ដំណឹងសេដ្ឋកិច្ចអាស៊ី-ប៉ាស៊ីភិក

យីហោ​សម្លៀកបំពាក់​ធំៗ កំពុងត្រៀម​ដកខ្លួន ពីរោងចក្រ​នៅអាស៊ី?

យីហោ​សម្លៀកបំពាក់​ធំៗ ជាច្រើន​របស់​បស្ចឹមលោក កំពុងគ្រោងដកខ្លួន ឬផ្អាកការបញ្ជាទិញ ក្នុងរយៈពេលវែង ដែលបង្កផលប៉ះពាល់ យ៉ាងធ្ងន់ធ្ងរ ទៅដល់ការងារកម្មករ ជាពិសេសបណ្ដាកម្មករ ដែលជាសមាជិកសហជីព នៅក្នុងបណ្ដារោងចក្រនានា លើទឹកដីអាស៊ីអាគ្នេយ៍។ នេះ បើតាមការរបាយការណ៍មួយ របស់សារព័ត៌មាន «FashionNetwork» ដែលមានបណ្ដាញរបស់ខ្លួន នៅច្រើនប្រទេសក្នុងពិភពលោក។

យីហោសម្លៀកបំពាក់គ្រាក់ៗទាំងនោះ មានដូចជា «Primark» «Mango» «Zara» និង «Bestseller Group»ជាដើម។ ខណៈរោងចក្រ ដែលជាអ្នកផ្គត់ផ្គង់ផលិតផល សម្រាប់យីហោខាងលើ មាននៅក្នុងប្រទេសកម្ពុជា ភូមា និងនៅក្នុងប្រទេសថៃ។

របាយការណ៍សារព័ត៌មានខាងលើ ដែលចេញផ្សាយ កាលពីម្សិលម៉ិញ បានសរសេរថា នៅក្នុងវិបត្តិ«Covid-19»សព្វថ្ងៃ ដែលកំពុងវាយបំបាក់ សេដ្ឋកិច្ចពិភពលោក សហគ្រាសម្ចាស់យីហោខាងលើ បានសម្រេចលប់ចោលការបញ្ជាទិញរបស់ខ្លួន ឬបានទាមទារ ឲ្យរោងចក្រទាំងនោះ លក់ផលិតផលឲ្យខ្លួន ក្នុងតម្លៃដ៏ថោកជាងធម្មតា។

នៅក្នុងលក្ខខណ្ឌបែបនេះ កម្មករ-កម្មការី រាប់ពាន់-ម៉ឺននាក់ នឹងត្រូវរងផលប៉ះពាល់ ដោយការបណ្ដេញចេញពីការងារ ឬព្យួរការងារ។ ហើយ កម្មករដែលរងគ្រោះមុនគេ គឺបណ្ដាកម្មករ ដែលជាសមាជិកសហជីព។ នេះ បើតាមការអះអាង របស់សហជីព និងសកម្មជនសិទ្ធិការងារ ដែលត្រូវបានស្រង់សំដី ដោយសារព័ត៌មានខាងលើ។

មេដឹកនាំសហជីព នៅក្នុងតំបន់ បានបរិហារបន្តដែរថា ការរាតត្បាតនៃជំងឺ«Covid-19» អាចនឹងត្រូវគេយកមកប្រើ ជា«លេស» ដើម្បីកំចាត់សមាជិក និងសកម្មជនសហជីព នៅក្នុងរោងចក្រទាំងនោះ។ ពួកគេបានសំដែងការព្រួយបារម្ភទៀតថា ក្នុងរយៈពេលនៃវិបត្តិនេះ សិទ្ធិការងារនឹងត្រូវរំលោភ រាប់ចាប់ពីប្រាក់បៀវត្ស រហូតដល់សុវត្ថិភាពការងារ៕



You may also like

កំសាន្ដ

«បងឯងឡើងមកនេះ…» សំណើចខ្លី

«បងឯងឡើងមកនេះ…»៖ ពូសុខកំពុងសង់ ទីលំនៅដ្ឋានរបស់ខ្លួន។ ថ្ងៃនេះ ដល់វេលាដែល ពូសុខត្រូវឡើងប្រក់ក្បឿង ពីលើដំបូលផ្ទះ ហើយគាត់ប្រក់​បានពាក់កណ្ដាល​ហើយ។ មើលទៅគាត់ ដូចជាអស់កម្លាំងជាខ្លាំង។ រំពេចនោះ លេចបុរសម្នាក់ទៀតមកដល់ ក៏ហៅពូសុខពីលើដំបូលផ្ទះ ...
កម្ពុជា

អង្គការ​ពលកម្ម​អន្តរជាតិ​ថាគ្រោះ​«រលំអគារ»​ចិន ពិតជា​អាច​បង្ការបាន

ហេតុការណ៍​នៃការ«រលំអគារ» សាងសង់ដោយសហគ្រាសចិន នៅខេត្តព្រះសីហនុ ដែលបណ្ដាលឲ្យស្លាប់ និងរបួសច្រើនសិបនាក់ ជាការរំលឹកមួយ អំពីហានិភ័យ ដែលកម្មករកម្ពុជា ត្រូវប្រឈមជារៀងរាល់ថ្ងៃ ហើយទាមទារឲ្យមានវិធានការបន្ទាន់។ នេះ បើតាមសេចក្ដីថ្លែងការណ៍ របស់អង្គការពលកម្មអន្តរជាតិ ...
កីឡា និងបច្ចេកវិទ្យា

អង្គការលើកលែងទោស ស្នើ«FIFA»ដាក់សម្ពាធលើប្រទេសកាតា

អង្គការលើកលែងទោស អន្តរជាតិ «Amnesty International» បានអំពាវនាវ​ទៅកាន់​សហព័ន្ធបាល់ទាត់​អន្តរជាតិ «FIFA» ក្នុងថ្ងៃចន្ទទី២២ ខែមីនា ឆ្នាំ២០២១នេះ ឲ្យដាក់សម្ពាធបន្ថែមទៀត ទៅលើប្រទេសកាតា ដែលត្រៀម​រៀបចំ​ទទួលការប្រកួត​បាល់ទាត់ពិភពលោក ឆ្នាំ២០២២ ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...