កម្រមានដំណឹង

បារាំង៖ ប្រើ​​«ទួនវីស»​ចាក់សម្លាប់​ឆ្កែ​ខ្លួនឯង ទាំងនៅ​កណ្ដាល​ផ្លូវ

ហេតុការណ៍ដ៏ហួសនិស្ស័យមួយ បានកើតឡើង នៅក្បែររដ្ឋធានីប៉ារីស (បារាំង) កាលពី​ព្រឹក​ថ្ងៃសៅរ៍។ បុរសម្នាក់បានបណ្ដើរឆ្កែរ ប្រភេទប៊ែរហ្សេ មួយក្បាលរបស់ខ្លួន ចេញមក​តាមដង​ផ្លូវ ហើយដក«ទួនវីស» មកចាក់ចំនួនពីរដង ទៅលើសុនខ បណ្ដាលឲ្យដួលស្លាប់ នៅនឹង​កន្លែង។

សារព័ត៌មានបារាំង «Le Parisien» បានរាយការណ៍ថា ហេតុការណ៍នេះ បានកើតឡើង ក្នុងក្រុង «Aubervilliers» (93) ដែលស្ថិតនៅភាគឦសាន ជាប់រដ្ឋធានី ប៉ារីស។ បុរស​ម្ចាស់​ឆ្កែ បានប្រើ«ទួនវីស» ចាក់លើកទីមួយ ចំពោះផ្នែកខាងឆ្វេង និងលើកទីពីរ ចំពីលើ​ខ្នង។

សុនខដែលមានវ័យ ទើបបាន៦ខែ បានដង្ហក់ និងបានដួលស្លាប់ នៅលើចិញ្ចើមផ្លូវ ក្រោមក្រសែភ្នែកដ៏រន្ធត់ ពី​អ្នកដំណើរ នៅជុំវិញនោះ។ ក្រោយមក សពសត្វកំសត់ ត្រូវបាន​ប្រមូលយក ដោយសមាគមមួយ ដែលទទួលបន្ទុក ចិញ្ចឹម និងឃ្លាំមើលសត្វ ប្រចាំតំបន់។

សារព័ត៌មានបានស្រង់សំដី របស់ប្រភពមួយ ដែលស្និតនឹងសំនុំរឿងនេះ មកចុះផ្សាយថា «វាជាទង្វើ ដ៏សាហាវព្រៃផ្សៃ និងហួសនិស្ស័យ»។

បន្ទាប់ពីត្រូវអាជ្ញាធរ ចាប់ខ្លួនយកទៅឃុំ (ជាបណ្ដោះអាសន្ន) រួច បុរសជាម្ចាស់ឆ្កែ បាន​វៃតប់ខ្លួនឯង នៅក្នុងបន្ទប់ឃុំឃាំង មុននឹងត្រូវបានបញ្ជូន ទៅកាន់មន្ទីរពេទ្យ។ ស្ថានភាព​ផ្លូវចិត្ត របស់បុរសម្នាក់នេះ ទំនងជានឹងត្រូវឆ្លងកាត់ ការត្រួតពិនិត្យ ជាច្រើនដង​ទៀត ដោយពេទ្យជំនាញ។

សមាគមការពារសត្វ ឈ្មោះ «Stéphane Lamart» បានដាក់ពាក្យបណ្ដឹងមួយ ឡើងទៅ​អាជ្ញាធរ ប្ដឹង​បុរស​ម្ចាស់ឆ្កែ។ ហើយទង្វើដ៏សាហាវ ក្នុងការសម្លាប់ឆ្កែខ្លួនឯង អាចឲ្យ​បុរស​រូបនេះ ជាប់​ពន្ធនាគារ រហូតដល់២ឆ្នាំ និងត្រូវពិន័យជាប្រាក់ ប្រមាណជា ៣ម៉ឺនអ៊ឺរ៉ូ៕



You may also like

កំសាន្ដ

កណ្ដុរ​ជាប់ខ្លួន​នឹង​«គម្របលូ» ទទួលបាន​ការសង្គ្រោះ​នៅអាល្លឺម៉ង់

មិនមែនជាកណ្ដុររ៉េមី (Rémy) នៅក្នុងភាពយន្ដគំនូរជីវចល «3D» រឿង «Ratatouille» របស់ផលិតកម្ម «Disney» អាមេរិកនោះទេ តែជាសត្វកណ្ដុរប្រមេះមែនទែន ដែលជាប់ខ្លួននឹង«គម្របលូ» កណ្ដាលក្រុង«Bensheim» ភាគខាងត្បូងអាល្លឺម៉ង់។ ...
កម្ពុជា

អាមេរិក​និង​មន្ត្រី​ជំនាញ អ.ស.ប បរិហារ​ការចា​ប់ខ្លួន​យុវជន​និយម កែម ឡី

ទាំងសហរដ្ឋអាមេរិក និងអ្នករាយការណ៍ពិសេស របស់អង្គការសហប្រជាជាតិ ( អ.ស.ប ) សុទ្ធតែបានសំដែងប្រតិកម្មរបស់ផងខ្លួន នៅចំពោះទង្វើចាប់ចងរបស់អាជ្ញាធរ នៃរបបក្រុងភ្នំពេញ ប្រឆាំងយុវជនពីរនាក់កាលពីសប្ដាហ៍មុន នៅខណៈពួកគេបានចូលរួម រំឭកខួបបីឆ្នាំ នៃឃាតកម្មលើលោក​បណ្ឌិត ...
កំសាន្ដ

ទិដ្ឋភាព​យក​ឆ្កែ​មក​បោះចោល​ បង្ក​«ការរំជួលចិត្ត»នៅ​អង់គ្លេស

វីដេអូមួយ ដែលត្រូវបានសមាគមការពារសត្វ «RSPCA» ក្នុងប្រទេសអង់គ្លេស ផ្សាយក្នុងដើមសប្ដាហ៍នេះ បានធ្វើឲ្យ​មនុស្ស​ជាច្រើននាក់ ស្រយតស្រយង់ និងមាន«ការរំជួលចិត្ត»ជាខ្លាំង។ នៅក្នុងវីដេអូនោះ គេឃើញបុរសម្នាក់ បាន​បើកឡាន មកចតនៅលើវិថី «Stoke-on-Trent» ...

Comments are closed.

កម្រមាន

អ៊ីតាលី៖ ជីករូងដី​គ្រោងចូលលួច​ធនាគារ ស្រាប់តែ… ដីធ្លាក់សង្កត់

កម្រមាន

ប៉ាគីស្ដង់៖ បាញ់«៥គ្រាប់»​សម្លាប់កូនខ្លួន​ទើបកើត ព្រោះមិនមែនប្រុស

បុរសជាឪពុកមួយរូប ត្រូវបានចាប់ខ្លួន ក្នុងថ្ងៃព្រហស្បត្តិ៍នេះ បន្ទាប់ពីបានសម្លាប់ទារិការបស់ខ្លួន ដែលទើបនឹងចាប់កំណើត ដោយគ្រាប់កាំភ្លើង«៥គ្រាប់»។ បើតាមអាជ្ញាធរ បានអះអាងថា បុរសរូបនោះចង់បានកូនប្រុស និងមានការខកចិត្តជាខ្លាំង បន្ទាប់ពីកូនខ្លួនដែលកើតមក ជាទារិកា។ ហេតុការណ៍កើតឡើង ...
កម្រមាន

បារាំង៖ ជាប់គុក៨ឆ្នាំ ពីបទរំលោភ​ស្ត្រីពេស្យា​ប្ដូរភេទ​ម្នាក់

កាលពីថ្ងៃព្រហស្បត្តិ៍ ទី១៨ ខែមីនា ឆ្នាំ២០២១នេះ បុរសម្នាក់ត្រូវបានតុលាការ នៅរដ្ឋធានីប៉ារីស (បារាំង) ផ្ដន្ទាទោស​ឲ្យជាប់​ពន្ធនាគារ៨ឆ្នាំ ពីបទរំលោភ​ស្ត្រីពេស្យា​ប្ដូរភេទ​ម្នាក់ ដោយការគម្រាមប្រើកាំបិត នៅក្នុង​ពេល​កើតហេតុ។ ហេតុការណ៍ចាប់រំលោភ​បានកើតឡើង តាំងពីខែវិច្ឆិកា ...