កម្រមានដំណឹង

រង​ការ​ពិន័យ ព្រោះ​បាន​ព្រលែង​កណ្ដុរ ចូល​ក្នុងសភា​តំបន់​រ៉ុស្ស៊ី

ក្នុងដើមសប្ដាហ៍នេះ តុលាការក្រុង ស៊ាំងភីធើរស្បួរ៍ (Saint-Pétersbourg – រ៉ូស្ស៊ី) បានសម្រេចផ្ដន្ទាទោស ដោយ​ពិន័យជាប្រាក់ ទៅលើយុវជនរ៉ូស្ស៊ីមួយរូប ពីបទបានព្រលែងកណ្ដុរ ចូលក្នុងអាគារសភាតំបន់ ដើម្បីការតវ៉ាមួយ ដែលយុវជនអះអាងថា ប្រឆាំងនឹងភាព​អសកម្ម របស់ក្រុមអ្នកតំណាងរាស្ត្រ។

យុវជន «Ilia Mokhov» អាយុ២៣ឆ្នាំ ត្រូវបានតុលាការរកឃើញថា មានទោស «រំលោភ​លើបទបញ្ញត្តិ នៃការជួបប្រជុំ ក្នុងទីកន្លែងសាធារណៈ» ហើយបានពិន័យយុវជន ជាប្រាក់ ១០ ០០០ រូព (ប្រមាណជា ១៣០អ៊ឺរ៉ុប ឬ១៤០ដុល្លារ)។

កាលពីខែវិច្ឆិកាកន្លងទៅ យុវជនបានដើរចូល ទៅក្នុងអាគារ នៃសភាតំបន់ របស់ប្រទេសរ៉ុស្ស៊ី ជាមួយនឹងប្រអប់មួយ ដែលមានកណ្ដុរប្រមេះពីរក្បាល នៅខាងក្នុង។ បន្ទាប់ពីបានចូល ទៅដល់ខាងក្នុងអាគាររួច យុវជនបានព្រលែង កណ្ដុរទាំងពីរក្បាល ដោយគ្មានការចាប់អារម្មណ៍សូម្បីបន្តិច ពីសំណាក់អ្នកការពារសន្តិសុខ នៃស្ថាប័នមួយនេះ។

រហូតលុះត្រាយុវជន បានបង្ហោះវីដេអូមួយ នៅលើបណ្ដាញចែកវីដេអូ បង្ហាញពីសកម្មភាពរបស់ខ្លួន ទើបនាយកដ្ឋានសភាតំបន់ បានភ្ញាក់ខ្លួនឡើង ហើយបានប្ដឹងយុវជន ឡើងទៅតុលាការ។

យុវជន «Ilia Mokhov» បានពន្យល់ប្រាប់សារព័ត៌មាន ក្នុងស្រុកថា កាយវិការរបស់ខ្លួន គ្រាន់តែមានចង់ពញាក់អារម្មណ៍ អំពីភាពអសកម្ម របស់ក្រុមអ្នកតំណាងរាស្ត្រ នៃសង្កាត់របស់យុវជន ដែល«គ្មានធ្វើអ្វីទាំងអស់ សម្រាប់ពលរដ្ឋ»។ យុវជនថា៖ «ពួកគេទាំងនោះ គ្មានបានការអ្វី សូម្បីបន្តិចឡើយ។ ពួកគេមិនដែលមកពិគ្រោះ ជាមួយពលរដ្ឋ ហើយពលរដ្ឋ ក៏មិនដែលស្គាល់ ឈ្មោះពួកគេទាំងនោះដែរ។»។

បើតាមសារព័ត៌មានក្នុងស្រុក បានអះអាងថា កណ្ដុរទាំងពីរក្បាលនោះ មិនដែលត្រូវបានរកឃើញមកវិញទេ៕



លំអិតបន្ថែមទៀត

ដំណឹង

ឧក្រិដ្ឋកម្ម៖ ទាហានរ៉ុស្ស៊ី​បាញ់​ជនស៊ីវិលអ៊ុយក្រែន​២នាក់ ពីក្រោយខ្នង

នៅក្នុងយានដ្ឋានមួយកន្លែង ក្បែររដ្ឋធានីគៀវ (ប្រទេសអ៊ុយក្រែន) ទាហានរ៉ុស្ស៊ី២នាក់បានផ្ទុះអាវុធ​ បាញ់សម្លាប់​ជនស៊ីវិលអ៊ុយក្រែន២នាក់ ពីក្រោយខ្នង មុននឹងទាហានទាំងនោះ ចូលឆក់ប្លន់ និងបំផ្លិចបំផ្លាញ​ទ្រព្យសម្បត្តិ​យានដ្ឋាននោះ។ ហេតុការណ៍កើតឡើង តាំងពីថ្ងៃទី១៦ ខែមិនា ឆ្នាំ២០២២ ...
កំសាន្ដ

ចិន៖ បាឡែនឈ្មោល​មួយក្បាល​ទំងន់ ៤០តោន ស្លាប់ក្នុង​ឆកសមុទ្របូហៃ

ត្រីបាឡែនឈ្មោលមួយក្បាល ដែលមានបណ្ដោយ ប្រវែង១៨ម៉ែត្រ និងទំងន់ ៤០តោន ត្រូវបានរកឃើញស្លាប់ នៅឆកសមុទ្របូហៃ (Bohai) ក្បែរក្រុង «Dalian» (ខេត្តលៀវនីង ភាគឦសានប្រទេសចិន)។ នេះ ...
ដំណឹង

នៅរុស្ស៊ី ទារកម្នាក់​កើតមក មានផ្ទុក​មេរោគ «Covid-19»

ទារកមួយរូប ត្រូវបានរកឃើញថា មានផ្ទុក​មេរោគ «Covid-19» បន្ទាប់ពីទារករូបនោះ បានចាប់កំណើត ពីផ្ទៃផ្ដាយ ដែលបានឈឺ​ជំងឺនេះ​រួចហើយ។ នេះ បើការអះអាង​របស់​អាជ្ញាធរ​សុខាភិបាល​តំបន់ នៃប្រទេសរុស្ស៊ី កាលពីថ្ងៃអាទិត្យ។ ករណីឆ្លងពីម្ដាយ ...

Comments are closed.

យល់ស៊ីជម្រៅផ្នែក កម្រមាន

កម្រមាន

អ៊ីតាលី៖ ជីករូងដី​គ្រោងចូលលួច​ធនាគារ ស្រាប់តែ… ដីធ្លាក់សង្កត់

កម្រមាន

ប៉ាគីស្ដង់៖ បាញ់«៥គ្រាប់»​សម្លាប់កូនខ្លួន​ទើបកើត ព្រោះមិនមែនប្រុស

បុរសជាឪពុកមួយរូប ត្រូវបានចាប់ខ្លួន ក្នុងថ្ងៃព្រហស្បត្តិ៍នេះ បន្ទាប់ពីបានសម្លាប់ទារិការបស់ខ្លួន ដែលទើបនឹងចាប់កំណើត ដោយគ្រាប់កាំភ្លើង«៥គ្រាប់»។ បើតាមអាជ្ញាធរ បានអះអាងថា បុរសរូបនោះចង់បានកូនប្រុស និងមានការខកចិត្តជាខ្លាំង បន្ទាប់ពីកូនខ្លួនដែលកើតមក ជាទារិកា។ ហេតុការណ៍កើតឡើង ...
កម្រមាន

បារាំង៖ ជាប់គុក៨ឆ្នាំ ពីបទរំលោភ​ស្ត្រីពេស្យា​ប្ដូរភេទ​ម្នាក់

កាលពីថ្ងៃព្រហស្បត្តិ៍ ទី១៨ ខែមីនា ឆ្នាំ២០២១នេះ បុរសម្នាក់ត្រូវបានតុលាការ នៅរដ្ឋធានីប៉ារីស (បារាំង) ផ្ដន្ទាទោស​ឲ្យជាប់​ពន្ធនាគារ៨ឆ្នាំ ពីបទរំលោភ​ស្ត្រីពេស្យា​ប្ដូរភេទ​ម្នាក់ ដោយការគម្រាមប្រើកាំបិត នៅក្នុង​ពេល​កើតហេតុ។ ហេតុការណ៍ចាប់រំលោភ​បានកើតឡើង តាំងពីខែវិច្ឆិកា ...