ដំណឹងបារាំង

ប្រធានាធិបតី​បារាំង​ចង់​ជុសជុល​​ព្រះវិហារ Notre-Dame រួច​ក្នុង​«៥ឆ្នាំ»

ប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) បានថ្លែងក្នុងយប់ថ្ងៃអង្គារថា ព្រះវិហារ «Notre-Dame» ដ៏ល្បីនៃរដ្ឋធានីប៉ារីស នឹងត្រូវជុសជុលឡើងវិញ ឲ្យបានរួចរាល់ នៅក្នុងរយៈពេល«៥ឆ្នាំ»។

ថ្លែងនៅតាមកញ្ចក់ទូរទស្សន៍ លោក អេម៉ានុយអែល ម៉ាក្រុង បានបញ្ជាក់ថា៖

«យើងនឹងសាងសង់ព្រះវិហារ “Notre-Dame”នេះឡើងវិញ ឲ្យកាន់តែស្រស់ស្អាតថែមទៀត។ ខ្ញុំចង់ធ្វើវាឲ្យរួចរាល់ នៅក្នុងរយៈពេល”៥ឆ្នាំ”។ យើងពិតជាអាចធ្វើបាន ហើយក្នុងពេលនេះ យើងកំពុងតែត្រៀមអ្វីៗគ្រប់យ៉ាង។»

ប៉ុន្តែសុន្ទរកថាតាមកញ្ចក់ទូរទស្សន៍ របស់ប្រធានាធិបតី ម៉ាក្រុង បានបង្កការខកចិត្ត សម្រាប់ប្រជាជនបារាំងខ្លះ ដែលទន្ទឹងឲ្យលោកថ្លែង ពីបញ្ហាសង្គមជាច្រើន ជុំវិញការធ្វើកំណែទម្រង់ នៃរដ្ឋាភិបាលរបស់លោក ដោយហេតុថា លោកបានពន្យាពេល ដើម្បីប្រកាស ពីចំណាត់ការទាំងនោះ ទៅថ្ងៃខាងមុខវិញ។

លោកថា៖

«ខ្ញុំនឹងវិលត្រឡប់ មកនិយាយឡើងវិញ នៅប៉ុន្មានថ្ងៃខាងមុខ ដើម្បីលើកឡើងអំពីអ្វី ដែលយើងត្រូវធ្វើ ទាក់ទងនឹងបញ្ហានយោបាយ និងសង្គម។ នៅថ្ងៃស្អែក នយោបាយ និងព្រឹត្តិការណ៍ទាំងឡាយ នៅជុំវិញបញ្ហានយោបាយ នឹងវិលមករកតុជជែកគ្នាវិញ។ តែនៅពេលនេះ មិនមែនជាពេលវេលា ដែលត្រូវជជែក ពីបញ្ហាទាំងនេះទេ។»

ក្នុងយប់ថ្ងៃចន្ទ ព្រះវិហារ «Notre-Dame de Paris» បានរងអគ្គិភ័យយ៉ាងសន្ធោសន្ធៅ បង្កឲ្យសំណង់មហាគ្រឹះមួយភាគ ជាពិសេសដំបូលធ្វើអំពីឈើ ដែលមានវ័យចំណាស់ តាំងពីច្រើនរយឆ្នាំ ត្រូវបានកម្ទេចក្លាយជាផេះ។ ក្នុងយប់នោះ លោកប្រធានាធិបតីបានគ្រោងថ្លែង ទៅកាន់ប្រជាជាតិ អំពីគោលនយោបាយទាំងឡាយ ដែលរដ្ឋាភិបាលរបស់លោក នឹងត្រូវដាក់ចេញ សម្រាប់កំណែទម្រង់។

តែអគ្គិភ័យមិនបានបំផ្លាញ គ្រោងសំណង់របស់ព្រះវិហារ ដែលធ្វើអំពីថ្មនោះទេ។ នេះ បើតាមការអះអាង របស់ប្រធានស្ថាប័នពន្លត់អគ្គិភ័យ នៃរដ្ឋធានីប៉ារីស ដែលគូសបញ្ជាក់ ពីការងារដ៏គួរឲ្យកត់សម្គាល់ នៃបណ្ដាអ្នកលត់អគ្គិភ័យ ច្រើនជាង៤០០នាក់ ដែលត្រូវបានបញ្ជូន ទៅពន្លត់អគ្គិភ័យ។

បើតាមរដ្ឋអាជ្ញារបារាំង ដែលបានប្រកាស បើកការស៊ើបអង្កេត អំពីហេតុការណ៍ខាងលើ បានពន្យល់ថា ក្នុងដំណាក់កាលនេះ គ្រោះឧប្បត្តិវហេតុបណ្ដាល​ពីការដ្ឋាន​ ជុសជុសព្រះវិហារ ជាការសង្ស័យខ្លាំងជាងគេ របស់អាជ្ញាធរ។ សហគ្រាស «Europe Échafaudage» ក្រុមហ៊ុនមួយ ក្នុងចំណោមក្រុមហ៊ុនជាច្រើន ដែលទទួលបន្ទុក​ជុសជុល​ព្រះវិហា បានអះអាងថា គ្រប់ចំណុចនៃវិធានការសុវត្ថិភាព នៅក្នុងការដ្ឋាន ត្រូវបានគោរពយ៉ាងខ្ពាប់ខ្ជួន៕



លំអិតបន្ថែមទៀត

ដំណឹង

លក់អាវុធ​ឲ្យ​តៃវ៉ាន់៖ បារាំង​ស្នើ​ចិន​គួរ​«ផ្ដោត»វិធានការ​ប្រឆាំង​«Covid-19»

មួយថ្ងៃក្រោយប្រតិកម្ម របស់ក្រុងប៉េកាំង ជុំវិញកិច្ចសន្យាលក់អាវុធ ទៅឲ្យ​កោះ​តៃវ៉ាន់ រដ្ឋាភិបាល​បារាំង​បាន​ឆ្លើយតប​វិញ ដោយ​ស្នើឲ្យប្រទេសចិន គួរតែ​«ផ្ដោត»វិធានការ  ដើម្បីប្រឆាំង ទល់នឹងការរាតត្បាត នៃជំងឺ​«Covid-19»​ប្រសើរជាជាង។ កាលពីថ្ងៃអង្គារ ប្រទេសចិនបានទាមទារឲ្យបារាំង «លប់ចោល»កិច្ចសន្យាលក់អាវុធ ...
ដំណឹង

អគ្គិភ័យ Notre-Dame ៖ គ្រោងសំណង់​ធ្វើពីថ្ម ត្រូវបាន​សង្គ្រោះ​

នៅមុននេះបន្តិច មេដឹកនាំក្រុមអ្នកលត់ អគ្គិភ័យ បានប្រកាសថា កម្លាំងរបស់លោកសង្គ្រោះបានទាំងស្រុង នូវផ្នែកសំណងធ្វើពីថ្ម របស់ព្រះវិហារ «Notre-Dame» ដ៏ល្បីរបស់រដ្ឋធានីប៉ារីស។ ដោយឡែកផ្នែកដំបូលខាងលើ ដែលមានគ្រោងសំណង់ធ្វើពីឈើនោះ ត្រូវបានព្រះអគ្គិត្របាក់ខ្ទេចអស់។ ឧត្ដមសេនីយ៍ ...
ដំណឹង

បារាំងហៅ«ឯកអគ្គរដ្ឋទូតខ្លួន»​ពីអ៊ីតាលី បន្ទាប់​ពីរង​ការវាយប្រហារ​ផ្ទួនៗ

ក្រសួងការបរទេសបារាំង បានប្រកាសនៅថ្ងៃព្រហស្បត្តិ៍នេះ ថាបានហៅ«ឯកអគ្គរដ្ឋទូតខ្លួន» ពីប្រទេសអ៊ីតាលីមកវិញ បន្ទាប់ពីមេដឹកនាំអ៊ីតាលីច្រើននាក់ បានធ្វើការវាយប្រហារ​តាមពាក្យសំដី ប្រឆាំងប្រទេសបារាំង ម្ដងហើយម្ដងទៀត។ អ្នកនាំពាក្យក្រសួងការបរទេសបារាំង អ្នកស្រី «Agnès von der ...

យល់ស៊ីជម្រៅផ្នែក ដំណឹង

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.