ដំណឹងបារាំង

ទទួល«អំណោយ»ជិត​១ពាន់លាន​អ៊ឺរ៉ូ ដើម្បីជុសជុល Notre-Dame

គ្រាន់តែក្នុងរយៈពេល​មិនដល់ពីរថ្ងៃ ស្រួលបួលផងទេ សហគ្រាសយក្សធំៗ និងមហាសេដ្ឋី របស់ប្រទេសបារាំង បានរួមគ្នាធ្វើ«អំណោយ» សម្រាប់ជុលជុលព្រះវិហារ «Notre-Dame» ឡើងវិញ។ មកដល់ម៉ោងនេះ ទឹកប្រាក់អំណោយមានប្រមាណជិត ១ពាន់​លាន​អ៊ឺរ៉ូហើយ។

តាមច្បាប់បារាំង គ្រប់អំណោយទាំងឡាយ ដែលមានទិសដៅបម្រើឲ្យសង្គម និងបុព្វហេតុរួម នឹងផ្ដល់ផលប្រយោជន៍ សម្រាប់ម្ចាស់អំណោយ នូវការលើកលែងពន្ធដារ ក្នុងកម្រិត៦០% នៃទឹកប្រាក់អំណោយ។

ពីក្នុងចំណោមនោះ ម្ចាស់អំណោយដ៏មហាសាល ដែលគួរឲ្យកត់សម្គាល់ រួមមាន៖

  • ក្រុមគ្រួសារមហាសេដ្ឋី ត្រកូល «Arnault» ដែលជាម្ចាស់សហគ្រាស «LVMH» នៃផលិតផលតុបតែងកាយដ៏ប្រណិត (Luis Viton, …) បានជូនជាអំណោយ ២០០លានអ៊ឺរ៉ូ។
  • គ្រួសារមហាសេដ្ឋី ត្រកូល «Bettencourt» ដែលជាម្ចាស់សហគ្រាស «Oréal» នៃផលិតផលតុបតែងកាយ ដ៏ប្រណិត បានជូនជាអំណោយ ២០០លានអ៊ឺរ៉ូ។
  • ក្រុមគ្រួសារមហាសេដ្ឋី ត្រកូល «Pinault» ដែលជាម្ចាស់សហគ្រាស «Kering» នៃផលិតផលតុបតែងកាយ ដ៏ប្រណិត និងជាម្ចាស់ក្រុមហ៊ុនបណ្ដាក់ទុន «Artemis» បានជូនជាអំណោយ ១០០លានអ៊ឺរ៉ូ។ ក្រុមគ្រួសារនេះ បានចេញមកអះអាង កាលពីម្សិលម៉ិញថា អំណោយខ្លួនមិនមានបំណង ចង់បានផលប្រយោជន៍ត្រឡប់មកវិញ នូវការលើកលែងពន្ធទេ។
  • ក្រុមហ៊ុនប្រេងឥន្ទនៈ «Total» បានផ្ដល់ជាអំណោយ១០០លានអ៊ឺរ៉ូ។
  • សហគ្រាស «JCDecaux» ដែលមានជំនាញខាងការផ្សាយពាណិជ្ជកម្ម និងអចលនទ្រព្យ បានផ្ដល់ជាអំណោយ ២០លានអ៊ឺរ៉ូ។
  • ក្រុមគ្រួសារត្រកូល «Bouygues» ដែលជាម្ចាស់ក្រុមហ៊ុនទូរគមនាគមន៍ និងអចលនទ្រព្យ «Bouygues Groupe» បានផ្ដល់អំណោយ ១០លានអ៊ឺរ៉ូ។
  • ក្រុមគ្រួសារត្រកូល «Kravis» ជនជាតិអាមេរិក និងជាម្ចាស់ក្រុមហ៊ុនបណ្ដាក់ទុន «KKR» បានជូនអំណោយ១០លានដុល្លារ (ត្រូវជា៨,៨៥លានអ៊ឺរ៉ូ)។ 
  • ធនាគារបារាំងជាច្រើន រួមមាន «BNP Paribas» «Crédit agricole» «BPCE» និង «Société générale» ជាដើម នឹងផ្ដល់អំណោយមិនតិចជាង ៣៥លានអ៊ឺរ៉ូ។
  • សហគ្រាសធានារ៉ាប់រង់ «Axa France» សន្យាផ្ដល់១០លានអ៊ឺរ៉ូ ខណៈសហគ្រាសធានារ៉ាប់រង «Groupama» សន្យានឹងផ្ដល់ជូនឈើខ្លឹម ១៣០០ដើម ដែលកាប់ចេញពីព្រៃ ក្នុងប្រទេសបារាំង។

ចំណែកមូលនិធិបេតិកភ័ណ្ឌ «Fondation du patrimoine» ដែលទទួលបន្ទុកទ្រទ្រង់ បណ្ដាមហាគ្រឹះ អាគារដ៏មានតម្លៃ… នៅក្នុងប្រទេសបារាំង បានទទួលប្រាក់«អំណោយ» ពីគ្រប់មជ្ឈដ្ឋាន ទាំងក្នុងនិងក្រៅប្រទេស បានចំនួន ១៣៦,៣លានអ៊ឺរ៉ូហើយ មកទល់នឹងម៉ោងនេះ ដើម្បីកម្មវត្ថុតែម្យ៉ាង គឺជុសជុលព្រះវិហារ «Notre-Dame» ឡើងវិញ។ ម្ចាស់អំណោយ ដែលដាក់ប្រាក់វិភាគទានខ្លួន នៅក្នុងមូលនិធិនេះ មានមួយចំនួន មិនចង់ឲ្យគេបញ្ចេញឈ្មោះទេ៕



លំអិតបន្ថែមទៀត

ដំណឹង

Covid-19៖ នាវា​យក្ស​ផ្ទុក​យន្ដហោះ​ចម្បាំង​បារាំង មាន​ករណី​ឆ្លង​៥០នាក់

នាវា​យក្ស​ផ្ទុក​យន្ដហោះ​ចម្បាំង​បារាំង ដែលកំពុងធ្វើដំណើរ លើមហាសាគរ អាត្លង់ទិក បានប្រកាសកាលពីថ្ងៃពុធ ថាខ្លួនសម្រេចពន្លឿន ការវិលត្រឡប់មកកាន់ទឹកដីបារាំងវិញ យ៉ាងលឿនតាមតែអាចធ្វើបាន បន្ទាប់ពីរកឃើញ ករណីឆ្លងជំងឺ «Covid-19» នៅលើនាវា។ ក្រសួងកងទ័ព​របស់​ប្រទេស​បារាំង ...
ដំណឹង

ប្រធានាធិបតី​បារាំង​ចង់​ជុសជុល​​ព្រះវិហារ Notre-Dame រួច​ក្នុង​«៥ឆ្នាំ»

ប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) បានថ្លែងក្នុងយប់ថ្ងៃអង្គារថា ព្រះវិហារ «Notre-Dame» ដ៏ល្បីនៃរដ្ឋធានីប៉ារីស នឹងត្រូវជុសជុលឡើងវិញ ឲ្យបានរួចរាល់ នៅក្នុងរយៈពេល«៥ឆ្នាំ»។ ...
ដំណឹង

អាជ្ញាធរបារាំង​តាមប្រមាញ់​«ជនជិះកង់» ក្នុង​ការបំផ្ទុះ​គ្រាប់បែក​បង្កៃ​នៅលីយ៉ុង

អាជ្ញាធរបារាំង​កំពុងតាមប្រមាញ់​«ជនជិះកង់»​ម្នាក់ យ៉ាងសកម្ម​បំផុត។ ជនម្នាក់នេះ ទំនងជាប់សង្ស័យ នៅក្នុងហេតុការណ៍បំផ្ទុះកញ្ចប់ផ្លុងចោល នៅខាងមុខហាងនំប៉័ង កណ្ដាលក្រុងលីយ៉ុង (ភាគខាងត្បូង) កាលពីថ្ងៃសុក្រសប្ដាហ៍មុន។ រហូតមកដល់ម៉ោងនេះ ការបំផ្ទុះ ដែលបង្ករបួសដល់មនុស្សច្រើននាក់ មិនមានក្រុមណាមួយចេញមុខ ...

យល់ស៊ីជម្រៅផ្នែក ដំណឹង

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.