ដំណឹងអាស៊ី-ប៉ាស៊ីភិក

បោះឆ្នោតជាតិថៃ៖ «ជ័យជំនះ»​ដ៏ភ្ញាក់ផ្អើល​ នៃគណបក្ស​ស្និតយោធា

ប្រាំឆ្នាំក្រោយរដ្ឋប្រហារ មេដឹកនាំយោធា លោក ប្រយុទ្ធ ចន្ទអស្ចារ្យ (Prayuth Chan-ocha) ទំនងជាបានទទួលជោគជ័យ ក្នុងបេសកកម្មដ៏ពិបាកបំផុតរបស់លោក នោះគឺធ្វើឲ្យយ៉ាងណា ដើម្បីរូបលោកទទួលបាន«ជ័យជំនះ» ចេញពីសន្លឹកឆ្នោតរបស់រាស្ត្រ។

គ្មាននរណាបានគិតមកជាមុនទេ ថាគណបក្សអំណាចរដ្ឋ (Phalang Pracharat Party) ទទួលបានសម្លេងនាំមុខគេ នៅក្នុងការបោះឆ្នោតកាលពីថ្ងៃអាទិត្យ។

បើទោះជាលទ្ធផលនៅពេលនេះ នៅមិនទាន់ផ្លូវការក៏ដោយ តែវាបានបញ្ជាក់ហើយថា គណបក្សដែលមានទំនោរ នឹងរបបដឹកនាំ​បែបយោធា​មួយនេះ ទទួលបានសន្លឹកឆ្នោតច្រើនជាងអ្វី ដែលគេទន្ទឹងរង់ចាំពីមុនមក។

បើតាមការគណនាសន្លឹកឆ្នោត គណបក្សរបស់លោក ប្រយុទ្ធ មួយនេះ ទទួលបានអសនៈក្នុងរដ្ឋសភា ប្រមាណជា ១៣៩កៅអី។ បើបូកជាមួយអសនៈ ត្រឹមតែ១២៦កៅអី ដែលមានក្នុងព្រឹទ្ធសភានោះ លោក ប្រយុទ្ធ មានលទ្ធភាពក្នុងការរៀបចំរដ្ឋាភិបាល បានតែម្នាក់ឯង។

ប៉ុន្តែអសនៈទាំង១២៦ នៅក្នុងព្រឹទ្ធសភានោះ ជាផ្នែកមួយនៃការរិះគន់ដ៏ខ្លាំងក្លា ទៅលើរដ្ឋធម្មនុញ្ញថ្មី ដែលត្រូវបានបង្កើតឡើង ដោយក្រុមយោធាខ្លួនឯង។ រដ្ឋធម្មនុញ្ញនោះ បានចែងថា អសនៈនៅក្នុងព្រឹទ្ធសភា ចំនួន២៥០កៅអី គឺជាការតែងតាំងឡើង ដោយយោធា។

រីឯគណបក្សជួយថៃ (Pheu Thai Party) ដែលគេស្គាល់ថា ជាគណបក្សប្រឆាំងដ៏មានប្រជាប្រិយ នៅក្នុងសង្គមស្រទាប់កណ្ដាល និងស្រទាប់ទាបថៃ ទទួលបានសម្លេងឆ្នោតបន្ទាប់។ អ្នកផងបានគិតទុកជាមុនថា គណបក្សស្និតនឹងអតីតនាយករដ្ឋមន្ត្រី ស៊ីនណាវ៉ាត្រា មួយនេះ នឹងឈ្នះការបោះឆ្នោតលើកនេះ ព្រោះក្នុងការបោះឆ្នោតកន្លងមក គណបក្សតែងទទួលបានជ័យជំនះជានិច្ច។

តាំងពីច្រើនខែមកហើយ ដែលមេដឹកនាំគណបក្សជួយថៃ បានអះអាងថា គណបក្សដែលឈ្នះឆ្នោត នឹងត្រូវជ្រើសតាំងនាយករដ្ឋមន្ត្រីថ្មី។ បើលទ្ធផលនៃការបោះឆ្នោតមិនមានអ្វីផ្លាស់ប្ដូរទេ នោះពាក្យសំដីរបស់មេដឹកនាំទាំងនោះ ហាក់ជាការវាយបកត្រឡប់ទៅគណបក្សខ្លួនវិញ៕



លំអិតបន្ថែមទៀត

ដំណឹង

ព្រះរាជវាំងថៃ ឲ្យដក​ព្រះរាមស្ដេច ចេញពី​បេក្ខភាព​ជានាយករដ្ឋមន្ត្រី

បេក្ខភាពជានាយករដ្ឋមន្ត្រី របស់ម្ចាស់ក្សត្រីថៃ ព្រះនាង អ៊ូបុល រតនា (Ubolratana) ដែលត្រូវជាព្រះរាមព្រះមហាក្សត្របច្ចុប្បន្ន មានរយៈពេលត្រឹមតែ១ថ្ងៃប៉ុណ្ណោះ។ គណបក្សដែលតែងតាំងម្ចាស់ក្សត្រី ឲ្យធ្វើជាបេក្ខនារីសម្រាប់តំណែងនាយករដ្ឋមន្ត្រី បានសម្រេចដកបេក្ខភាពនេះចេញវិញ បន្ទាប់ពីមានបម្រាមពី ព្រះរាជវាំងថៃ ...
ដំណឹង

ថៃ៖ ផ្តន្ទាទោសស្ត្រីម្នាក់​​ឲ្យជាប់គុក​៤៣ឆ្នាំ ពីបទ​ជេរប្រមាថ​ព្រះញាតិវង្ស

ក្នុងថ្ងៃអង្គារទី២០ ខែមករានេះ ស្ត្រីមួយរូប ត្រូវបានតុលាការថៃ ផ្ដន្ទាទោសឲ្យជាប់ពន្ធនាគារ ចំនួន៤៣ឆ្នាំ ពីបទ​ជេរប្រមាថ​ព្រះញាតិវង្ស ក្រោម​មាត្រា១១២ នៃច្បាប់​​«ប្រមាថព្រះចេស្ដា» ដ៏តឹងតែងរបស់​ប្រទេស​ថៃ។ ក្រុមអ្នកឃ្លាំមើល បានអះអាងថា ការផ្ដន្ទាទោសនេះ ...
កម្ពុជា

សម រង្ស៊ី៖ កម្ពុជាខុសពីថៃ គឺព្រះមហាក្សត្រខ្មែរ ជា«អាយ៉ងសុទ្ធសាធ»

សម្រាប់លោក សម រង្ស៊ី បានលើកឡើងថា ចំណុចខុសគ្នា​រវាងរបបដឹកនាំ នៅថៃនិង​កម្ពុជា គឺព្រះមហាក្សត្រខ្មែរសព្វថ្ងៃ ជា«អាយ៉ងសុទ្ធសាធ» ខណៈព្រះមហាក្សត្រថៃ មាន​អំណាចខ្លាំងក្លា តែអ្វីដែលប្រទេសថៃ មានរបបដឹកនាំ​ដូចនៅកម្ពុជា គឺ«របបផ្ដាច់ការ​ ...

Comments are closed.

យល់ស៊ីជម្រៅផ្នែក ដំណឹង

កម្ពុជា

ហ៊ុន សែន ឲ្យ សម រង្ស៊ី «សុំទោស»ដើម្បីបញ្ចប់យុទ្ធនាការកម្ចាត់លោក

កម្ពុជា

សម រង្ស៊ី ថា«លោក»​នៅកណ្ដាល ខូចជាងគេ

ការប្រើពាក្យ «អាមឹង» ដើម្បីហៅអ្នកនយោបាយខ្មែរ ទទួលបានការស្វាគមន៍ ពីបណ្ដាជនទូទៅឬទេ? នៅចំពោះការរិះគន់ លោក សម រង្ស៊ី បានប្ដូរឥរិយាបថបន្តិច ដោយហៅលោក ហ៊ុន សែន ...
កម្ពុជា

តុលាការបារាំង​សម្រេចឲ្យ សម រង្ស៊ី ឈ្នះក្ដី​លើ ហ៊ុន សែន និង ឌី វិជ្ជា

មេដឹកនាំប្រឆាំងនៅកម្ពុជា លោក សម រង្ស៊ី ត្រូវបានតុលាការបារាំង សម្រេចក្ដីក្នុងថ្ងៃចន្ទនេះ ឲ្យរួចផុត​ពីការចោទប្រកាន់​ទាំងឡាយ ដែលមាននៅក្នុងបណ្ដឹង​របស់​លោក ហ៊ុន សែន បុរសខ្លាំងនៅកម្ពុជា និងលោក ឌី ...