បន្ទាប់ពីធ្វើតេស្ដិ៍«វិជ្ជមានកូវីដ-១៩ (Covid-19)» ក្នុងថ្ងៃព្រហស្បត្តិ៍នេះ ប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) បានដាក់ខ្លួន ធ្វើចត្តាឡីស័កចំនួន៧ថ្ងៃ។ មេដឹកនាំអ៊ឺរ៉ុបមួយចំនួនទៀត ដែលបានជួប​ជាមួយ​ប្រធានាធិបតី​បារាំង ក៏បានដាក់ខ្លួន ក្នុងវិធានការ​​បង្ការជំងឺ​នេះដែរ។

សេចក្ដីប្រកាសព័ត៌មាន របស់វិមានប្រធានាធិបតីបារាំង បានឲ្យដឹងថា លោក ម៉ាក្រុង បានរកឃើញលទ្ធផល«វិជ្ជមានកូវីដ» ក្រោយពីលោក​មាន​រោគសញ្ញាសង្ស័យ ក្នុងជំហានដំបូង។ លោកប្រធានាធិបតី នឹងដាក់ខ្លួនដាច់ដោយឡែក ចំនួន៧ថ្ងៃ តែនៅបន្តការងារ​របស់លោក ជាធម្មតា ពីចំងាយ។

គម្រោងបម្លាស់ទី  និងជំនួបនានា របស់លោកប្រធានាធិបតី ត្រូវបានលប់ចោល ក្នុងនោះមាន គម្រោងធ្វើដំណើរ ទៅកាន់ប្រទេសលីបង់ នៅថ្ងៃអង្គារ និងថ្ងៃពុធខាងមុខ ដើម្បីជួបជាមួយកងទ័ពបារាំង នៅទីនោះ។

ដោយឡែក មេដឹកនាំបារាំង និងអ៊ឺរ៉ុបជាច្រើននាក់ ដែលមាន​ទំនាក់ទំនងផ្ទាល់​ជាមួយលោក ម៉ាក្រុង បានប្រកាសខ្លួន​ធ្វើចត្តាឡីស័ក​ជាបន្តបន្ទាប់ បើទោះជាពួកគេ​បានធ្វើតេស្ដិ៍អវិជ្ជមានកូវីដ​​ក្នុងជំហាននេះក្ដី។ ពីចំណោមនោះ មានលោកនាយករដ្ឋមន្ត្រី ហ្សង់ កាស្ដិក (Jean Castex) ប្រធានរដ្ឋសភាបារាំង លោក «Richard Ferrand» នាយករដ្ឋមន្ត្រីអេស្ប៉ាញ លោក «Pedro Sanchez» នាយករដ្ឋមន្ត្រី​ព័រទុយហ្គេរ លោក «Antonio Costa» ជាដើម។

វិធានការបង្ការ​ក៏ត្រូវបានអនុវត្តន៍ដូចគ្នា សម្រាប់មេដឹកនាំ​​ក្នុងសហភាពអ៊ឺរ៉ុប​ផ្សេងទៀត ដែលបានទទួលទានអាហារថ្ងៃត្រង់ ជាមួយ​ប្រធានាធិបតី​បារាំងកាលពីថ្ងៃចន្ទ​ដើមសប្ដាហ៍ ក្នុងនោះរួមមាន​ប្រធានក្រុមប្រឹក្សាអ៊ឺរ៉ុប លោក «Charles Michel» ប្រធាន​គណៈកម្មការ​អ៊ឺរ៉ុប អ្នកស្រី «Ursula Von der Leyen» និងប្រធានអង្គការសហប្រតិបត្តិការ និងអភិវឌ្ឍសេដ្ឋកិច្ច លោក «Angel Gurria» ជាដើម។

សម្រាប់ស្ត្រីទីមួយបារាំង អ្នកស្រី ប្រ៊ីហ្សីត ម៉ាក្រុង (Brigitte Macron) វិញ មិនមានអាការៈ ពីការឆ្លងមេរោគដ៏ចង្រៃនេះទេ មកទល់​នឹងម៉ោងនេះ។ នេះ បើតាមការប្រកាស របស់ខុទ្ទកាល័យអ្នកស្រី ក្នុងថ្ងៃព្រហស្បត្តិនេះដដែល។ ខុទ្ទកាល័យស្ត្រីទីមួយបារាំង បានឲ្យដឹងថា អ្នកស្រី ម៉ាក្រុង បានធ្វើតេស្ដិ៍ ទទួលលទ្ធផល​​អវិជ្ជមានកូវីដ៕



លំអិតបន្ថែមទៀត

ដំណឹង

អ៊ីស្ត្រាអែលចាក់វ៉ាក់សាំងឲ្យពលរដ្ឋជាង៦០% ជីវិតវិល​ទៅ«ធម្មតា»វិញ

ជាទិដ្ឋភាពដែលក្រុមប្រទេសនានា នៅបស្ចឹមលោក កំពុងទន្ទឹងរង់ចាំ។ ពលរដ្ឋអ៊ីស្ត្រាអែល កំពុងមានជីវិត​ វិល​ត្រឡប់​ទៅ​«ធម្មតា»វិញ បន្ទាប់ពួកគេប្រមាណជាង៦០ភាគរយ ទទួលបានភាពស៊ាំនឹងមេរោគ ក្រោយពីការចាក់​វ៉ាក់សាំង​បង្ការជំងឺកូវីដ-១៩ (Covid-19) រួច។ រូបភាពដែលបង្ហោះតៗគ្នា នៅលើបណ្ដាញសង្គមទ្វីសធើរ ...
កម្ពុជា

ហ៊ុន សែន លើកពី​ខឿន​ការពារ​សុខភាព​ក្នុង​សមរភូមិ​ប្រឆាំង​«Covid-19»

បើលោកនាយករដ្ឋមន្ត្រី ហ៊ុន សែន ធ្លាប់ប្រើពាក្យ «ខឿនការពារជាតិ» ​ក្នុងវិស័យយោធាតាំងមុនមកនោះ នៅថ្ងៃនេះ លោកបានប្រើពាក្យប្រហាក់ប្រហែលគ្នានេះ គឺ«ខឿនការពារសុខភាព» ក្នុងសមរភូមិប្រឆាំង នឹងមេរោគ«Covid-19»។ លោកលើកឡើងថា «ខឿនការពារសុខភាព» ...
កម្ពុជា

សម រង្ស៊ី បង្ហាញ​មូលហេតុ ៣យ៉ាង ដែល​អាចការពារ​កម្ពុជា ពី​«Covid-19»

លោក សម រង្ស៊ី បានបង្ហាញ ពីលទ្ធភាព«៣យ៉ាង ដែលជួយការពារប្រទេស ស្ថិតនៅ​តំបន់អាស៊ី​ភាគអាគ្នេយ៍ ដូចប្រទេសកម្ពុជា» ពីការរាតត្បាតនៃជំងឺ«Covid-19»។ មកដល់ថ្ងៃនេះ របបក្រុងភ្នំពេញបានបញ្ចេញ «តួលេខផ្លូវការ» ថាកម្ពុជា​មាន​ករណី​ឆ្លងជំងឺ ...

Comments are closed.

យល់ស៊ីជម្រៅផ្នែក ដំណឹង

កម្ពុជា

សម រង្ស៊ី ៖ ស្ដេចនឹងដាក់រាជ្យ ប្រសិនច្បាប់​«សញ្ជាតិ១»​ត្រូវបានអនុម័ត

ដំណឹង

អាហ្វហ្គានីស្ដង់៖ ISIS ទទួលស្គាល់​ភេរវកម្ម​៧ដង ក្នុងក្រុង​«ភាគខាងកើត»

អង្គការភេរវនិយម ក្រុមរដ្ឋអ៊ីស្លាម (ពាក្យ​អារ៉ាប់​ហៅ Daech ពាក្យ​កាត់​​បារាំង​​ហៅ EI ​​​អង់គ្លេស​​​ហៅ ISIS ) បានចេញមុខមកទទួលស្គាល់ ភេរវកម្មបំផ្ទុះគ្រាប់បែក ច្រើនដងកាលពីថ្ងៃសៅរ៍ និងថ្ងៃអាទិត្យ ...
ដំណឹង

កំពូល​អ្នកប្រដាល់​ហ្វីលីពីន ប្រកាសបេក្ខភាព​ប្រជែងប្រធានាធិបតី ឌូតែតេ

កំពូល​អ្នកប្រដាល់​ហ្វីលីពីន ដ៏មានប្រជាប្រិយភាព លោក មានី ផាគីអៅ (Manny Pacquiao) បានប្រកាសបេក្ខភាពរបស់លោក ក្នុងថ្ងៃអាទិត្យនេះ ដើម្បីឈានទៅប្រកួតប្រជែង ក្នុងការបោះឆ្នោតប្រធានាធិបតី នៅឆ្នាំ២០២២ខាងមុខ។ លោក ...