ដំណឹងបារាំង

ប្រធានាធិបតីបារាំង​អះអាង​មិន​តំឡើង​ពន្ធ​ដើម្បី​ទូទាត់​ ក្នុង​វិបត្តិ​«Covid-19»

គ្មានការតំឡើងពន្ធ ដើម្បីយកប្រាក់ មកទូទាត់ការចំណាយ ដ៏មហាសាល ក្នុង​វិបត្តិ​«Covid-19» នោះឡើយ។ នេះ ជាការអះអាងឡើង របស់ប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) នៅក្នុងការថ្លែង ទៅកាន់​ប្រជាជាតិ ក្នុងយប់​ថ្ងៃអាទិត្យ​។

«ចំណាយប្រមាណជា ៥០០ពាន់លានអ៊ឺរ៉ូ» ក្នុង​វិបត្តិ​«Covid-19»

លោក ម៉ាក្រុង បានបញ្ជាក់ថា នៅក្នុងរយៈពេល នៃការចាត់វិធានការ ដើម្បីទប់ស្កាត់​ជំងឺដ៏ចង្រៃ រដ្ឋបារាំង​បាន​ចំណាយប្រាក់ ប្រមាណជា ៥០០ពាន់លានអ៊ឺរ៉ូ (ប្រមាណជា ៥៦០ពាន់​លានដុល្លារ)។ លោកប្រធានាធិបតី បានរៀបរាប់ថា៖

«ការចំណាយទាំងនេះ មានភាពចាំបាច់ ក្រោមមូលហេតុ នៃកាលៈទេសៈដ៏ពិសេស ដែល​យើងទើបនឹងឆ្លងកាត់ ហើយការចំណាយនេះ ក៏បានបន្ថែម ពីលើបំណុល ដែលយើង​មាន​ស្រាប់​នោះដែរ។ តែយើងនឹងមិន​ធ្វើការទូទាត់ ការចំណាយទាំងនេះ ដោយ​ការតំឡើង​ពន្ធដារ នោះឡើយ។»

លោកពន្យល់ទៀតថា ប្រទេសបារាំង ជាប្រទេសដែលមានទំហំ នៃការបង់ពន្ធដារ ដ៏ខ្ពស់​ជាងគេមួយ ហើយថា តាំងពី៣ឆ្នាំកន្លងមក រដ្ឋាភិបាលបានធ្វើ តាមគ្រប់​មធ្យោបាយ ដើម្បីកាត់បន្ថយ ការបង់ពន្ធទាំងនោះ។

ដូច្នេះ តើធ្វើយ៉ាងណា ដើម្បីរកប្រាក មកដាក់បញ្ចូលហិបវិញ? លោក អេម៉ានុយអែល ម៉ាក្រុង បានគូសបញ្ជាក់ថា លោកចង់បង្កើត ឲ្យមាន​ឡើង នូវ«គំរូសេដ្ឋកិច្ចមួយ ដែល​មាន​​រយៈពេលវែង និងមានកម្លាំងខ្លាំង»។

ប្រធានាធិបតី​បារាំង បានបង្ហើបពីគន្លឺះមួយចំនួន នៃគំរូសេដ្ឋកិច្ចរបស់លោក ដូច្នេះថា៖

«ចៀសវាងឲ្យបានជាអតិបរមា នូវការបញ្ឈប់បុគ្គលិក​ពីការងារ – បង្កើតកាងារថ្មីៗ ដោយ​វិនិយោគ ទៅលើ​ភាពខ្លាំង​​ដោយឡែក​​របស់យើង ជុំវិញបច្ចេកវិទ្យា ព័ត៌មានវិទ្យា ឧស្សាហកម្ម និង​កសិកម្ម – ផ្តោតលើ “ការកសាង​ឡើងវិញ នូវប្រព័ន្ធអេកូឡូស៊ី” ឬធ្វើការ​លើ “ការបង្រួបបង្រួម នៃសហភាពអឺរ៉ុបមួយដែលខ្លាំង”។»

ប៉ុន្តែការសន្យាខាងលើ មិនមានន័យថា លោកនិងរដ្ឋាភិបាលរបស់លោក បំភ្លេចចោល នូវការជជែកវែកញែក ជាមួយដៃគូសង្គម និងក្រុមសហគ្រិននោះឡើយ។ លោក ម៉ាក្រុង បញ្ជាក់ថា ជំនួបជាច្រើន នឹងត្រូវគ្រោងធ្វើ ជាមួយក្រុមសហជីព និងអង្គការ-សមាគម ដែលតំណាង​ឲ្យ​ម្ចាស់ក្រុមហ៊ុន-សហគ្រាស ដើម្បីកំណត់ពី «កញ្ចប់ផលិតកម្ម ដ៏ពិតប្រាកដ​មួយ»ឡើង។

លោកប្រធានាធិបតី ក៏នឹងយកគម្រោងនេះ ទៅជួបពិភាក្សា ជាមួយដៃគូនានា នៅក្នុង​សហភាពអ៊ឺរ៉ុបដែរ រាប់ចាប់​ពីកិច្ចប្រជុំ នៃក្រុមប្រឹក្សាអ៊ឺរ៉ុប ក្នុងខែកក្កដានេះ រហូតដល់​២ឆ្នាំ​​ខាងមុខ៕



លំអិតបន្ថែមទៀត

កម្ពុជា

ហ៊ុន សែន ដាក់ខ្លួន​ធ្វើចត្តាឡីស័ក បន្ទាប់ពីជួប​ប្រមុខការទូត​ហុងគ្រី

លោក ហ៊ុន សែន ដែលហៅខ្លួនលោក ថាជា«បុរសសង្ហាដើរបញ្ច្រាសទិស» បានប្រកាស​«ដាក់ខ្លួន​ធ្វើចត្តាឡីស័ក» ចំនួន១៤ថ្ងៃ នៅថ្ងៃពុធ ទី៤ ខែវិច្ឆិកានេះ មួយថ្ងៃក្រោយពី​លោកបានដឹកនាំរដ្ឋាភិបាល ឲ្យជួបចាប់ដៃជើង ជាមួយប្រមុខការទូត ...
ដំណឹង

មុននេះ ការផ្ទុះដ៏ខ្លាំងមួយ បាន​កើតឡើង កណ្ដាល​ប៉ារីស

ក្នុងព្រឹកថ្ងៃសៅរ៍នេះ ការផ្ទុះដ៏ខ្លាំងមួយ បានលាន់ឮឡើង ចេញពីហាងធ្វើនំប៉័ងមួយកន្លែង កណ្ដាលរដ្ឋធានីប៉ារីស នៃប្រទេសបារាំង។ ហេតុការណ៍បានកើតឡើង នៅវេលាម៉ោង ប្រមាណជា ៩ នៅក្នុងសង្កាត់លេខ៩ បានកំទេចកញ្ចក់ បង្អួច ...
កម្ពុជា

ខ្លីៗពីបារាំង៖ ហ៊ុន សែន ធ្វើ​«ពាណិជ្ជកម្ម​សេរី»​ជាមួយ​​ចិន​ដើម្បី​ផ្ចាញ់ផ្ចាល EU

នាយករដ្ឋមន្ត្រីកម្ពុជា លោក ហ៊ុន សែន នឹងចុះហត្ថលេខា ជាមួយចិនកុម្មុយនីស្ដិ៍ នៅថ្ងៃទី១២ ខែសីហាខាងមុខ លើកិច្ចព្រមព្រៀង«ពាណិជ្ជកម្មសេរី» រវាងប្រទេសទាំងពីរ កម្ពុជា-ចិន។ ហើយថ្ងៃទី១២ ខែសីហា ...

Comments are closed.

យល់ស៊ីជម្រៅផ្នែក ដំណឹង

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

ដំណឹង

ទាហានអ៊ុយក្រែន​ដែលត្រូវរ៉ុស្ស៊ី​បាញ់សម្លាប់ ក្លាយជា«វីរបុរសជាតិ»

ទាហានអ៊ុយក្រែនដែលត្រូវកងទ័ពរ៉ុស្ស៊ីបាញ់សម្លាប់ ត្រូវបានកំណត់អត្ថសញ្ញាណ និងប្រកាសឲ្យក្លាយជា«វីរបុរសជាតិ»។ នេះ បើតាមទីភ្នាក់ងារសន្តិសុខអ៊ុយក្រែន «SBU» និងការថ្លែង របស់ប្រធានាធិបតីអ៊ុយក្រែន លោក «Volodymyr Zelensky» នៅល្ងាចថ្ងៃអាទិត្យទី១២ ខែមិនា។ ...