ដំណឹងបារាំង

«ដង្កូវ​ក្បាលញញួរ»​ដ៏សហាវ កំពុង​វាយលុក​​តំបន់មួយ ភាគ​ខាងត្បូង​បារាំង

មើលមួយភ្លែត សត្វ«ដង្កូវ​ក្បាលញញួរ» ដូចបង្ហាញនៅក្នុងរូបថតខាងលើ ហាក់មិនមាន​អ្វី​គួរឲ្យខ្លាចទេ។ តែសត្វដ៏ចង្រៃនេះ កំពុងវាយលុកតំបន់ «Drôme» ស្ថិតនៅ​ភាគ​ខាងត្បូង នៃប្រទេសបារាំង។ 

ដង្កូវប្រភេទខាងលើ ដែលមានឈ្មោះបច្ចេកទេស «Bipalium kewense» ត្រូវបាន​រាយការណ៍ ជាលើកដំបូង ក្នុងសប្ដាហ៍កន្លងមក ថាជាប្រភេទសត្វ ដែលមានពិស​ដ៏គ្រោះថ្នាក់ ដែលអាចបង្កបញ្ហា នៅក្នុងសួនច្បារ ចំការដាំដុះ និងអាចយាយី ដល់​ពហុ​ចម្រុះ ដែលមាននៅលើ/ក្នុងដី។

បើតាមសារព័ត៌មានបារាំង «Dauphiné Libéré» ដែលបានផ្សាយ ពីដំណឹងនេះមុនគេ បាន​ឲ្យដឹងថា «ដង្កូវ​ក្បាលញញួរ»​បានចូល មកក្នុងទឹកដីបារាំង តាមរយៈផលិតផល​កសិកម្ម ដែលនាំចូលពីទ្វីបផ្សេង តាំងពីជាង១០ឆ្នាំមុន។ សត្វនេះ មានរាងសំប៉ែត និង​អាច​មានប្រវែងបណ្ដោយ រហូតដល់ ៤០សង់ទីម៉ែត្រ។

សត្វនេះ ចិញ្ចឹមជីវិតខ្លួនវា ដោយសម្លាប់សត្វផ្សេងទៀត នៅក្រោមដី ធ្វើជាអាហារ (ដូចជា ជន្លេន​ប្រភេទធម្មតា ដង្កូវ…)។ នៅពេលវាជួបសត្វ ដែលអាចធ្វើជាចំណីបាន «ដង្កូវ​ក្បាលញញួរ» បានបញ្ចេញពិសរបស់វា ដែលមានជាតិពុលខ្លាំង ហើយអាចសម្លាប់ ឬធ្វើឲ្យ​ពិការ នូវចំណី​របស់វា ត្រឹមតែប៉ុន្មាន​​វិនាទីប៉ុណ្ណោះ៕



លំអិតបន្ថែមទៀត

ដំណឹង

អតីត​ប្រធានាធិបតី​បារាំង នឹងត្រូវ​កាត់ទោស ពីបទ​«ពុករលួយ»

តុលាការកំពូលបារាំង បានបញ្ជាក់នៅមុននេះបន្តិច ថាសំនុំរឿងដែលសង្ស័យអតីតប្រធានាធិបតី លោក នីកូឡា សារកូហ្សី ( Nicolas Sarkozy ) ថាបានពាក់ព័ន្ធក្នុងអំពើ«ពុករលួយ» នឹងត្រូវបញ្ជូនឡើងទៅជំនុំជម្រះ ក្នុងតុលាការព្រហ្មទណ្ឌ។ ...
ដំណឹង

សារមន្ទីរ លូវ្រ៍ (ប៉ារីស) មាន​ភ្ញៀវ​ចូល​ទស្សនា​ច្រើន​ជាង​គេ​​បំផុត​ក្នុង​ឆ្នាំ២០១៨

សម្រាប់ឆ្នាំ២០១៨កន្លងទៅ នេះសារមន្ទីរ លូវ្រ៍ (Louvre) កណ្ដាលរដ្ឋធានីប៉ារីស បានបំបែកឯកត្តកម្ម ដោយបានក្លាយខ្លួន ជាសារមន្ទីរអន្តរជាតិ ដែលមានភ្ញៀវចូលទស្សនា ច្រើនជាងគេបំផុត នៅលើពិភពលោក។ នេះ បើតាមការប្រកាស ...
ទំព័រហ្វេសប៊ុករបស់ចលនាមាតាធម្មជាតិ នៅមុន និងក្រោយការបាត់រូប ពីលើបណ្ដាញសង្គម។ (រូបថតផ្តិតពីអេក្រង់)
កម្ពុជា

ទំព័រហ្វេសប៊ុក «មាតាធម្មជាតិ» បង្ហោះសារ​របស់ខ្លួន​ឡើងវិញ

បន្ទាប់ពីមិនឃើញមានសកម្មភាព អស់ជាច្រើនសប្ដាហ៍ ទំព័រហ្វេសប៊ុក នៃចលនា«មាតាធម្មជាតិ»បានបង្ហោះសាររបស់ខ្លួន បានជាថ្មីឡើងវិញ។ ស្ថាបនិកចលនានេះ លោក អាឡិច ហ្គន់សាឡេស ដេវិតសុន (Alejandro G.Davidson) អះអាងថា ...

Comments are closed.

យល់ស៊ីជម្រៅផ្នែក ដំណឹង

ដំណឹង

អាមេរិក៖ ជនម្នាក់​បាញ់រះ​ក្នុង​សាលាបឋមសិក្សា ស្លាប់យ៉ាងតិច​១៩នាក់

ដំណឹង

ម៉ាក្រុង តែងតាំង អេលីហ្សាប៊ែត ប៊ន (ទំនោរឆ្វេងនិយម) ជានាយករដ្ឋមន្ត្រី

អ្នកស្រី អេលីហ្សាប៊ែត ប៊ន (Élisabeth Borne) បច្ចុប្បន្នជារដ្ឋមន្ត្រីការងារ ត្រូវបានលោកប្រធានាធិបតី អេម៉ានុយអែល ម៉ាក្រុង (Emmanuel Macron) តែងតាំងជា​នាយករដ្ឋមន្ត្រីថ្មី ដើម្បីដឹកនាំរដ្ឋាភិបាលបារាំង ...
ដំណឹង

ឧក្រិដ្ឋកម្ម៖ ទាហានរ៉ុស្ស៊ី​បាញ់​ជនស៊ីវិលអ៊ុយក្រែន​២នាក់ ពីក្រោយខ្នង

នៅក្នុងយានដ្ឋានមួយកន្លែង ក្បែររដ្ឋធានីគៀវ (ប្រទេសអ៊ុយក្រែន) ទាហានរ៉ុស្ស៊ី២នាក់បានផ្ទុះអាវុធ​ បាញ់សម្លាប់​ជនស៊ីវិលអ៊ុយក្រែន២នាក់ ពីក្រោយខ្នង មុននឹងទាហានទាំងនោះ ចូលឆក់ប្លន់ និងបំផ្លិចបំផ្លាញ​ទ្រព្យសម្បត្តិ​យានដ្ឋាននោះ។ ហេតុការណ៍កើតឡើង តាំងពីថ្ងៃទី១៦ ខែមិនា ឆ្នាំ២០២២ ...