ដំណឹងអាស៊ី-ប៉ាស៊ីភិក

ធ្លាក់​យន្ដហោះ​នៅ​អៀរ៉ង់ ៖ តេអៀរ៉ង់​បដិសេធ​ផ្ដល់​ប្រអប់ខ្មៅ​ឲ្យ​ក្រុងគៀវ

លោក «Hassan Rohani» ប្រធានាធិបតីនៃប្រទេសអៀរ៉ង់។ (រូបថត AFP)
លោក «Hassan Rohani» ប្រធានាធិបតីនៃប្រទេសអៀរ៉ង់។ (រូបថត AFP)

ធ្លាក់​យន្ដហោះ​នៅ​អៀរ៉ង់ ៖ ផ្ទុយពីការអះអាង កាលពីថ្ងៃសៅរ៍ ដែលថា ខ្លួននឹងប្រគល់ប្រអប់ខ្មៅ របស់យន្ដហោះ ប៊ូអ៊ីង (Boeing 737) ទៅឲ្យប្រទេសអ៊ុយក្រែននោះ របបដឹកនាំក្រុងតេអៀរ៉ង់ បានប្រកាសនៅថ្ងៃអាទិត្យនេះ បដិសេធយន្ដការនេះវិញ ដោយមិនបានបញ្ជាក់មូលហេតុច្បាស់លាស់។

លោក «Hassan Rezaeifar» អ្នកនាំពាក្យអាកាសចរណ៍ស៊ីវិលអៀរ៉ង់ ត្រូវបានស្រង់សំដី ដោយទីភ្នាក់ងារព័ត៌មានក្នុងស្រុក មកបញ្ជាក់ក្នុងថ្ងៃនេះថា៖

«ខណៈនេះ ប្រអប់ខ្មៅស្ថិតក្នុងប្រទេសអៀរ៉ង់ និងមិនត្រូវប្រគល់ ទៅឲ្យនរណាទាំងអស់។»

អ្នកនាំពាក្យបានបន្តថា ការសិក្សាវិភាគ ទៅលើប្រអប់ខ្មៅ នឹងត្រូវដឹកនាំធ្វើ នៅក្នុងប្រទេសអៀរ៉ង់ ហើយថាការប្រគប់ប្រអប់នេះ ទៅឲ្យប្រទេសអ៊ុយក្រែន ឬប្រទេសបារាំង តែនៅក្នុងករណី ដែលប្រទេសអៀរ៉ង់ មិនអាចធ្វើកិច្ចការនេះបាន។ លោកបន្តថា៖

«ប៉ុន្តែ មកដល់នាទីនេះ យើ់ងមិនទាន់បានសម្រេចអ្វីនៅឡើយ ជុំវិញកិច្ចការនេះ។»

កាលពីថ្ងៃសៅរ៍ មន្ត្រីអ្នកនាំពាក្យខាងលើ បានអះអាងថា ដោយសារប្រទេសលោក មិនមានកម្មវិធី ដើម្បីទាញយកទិន្នន័យ ពីក្នុងប្រអប់ខ្មៅមកបាន ដូច្នះហើយការសិក្សាវិភាគ អំពីគ្រោះថ្នាក់ធ្លាក់យន្ដហោះ កាលពីសប្ដាហ៍មុន មិនអាចធ្វើទៅរួច នៅក្នុងប្រទេសអៀរ៉ង់នោះទេ។

កាលពីថ្ងៃទី៨ ខែមករា យន្ដហោះ «Boeing 737» របស់ក្រុមហ៊ុនអាកាសចរណ៍ អ៊ុយក្រែន (Ukraine International Airlines) ដែលភ្ជាប់ជើងហោះហើរ លេខ ៧៥២ ពីរដ្ឋធានីតេអៀរ៉ង់ (ប្រទេសអៀរ៉ង់) ទៅកាន់រដ្ឋធានីគៀវ (ប្រទេសអ៊ុយក្រែន) បានផ្ទុះធ្លាក់ ជាបំណែកតូចៗ នៅប៉ុន្មាននាទី បន្ទាប់ពីយន្ដហោះបានហោះងើបខ្លួន ចេញពីព្រលានយន្ដហោះអន្តរជាតិ នៃរដ្ឋធានីតេអៀរ៉ង់។

បន្ទាប់ពីបានបដិសេធ យ៉ាងដាច់អហង្កា អស់រយៈពេល២ថ្ងៃ កងទ័ពឆ្មាំបដិវត្តន៍អៀរ៉ង់ បានចេញមុខ នៅថ្ងៃសៅរ៍ទី ១១ ខែមករា ប្រកាសទទួលស្គាល់ថា ខ្លួនពិតជាបានបាញ់ទម្លាក់​យន្ដហោះនោះ ដោយសារ​«កំហុសឆ្គង»។

មនុស្សនៅក្នុងយន្ដហោះ ចំនួន១៧៦នាក់ បានស្លាប់ទាំងអស់ ក្នុងនោះមួយភាគធំ ជាបណ្ដាជនអៀរ៉ង់ និងកាណាដា៕



លំអិតបន្ថែមទៀត

ដំណឹង

អ្នកជំនាញថា យន្ដហោះ​បាត់ខ្លួន MH370 បានចុះចត​យ៉ាងសម្ងាត់​នៅកម្ពុជា

ក្រុមអ្នកជំនាញផ្នែកអាកាសចរ បានអះអាងថា ពួកគេមាននៅក្នុងដៃ នូវអំណះអំណាងមួយចំនួន ដែលអាចជាភស្ដុតាងទទួលយកបាន ដើម្បីបញ្ជាក់ថា យន្ដហោះ​បាត់ខ្លួន «MH370» ដែលបានបាត់ដំណឹងយ៉ាងអាថ៌កំបាំង កាលពីជាង៥ឆ្នាំមុន បានចុះចតលើវាល​យន្ដហោះ​សម្ងាត់​មួយ ក្នុងប្រទេសកម្ពុជា។ នេះ ...
ដំណឹង

ចូ បៃដិន អះអាង​​«មិនលេបសម្ដី»​លោក ដែលវាយប្រហារ វ្លាឌីមៀរ ពូទីន

ប្រធានាធិបតីអាមេរិក លោក ចូ បៃដិន (Joe Biden) បាននិយាយកាលពីថ្ងៃចន្ទថា លោកនឹង«មិនលេបសម្ដី»របស់លោក ដែលបានថ្លៃងក្នុងដំណើរទស្សនកិច្ច ក្នុងប្រទេសប៉ូឡូញ និងដែលធ្វើឲ្យមានការបកស្រាយថា លោកចង់ឱ្យប្រធានាធិបតីរ៉ុស្ស៊ី លោក ...
ដំណឹង

«ឥស្សរជន»​ក្នុង​ពិភពលោក ងាយ​រងគ្រោះ​នឹងជំងឺ«Covid-19»

មិនថានៅទីនេះ ឬនៅទីដទៃណាឡើយ ក្រុម«ឥស្សរជន»​សំខាន់ៗ នៅលើពិភពលោក ក្នុងនោះមានមេដឹកនាំ និងតំណាងរាស្ត្រជាច្រើននាក់ ត្រូវបានរកឃើញថា មានឆ្លងជំងឺរលាកផ្លូវដង្ហើមថ្មី បណ្ដាលពីមេរោគ «កូរូណា» ឬ «Covid-19»។ មូលហេតុធំជាងគេ ...

យល់ស៊ីជម្រៅផ្នែក ដំណឹង

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.