ដំណឹងពិភពលោក

ត្រាំ៖ «បើ​អៀរ៉ង់​ចង់ធ្វើ​សង្គ្រាម នោះ​អៀរ៉ង់​នឹង​ត្រូវចប់ ជាស្ថាពរ»

នៅមុននេះបន្តិច ប្រធានាធិបតីអាមេរិក លោក ដូណាល់ ត្រាំ (Donald Trump) បានគម្រាមកម្ទេចប្រទេសអៀរ៉ង់ ឲ្យចប់«ជាស្ថាពរ» ប្រសិនបើប្រទេសនេះ បើកការវាយប្រហារ ប្រឆាំងនឹងប្រយោជន៍អាមេរិកាំង ដែលលោកប្រធានាធិបតីចាត់ទុកថា ជា«ការប្រកាស​សង្គ្រាម»។

តាមរយៈទំព័រទ្វីសធើររបស់លោក ប្រធានាធិបតីនៃប្រទេសមហាអំណាច បានសរសេរថា៖

«បើអៀរ៉ង់ចង់ធ្វើសង្គ្រាម នោះអៀរ៉ង់នឹងត្រូវចប់​ជាស្ថាពរ​។ សូមកុំគម្រាម ដាក់សហរដ្ឋអាមេរិក ម្ដងទៀតឲ្យសោះ !»

ភាពតានតឹងរវាងក្រុងវ៉ាស៊ីនតោន និងក្រុងតេអៀរ៉ង់ បានកើនកម្ដៅខ្លាំងឡើង ក្នុងរយៈពេលប៉ុន្មានថ្ងៃចុងក្រោយ ខណៈសហរដ្ឋអាមេរិកបានដាក់ពង្រាយ វានាចម្បាំង «Abraham Lincoln» ដែលផ្ទុកយន្ដហោះពិឃាត និងនាវាចម្បាំង​ផ្សេងទៀតជាច្រើន នៅក្នុងតំបន់ឈូងសមុទ្រពែរ្យ។

ការដាក់ពង្រាយនោះ ត្រូវបានប្រទេសអៀរ៉ង់ ចាត់ទុកថា ជាការគម្រាមមួយដ៏ធ្ងន់ធ្ងរ ចំពោះខ្លួន។

យ៉ាងណា រដ្ឋមន្ត្រីការបរទេសនៃប្រទេសអៀរ៉ង់ លោក «Mohammad Javad Zarif » បានថ្លែងកាត់បន្ថយកម្ដៅមកវិញ ជាពិសេសចំពោះលទ្ធភាព ដែលនាំឲ្យផ្ទុះសង្គ្រាម នៅក្នុងតំបន់។ មានវត្តមាននៅក្នុងប្រទេសចិន សម្រាប់ដំណើរទស្សនកិច្ចមួយ លោក «Mohammad Javad Zarif » បានថ្លែងថា៖

«ច្បាស់ណាស់ (…) ថានឹងមិនមានសង្គ្រាមផ្ទុះឡើយ ព្រោះយើងមិនចង់បានជម្លោះទេ ហើយគ្មាននរណាម្នាក់ ចង់បង្ហាញសមត្ថភាព ដើម្បីប្រឈមនឹងប្រទេសអៀរ៉ង់ឡើយ។»

ទំនាក់ទំនងអាមេរិក-អៀរ៉ង់ ចាប់ផ្ដើមមានភាពរកាំរកូស បន្ទាប់ពីលោក ដូណាល់ ត្រាំ បានសម្រេចឲ្យដកសហរដ្ឋអាមេរិក ចេញពីកិច្ចព្រមព្រៀងលើសំនុំរឿងនុយក្លេអ៊ែរ ដែលត្រូវបានចុះហត្ថលេខា កាលពីឆ្នាំ២០១៥។

កិច្ចព្រមព្រៀងនោះ មានបំណងដាក់កម្រិត ទៅលើគម្រោងផលិតនុយក្លេអ៊ែរ របស់ប្រទេសអៀរ៉ង់ ជាថ្នូរនឹងការដកចេញ នូវទណ្ឌកម្មទាំងឡាយ ប្រឆាំងប្រទេសនេះ។

ភាពតានតឺងរវាងប្រទេសទាំងពីរ កាន់តែធ្លាក់ចុះដល់កម្រិតទាបបំផុត ចាប់ពីសហរដ្ឋអាមេរិក បានប្រកាសដាក់ទណ្ឌកម្មឡើងវិញ ប្រឆាំងប្រទេសអៀរ៉ង់ កាលពីខែវិច្ឆិកាកន្លងទៅ៕



លំអិតបន្ថែមទៀត

កំសាន្ដ

កូនឈើ​ដែល ម៉ាក្រុង ដាំ​រួមគ្នា​ជាមួយ ត្រាំ បានងាប់​បាត់​ហើយ

កូនឈើដែលជាអំណោយរបស់ប្រធានាធិបតីបារាំង ហើយដែលត្រូវបានថតរូប ឃើញប្រធានាធិបតីនៃប្រទេសទាំងពីរដាំរួមគ្នា បានងាប់​បាត់​ហើយ នៅខណៈទំនាក់ទំនងរវាងអាមេរិក និងបារាំង ហាក់បន្តជួបភាពរកាំរកូស។ រូបថតនៃការដាំកូនឈើរួមគ្នានោះ ជានិមិត្តរូបមួយ នៃទំនាក់ទំនងរវាងប្រទេសទាំងពីរ និងជាពិសេស នៅក្នុងដំណើរទស្សនកិច្ចដំបូង របស់ប្រធានាធិបតីបារាំង ...
ដំណឹង

ដូណាល់ ត្រាំ អះអាង​បានលេប​ថ្នាំ​ការពារ​«គ្រុនចាញ់»​តាំងពី​១០ថ្ងៃ​មកហើយ

លោក ដូណាល់ ត្រាំ (Donald Trump) បានបង្ហើបប្រាប់គេឯង ក្នុងថ្ងៃចន្ទនេះ ថាលោកបានលេបថ្នាំ អ៊ីឌ្រូស៊ីក្លរូគីន (Hydroxychloroquine) ដែលជាថ្នាំប្រឆាំងជំងឺ«គ្រុនចាញ់» តាំងពីច្រើនថ្ងៃមកហើយ ខណៈរូបលោក ...
ដំណឹង

Covid-19៖ ត្រាំ ផ្អាកប្រាក់បដិភាគ សម្រាប់​អង្គការ​សុខភាព​ពិភពលោក

ប្រធានាធិបតីអាមេរិក លោក ដូណាល់ ត្រាំ (Donald Trump) បានសម្រេចផ្អាកការផ្ដល់ប្រាក់បដិភាគ របស់សហរដ្ឋអាមេរិក សម្រាប់​អង្គការ​សុខភាព​ពិភពលោក (WHO / OMS) ដោយចោទ​ស្ថាប័ន​​អន្តរជាតិ​មួយនេះ ...

Comments are closed.

យល់ស៊ីជម្រៅផ្នែក ដំណឹង

កម្ពុជា

អាមេរិក​ផ្ដល់វ៉ាក់សាំង Johnson&Johnson ជាង១លានដូស​ជូនកម្ពុជា

ដំណឹង

Covid-19៖ នាយករដ្ឋមន្ត្រីបារាំង​ថ្លែងពី​«រលកទី៤» និងបន្ថែម​វិធានការ

«យើងឈានមកដល់ រលកទី៤» នេះ ជាការប្រកាសឡើង របស់នាយករដ្ឋមន្ត្រីបារាំង លោក ហ្សង់ កាស្ដិក (Jean Castex) បន្ទាប់ពីលោក​បានបញ្ចប់កិច្ចប្រជុំ ក្រុមប្រឹក្សាការពារជាតិ ដែលបានបញ្ជាក់ឲ្យដឹង ...
កម្ពុជា

សម រង្ស៊ី៖ របបក្រុងភ្នំពេញ និងចិន​ឃុបឃិតគ្នា ដើម្បីកំណត់​តម្លៃ​វ៉ាក់សាំង

បើសិនជាវ៉ាក់សាំងចិនកុម្មុយនីស ហាក់ត្រូវបានកំណត់ ឲ្យក្លាយជាជម្រើសតែមួយគត់នៅកម្ពុជា នោះគឺដោយសារ របបក្រុងភ្នំពេញ និងប្រទេសចិន បានឃុបឃិតគ្នា តាមរយៈអំពើពុករលួយដ៏ធ្ងន់ធ្ងរមួយ ដែលធ្វើឲ្យតម្លៃវ៉ាក់សាំង របស់ប្រទេសកុម្មុយនីស្ដិ៍ មានតម្លៃថ្លៃលើសលុប។ នេះបើតាមការលើកឡើងរបស់លោក សម ...