឿង និងកងកម្លាំងនគរបាល ដែលជិះម៉ូតូ ប្រមាណជាបីនាក់ នៅលើដងមហាវិថី ...
ដំណឹង

បារាំង​បើក​ការ​ប្រកួត​ជា​អន្តរជាតិ​គម្រោងសង់​«កំពូល Notre-Dame»

នាយករដ្ឋមន្ត្រីបារាំង លោក អេឌូអារ ហ្វីលីព (Edouard Philippe) បានប្រកាសក្នុងថ្ងៃពុធនេះ អំពីការបើកប្រកួតប្រជែង ជាលក្ខណៈអន្តរជាតិ នូវគម្រោងស្ថាបត្យកម្ម ដើម្បីសង់«កំពូល»ចុងស្រួច នៃព្រះវិហារ «Notre-Dame» ...

Comments are closed.

យល់ស៊ីជម្រៅផ្នែក ដំណឹង

កម្ពុជា

ហ៊ុន សែន ឲ្យ សម រង្ស៊ី «សុំទោស»ដើម្បីបញ្ចប់យុទ្ធនាការកម្ចាត់លោក

កម្ពុជា

សម រង្ស៊ី ថា«លោក»​នៅកណ្ដាល ខូចជាងគេ

ការប្រើពាក្យ «អាមឹង» ដើម្បីហៅអ្នកនយោបាយខ្មែរ ទទួលបានការស្វាគមន៍ ពីបណ្ដាជនទូទៅឬទេ? នៅចំពោះការរិះគន់ លោក សម រង្ស៊ី បានប្ដូរឥរិយាបថបន្តិច ដោយហៅលោក ហ៊ុន សែន ...
កម្ពុជា

តុលាការបារាំង​សម្រេចឲ្យ សម រង្ស៊ី ឈ្នះក្ដី​លើ ហ៊ុន សែន និង ឌី វិជ្ជា

មេដឹកនាំប្រឆាំងនៅកម្ពុជា លោក សម រង្ស៊ី ត្រូវបានតុលាការបារាំង សម្រេចក្ដីក្នុងថ្ងៃចន្ទនេះ ឲ្យរួចផុត​ពីការចោទប្រកាន់​ទាំងឡាយ ដែលមាននៅក្នុងបណ្ដឹង​របស់​លោក ហ៊ុន សែន បុរសខ្លាំងនៅកម្ពុជា និងលោក ឌី ...