ដំណឹងសេដ្ឋកិច្ចអាស៊ី-ប៉ាស៊ីភិក

Fitch Solutions ថាវៀតណាម​ចំណេញ​ជាងគេ ពីវិបត្តិ​វាយនភណ្ឌ

ផ្ទុយពីប្រទេសបង់ក្លាដេស កម្ពុជា និងភូមា ប្រទេសកុម្មុយនីស្ដិ៍វៀតណាម នឹងទទួល​ផល​ចំណេញ ច្រើនជាងគេ ពីវិបត្តិ​វាយនភណ្ឌ ដែលប្រទេសទាំងនោះ កំពុងមាន​ក្នុង​ពេលនេះ។ នេះ បើតាម​ការអះអាង​របស់ «Fitch Solutions» ដែលជាសហគ្រាសឃ្លាំមើល និង​វាយតម្លៃមួយ របស់​សហរដ្ឋអាមេរិក។

សហគ្រាសខាងលើ បានអះអាងថា តម្លៃពលកម្ម ដែលបានកើនឡើង និងវិបត្តិជំងឺ​រាតត្បាត «Covid-19» នៅក្នុង​ប្រទេស​ចិន នឹងធ្វើឲ្យក្រុមហ៊ុន សហគ្រាស យីហោ​សម្លៀក​បំពាក់ នៅអាមេរិកនិងអ៊ឺរ៉ុប ដកខ្លួន​ចេញពីចិន ហើយដើរស្វែងរកទីតាំងផ្សេងទៀត នៅក្នុង​ទ្វីបអាស៊ី។

ហើយទីតាំងថ្មី ដែលក្រុមហ៊ុនម្ចាស់យីហោទាំងនោះជ្រើសរើស អាចជាប្រទេសវៀតណាម ដោយសារ​ហេតុផលជាច្រើន ដូចជា ប្រទសវៀតណាម មានពលរដ្ឋពេញកម្លាំង ដែល​សកម្ម រហូត​ដល់ទៅ ៧០ភាគរយ និងមានស្ថិរភាពនយោបាយ បើធៀបនឹង​ប្រទេស​ផ្សេងទៀត ក្នុង​តំបន់។

នៅក្នុងបញ្ជីសន្ទស្ស «ហនិភ័យ» របស់សហគ្រាស «Fitch Solutions» ទាក់ទងនឹង​បរិយាកាស​ពាណិជ្ជកម្ម និង​ដំណើរផលិតកម្ម បានវាយតម្លៃថា ប្រទេសវៀតណាម​ទទួល​បាន​ពិន្ទុ ៥២,៣ ដែលនៅពីលើប្រទេសបង់ក្លាដេស កម្ពុជា និងប្រទេសភូមា។ បញ្ជី​សន្ទស្សន៍​នោះ បាន​សេចក្ដីថា វៀតណាមមិនបង្កហនិភ័យខ្លាំង និងច្រើនណាស់ណាទេ បើធៀប​នឹង​​ប្រទេស ដែលមាន​ពិន្ទុតិចជាង។

របាយការណ៍របស់សហគ្រាសអាមេរិក មិនទាន់រាប់បញ្ចូលផងទេ អំពីកិច្ចព្រមព្រៀង​ពាណិជ្ជកម្មសេរី (EVFTA) ដែលប្រទេសកុម្មុយនីស្ដិ៍មួយនេះ បានចុះហត្ថលេខា ជាមួយ​សហភាពអ៊ឺរ៉ុប ដែលនឹងចូលជាធរមាន ក្នុងខែសីហាខាងមុខ៕



You may also like

កំសាន្ដ

ព័ត៌មានជ័យគ្រត៖ ខួបកំណើតបក្ស សូមជូន​ចម្រៀង​«ដូចមានអ៊ំហូ»

ថ្ងៃនេះ អាជ័យនាងគ្រត សូមជូនចម្រៀងដ៏ល្បីមួយបទ ដែលមានចំណងជើងថា «ដូចមានអ៊ំហូ នៅ​ថ្ងៃ​បុណ្យ​ជោគជ័យ»។ ចម្រៀងនេះ ត្រូវបានស្នើឡើង ដើម្បីចូលរួម​អបអរសាទរយ៉ាងក្លៀវក្លា ខួប​កំណើត​​នៃ​គណបក្ស​ប្រជាជនកម្ពុជា (CPP) ដែលជាផ្នែកមួយ​នៃ​គណបក្សកុម្មុយនីស្ដិ៍​ឥណ្ឌូចិន បង្កើតឡើង​កាលពីឆ្នាំ​១៩៥១ ...
កម្ពុជា

កំពង់ស្ពឺ៖ កម្មការិនី​៥នាក់​ដាច់ដៃ​ម្ខាង ក្នុង​គ្រោះថ្នាក់​ចរាចរណ៍​ដ៏រន្ធត់

កម្មការិនី៨នាក់រងរបួសធ្ងន់ធ្ងរ ក្នុងនោះ៥នាក់ បានដាច់ដៃម្ខាងរបស់ពួកគេ ក្នុង​គ្រោះថ្នាក់​ចរាចរណ៍​ដ៏រន្ធត់ ដែលបានកើតឡើង រវាងរថយន្ដពីរគ្រឿង បើកកៀរគ្នា កាលពីព្រឹកថ្ងៃទី៤ ខែមេសា ឆ្នាំ២០១៩នេះ  ក្នុងស្រុកឧដុង្គ ខេត្តកំពង់ស្ពឺ។ កម្មការិនី៤នាក់ទៀត ...
ដំណឹង

យីហោ​សម្លៀកបំពាក់​ធំៗ កំពុងត្រៀម​ដកខ្លួន ពីរោងចក្រ​នៅអាស៊ី?

យីហោ​សម្លៀកបំពាក់​ធំៗ ជាច្រើន​របស់​បស្ចឹមលោក កំពុងគ្រោងដកខ្លួន ឬផ្អាកការបញ្ជាទិញ ក្នុងរយៈពេលវែង ដែលបង្កផលប៉ះពាល់ យ៉ាងធ្ងន់ធ្ងរ ទៅដល់ការងារកម្មករ ជាពិសេសបណ្ដាកម្មករ ដែលជាសមាជិកសហជីព នៅក្នុងបណ្ដារោងចក្រនានា លើទឹកដីអាស៊ីអាគ្នេយ៍។ នេះ ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...