ក្នុងថ្ងៃអង្គារទី២០ ខែមករានេះ ស្ត្រីមួយរូប ត្រូវបានតុលាការថៃ ផ្ដន្ទាទោសឲ្យជាប់ពន្ធនាគារ ចំនួន៤៣ឆ្នាំ ពីបទ​ជេរប្រមាថ​ព្រះញាតិវង្ស ក្រោម​មាត្រា១១២ នៃច្បាប់​​«ប្រមាថព្រះចេស្ដា» ដ៏តឹងតែងរបស់​ប្រទេស​ថៃ។ ក្រុមអ្នកឃ្លាំមើល បានអះអាងថា ការផ្ដន្ទាទោសនេះ មានលក្ខណៈធ្ងន់ធ្ងរបំផុត មិនដែលធ្លាប់មាន​ពីមុន និងជាសញ្ញាគម្រាមមួយ ទៅលើចលនានិយម​ប្រជាធិបតេយ្យ ដែលទាមទារ​​ឲ្យធ្វើការ​កែទម្រង់​ស៊ីជម្រៅ ទៅលើស្ថាប័ន​ព្រះមហាក្សត្រ។

អ្នកស្រី អង់ចន្ទ ដែលធ្លាប់ជាមន្ត្រីរាជការ​មួយរូបផង ត្រូវបានចាប់ខ្លួន ក្នុងឆ្នាំ២០១៥ និងត្រូវបាន​ចោទប្រកាន់ ចំនួន២៩ករណី ជុំវិញសារ​របស់អ្នកស្រី ដែលបង្ហោះនៅលើបណ្ដាញសង្គម។ អង្គការមេធាវីថៃ ដើម្បីសិទ្ធិមនុស្ស (Thai Lawyers for Human Rights – TLHR) បានអះអាងថា៖

«អ្នកស្រីត្រូវបានរកឃើញ ថាបានប្រព្រឹត្តិកំហុស នៅរាល់បទចោទ និងត្រូវផ្ដន្ទាទោស ដាក់ពន្ធនាគារ៣ឆ្នាំ នៅក្នុងបទចោទនីមួយៗ ដែលធ្វើទោសសរុប (៣x២៩) មានចំនួន៨៧ឆ្នាំ ដែលត្រូវជាប់ក្នុងពន្ធនាគារ។ ហើយដោយសារអ្នកស្រី បានទទួលកំហុស នៅក្នុង​បទប្រព្រឹត្តិនោះ តុលាការបានបន្ថយទោស មកត្រឹមតែពាក់កណ្ដាល គឺ៤៣ឆ្នាំ និង១០០ថ្ងៃ។»

មុនការផ្ដន្ទាទោសលើអ្នកស្រី អង់ចន្ទ ទោសដែលធ្ងន់ធ្ងរបំផុត មានត្រឹមតែ៣៥ឆ្នាំប៉ុណ្ណោះ ដែលត្រូវបានប្រកាស ដាក់លើបុរសម្នាក់ បន្ទាប់ពីបុរសរូបនោះ បានបង្ហោះ និងធ្វើការបញ្ចេញមតិយោបល់ នៅលើបណ្ដាញសង្គមហ្វេសប៊ុក។

អ្នកវិភាគនយោបាយ លោក «Titipol Phakdeewanich» មកពីសាកលវិទ្យាល័យ «Ubon Ratchathani» បានបរិហារ​ការផ្ដន្ទាទោស​នេះ ថាមាន«ចេតនានយោបាយ» ដើម្បីបំភិតបំភ័យ ទៅលើចលនានិស្សិត​សព្វថ្ងៃ ដូចដែលធ្លាប់បានធ្វើ ក្នុងសម័យកាលកន្លងមក។ ស្រង់សំដី​ដោយ​ទីភ្នាក់ងារព័ត៌មានបារាំង «AFP» អ្នកវិភាគរូបនេះ បានបញ្ជាក់ថា៖

«តែបើគេមើលអំពីទំហំ នៃចលនាយុវជន ដែលចេះតែរីកធំឡើងៗ តាំងពីឆ្នាំកន្លងទៅមកនោះ បង្ហាញថា ច្បាប់នេះមិនមានឥទ្ធិពលអ្វី ដូចដែលរដ្ឋាភិបាល​ចង់បាននោះទេ។ ផ្ទុយទៅវិញ ការប្រើច្បាប់នេះ នឹងបំផ្លាញកេរ្ដិ៍ឈ្មោះ របស់ស្ថាប័នព្រះមហាក្សត្រ ទាំងនៅក្នុងប្រទេស និងនៅលើឆាកអន្តរជាតិ។»

ចាប់ពីចលនានិយមប្រជាធិបតេយ្យ បានផ្ទុះឡើងនៅខែកក្កដា ឆ្នាំ២០២០នោះមក ក្រុមសកម្មជននិស្សិត ប្រមាណជាង៤០នាក់ ត្រូវបានចោទប្រកាន់ជាបន្តបន្ទាប់ នៅក្រោមមាត្រា១១២ នៃច្បាប់ខាងលើ។ ច្បាប់«ប្រមាថព្រះចេស្ដា»ដ៏តឹងតែង បានចែងផ្ដន្ទាទោស ដាក់ពន្ធនាគាររហូតដល់១៥ឆ្នាំ ទៅលើជនដែលរកឃើញ ថាមានទោស៕



លំអិតបន្ថែមទៀត

ដំណឹង

បោះឆ្នោត​ថៃ៖ អាមេរិក​សាទរ​«សញ្ញាវិជ្ជមាន»​នៃ​ដំណើរការ​ប្រជាធិបតេយ្យ

សហរដ្ឋអាមេរិកបានសំដែងការសាទររបស់ខ្លួន នៅថ្ងៃអង្គារនេះ ចំពោះការបោះឆ្នោតជាតិ នៅក្នុងប្រទេសថៃ ថាជា«សញ្ញាវិជ្ជមាន» ដើម្បីការវិលត្រឡប់ ទៅរករដ្ឋាភិបាលមួយ តាមបែបប្រជាធិបតេយ្យវិញ។ យ៉ាងណា ក្រុមគណបក្សប្រឆាំង បានលើកឡើងថា ការបោះឆ្នោតកាលពីថ្ងៃអាទិត្យ មានជាប់ដិតដាម ...
ដំណឹង

បាញ់ប្រហារ​នៅ​ថៃ៖ ២៩នាក់​ស្លាប់ ខណៈ​ខ្មាន់​កាំភ្លើង​ត្រូវបង្ក្រាប

ការបាញ់ប្រហារ ក្នុងក្រុង កូរាត នៃខេត្ត «Nakhon Ratchasima» ប្រទេសថៃ ដែលបង្កឡើងដោយទាហានម្នាក់ កាលពីថ្ងៃសៅរ៍ បានបណ្ដាលឲ្យមនុស្ស ២៩នាក់​ស្លាប់ របួសជាង៥០នាក់។ បន្ទាប់ពីរត់គេចខ្លួន ...
ដំណឹង

អតីតមហេសីស្ដេចថៃ រងការបង្ខំ ឲ្យកោរសក់បួស និងបង្ខាំង​នៅក្នុងផ្ទះ?

[ទណ្ឌកម្មស្នេហ៍] អ្នកម្នាង ស្រីរស្មី (Srirasmi) អតីតមហេសីទី៣ របស់ព្រះមហាក្សត្រថៃសព្វថ្ងៃ ត្រូវបានបង្ខំ ឲ្យកោរសក់បួស ជា«ដូនជី» និងបង្ខាំងឲ្យរស់នៅក្នុងផ្ទះ។ នេះ បើតាមប្រភពស្ថិតនឹងព្រះបរមរាជវាំងថៃ ដែលត្រូវបានសារព័ត៌មានជាច្រើន ...

Comments are closed.

យល់ស៊ីជម្រៅផ្នែក ដំណឹង

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

ដំណឹង

ទាហានអ៊ុយក្រែន​ដែលត្រូវរ៉ុស្ស៊ី​បាញ់សម្លាប់ ក្លាយជា«វីរបុរសជាតិ»

ទាហានអ៊ុយក្រែនដែលត្រូវកងទ័ពរ៉ុស្ស៊ីបាញ់សម្លាប់ ត្រូវបានកំណត់អត្ថសញ្ញាណ និងប្រកាសឲ្យក្លាយជា«វីរបុរសជាតិ»។ នេះ បើតាមទីភ្នាក់ងារសន្តិសុខអ៊ុយក្រែន «SBU» និងការថ្លែង របស់ប្រធានាធិបតីអ៊ុយក្រែន លោក «Volodymyr Zelensky» នៅល្ងាចថ្ងៃអាទិត្យទី១២ ខែមិនា។ ...